ମହିଳାମାନେ ସେମାନଙ୍କ ମାସିକଧର୍ମ ଅବଧିରେ ଅନେକ ସମୟରେ ଅନେକ ପ୍ରକାରର ସମସ୍ୟାର ସମ୍ମୁଖୀନ ହୁଅନ୍ତି । ସେମାନଙ୍କ ମଧ୍ୟରେ ପେଟ ଯନ୍ତ୍ରଣା ଏବଂ ଶଯ୍ୟା ଦୁର୍ଗନ୍ଧ ହେବା ସାଧାରଣ କଥା । ଦେହହାତ ଦରଜ, ଅନିଦ୍ରା ଏବଂ ମୁଣ୍ଡବିନ୍ଧା ଭଳି ସମସ୍ୟା ମଧ୍ୟ ଅନ୍ତର୍ଭୁକ୍ତ ଏ ସମୟରେ । ଡାକ୍ତରଙ୍କ କହିବାନୁସାରେ, ଏସବୁ ସମସ୍ୟା ପେନକିଲର ଔଷଧ, ଅସୁରକ୍ଷିତ ପ୍ୟାଡ୍ ଏବଂ ଖାଦ୍ୟ ଦ୍ୱାରା ହୋଇଥାଇ ପାରେ । ବାସ୍ତବରେ, ପେଟ ଯନ୍ତ୍ରଣା ଏବଂ ଶଯ୍ୟା ଦୁର୍ଗନ୍ଧରୁ ମୁକ୍ତି ପାଇବା ପାଇଁ ମହିଳାମାନେ ଯେକୌଣସି ପଦ୍ଧତି ବ୍ୟବହାର କରିଥାନ୍ତି ଏବଂ ତୁରନ୍ତ ଆରାମ ପାଇବା ସହିତ ସ୍ୱାସ୍ଥ୍ୟ ପାଇଁ ଡାକି ଆଣନ୍ତି ଭିନ୍ନ ସମସ୍ୟା । ତେଣୁ ଜାଣିବା ନିହାତି ଜରୁରୀ ଯେ କେଉଁ ଜିନିଷରୁ ଦୂରେଇ ରହିବେ ।
ଅଧିକାଂଶ ମହିଳାଙ୍କର ମାସିକଧର୍ମ ପାଳନ ସମୟରେ ପେଟରେ ଯନ୍ତ୍ରଣା ଦେଖାଦେଇଥାଏ । ବେଳେବେଳେ ଏହା ଅସହ୍ୟ ହୋଇପଡ଼େ । ବାଧ୍ୟ ହେଇ ତେଣୁ ସେମାନେ ପେନକିଲର ଔଷଧ ଖାଇଥାଆନ୍ତି ଯାହା ଭବିଷ୍ୟତରେ ସ୍ୱାସ୍ଥ୍ୟ ପାଇଁ ଏହା ଅତ୍ୟନ୍ତ କ୍ଷତିକାରକ ବୋଲି ପ୍ରମାଣିତ ହୋଇପାରେ । ଆମେରିକୀୟ ନ୍ୟାସନାଲ୍ ଲାଇବ୍ରେରୀ ଅଫ୍ ମେଡିସିନ୍ ଅନୁଯାୟୀ, ଏହି ସମୟରେ ନିଆଯାଇଥିବା ପେନକିଲର ଅତ୍ୟନ୍ତ କ୍ଷତିକାରକ । ଏହି ପେନକିଲରଗୁଡ଼ିକ ଶରୀରରୁ ଭଲ ବ୍ୟାକ୍ଟେରିଆ ମାରିଦିଏ । ଏହାସହିତ ଭବିଷ୍ୟତରେ ଏହା ଯକୃତ ଏବଂ ହୃଦୟ ସମ୍ବନ୍ଧୀୟ ସମସ୍ୟା ସୃଷ୍ଟି କରିପାରେ । ତେଣୁ, ଆପଣ ପେନ୍କିଲର୍ ନେବାଠାରୁ ଦୂରେଇ ରହିବା ଉଚିତ୍ ।
ଶଯ୍ୟା ଦୁର୍ଗନ୍ଧକୁ ଲୁଚାଇବା ପାଇଁ ଅନେକ ମହିଳା ବିଭିନ୍ନ ସମୟରେ ବିଭିନ୍ନ ପ୍ରକାରର ଅତର ବ୍ୟବହାର କରନ୍ତି । କିଛି ସମୟ ପାଇଁ ତାହା କାର୍ଯ୍ୟକାରୀ ତ ହୁଏ ମାତ୍ର ତ୍ୱଚା ପାଇଁ ତାହା କ୍ଷତିକାରକ ହୋଇପାରେ । ଅତରରେ ଅନେକ ରାସାୟନିକ ପଦାର୍ଥ ଅଛି ଯାହା ଆପଣଙ୍କ ଚର୍ମରେ ସଂକ୍ରମଣ ସୃଷ୍ଟି କରିପାରେ । ତେଣୁ ଏହାକୁ ଏଡ଼ାଇବା ଉଚିତ୍ ।
ମାସିକଧର୍ମ ସମୟରେ ମହିଳାମାନେ ଦୀର୍ଘ ସମୟ ଧରି ଗୋଟିଏ ସାନିଟାରୀ ନାପକିନ୍ ବ୍ୟବହାର କରନ୍ତି । ଏହା ମଧ୍ୟ ସେମାନଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ । ସାନିଟାରୀ ନାପକିନ୍ ବ୍ୟବହାର କରିବା ଦ୍ଵାରା ସେମିତିରେ ବାୟୁ ପ୍ରବାହ କମିଯାଇଥାଏ । ଗୋଟିଏ ନାପକିନ୍ ଦୀର୍ଘ ସମୟ ଧରି ବ୍ୟବହାର କରିବା ଦ୍ଵାରା ଜୀବାଣୁ ବିକଶିତ ହୁଏ ଯାହା ଆଲର୍ଜି କିମ୍ବା ସଂକ୍ରମଣର କାରଣ ହୋଇପାରେ । ତେଣୁ ପ୍ରତି ତିନି ଘଣ୍ଟାରେ ନାପକିନ୍ ପରିବର୍ତ୍ତନ କରିବା ଉଚିତ୍ ।
