ସଂସ୍କାର :- ରାଜଧାନୀ ଦିଲ୍ଲୀରେ ଚାଲିଛି ଦେହ ବେପାର। ଗୋଟିଏ ହୋଟେଲର ହାତ ଗଣତି କେତୋଟି ରୁମ ଭଡା ନିଆ ଯାଉଛି , ଆଉ ସେଠାରେ ଚାଲିଛି ଦେହ ବ୍ୟବସାୟ। ଏଭଳି ଏକ ଘଟଣା ବର୍ତ୍ତମାନ ଦିଲ୍ଲୀରେ ଚର୍ଚ୍ଚା ବିଷୟ ପାଳିଟିଛି। ଜଣେ କି ଦୁଇ ଜଣ ନୁହେଁ , ପାଖାପାଖି ୫୦ ଜଣ ଝିଅ ଓ ପୁଅ ମିଶି ଏହି ଦେହ ବ୍ୟବସାୟର ରାକେଟ୍ ଚଳାଉଥିଲେ। ତେବେ ପୋଲିସ ସେମାନଙ୍କୁ ଧରି ନେଇଛି।
ଦିଲ୍ଲୀ ନିକଟରେ ଥିବା ଫରିଦାବାଦରେ ଲଟେରୀ କମିଟି ନାମରେ ଦେହ ବେପାର କରୁଥିବା ଏକ ଗ୍ୟାଙ୍ଗକୁ ଠାବ କରାଯାଇଛି। ଏହି ଗ୍ୟାଙ୍ଗର ୧୫ ଜଣ ଝିଅଙ୍କ ସମେତ ୪୪ ଜଣଙ୍କୁ ପୋଲିସ ଅଟକ ରଖିଛି। ଏହି ମାମଲା ନୀଲମ ବାଟା ରୋଡସ୍ଥିତ ଦି ଆରର୍ବନ ହୋଟେଲ ଏବଂ ରେଷ୍ଟୁରାଣ୍ଟର ଅଟେ। ଗତ ୨୯ ତାରିଖ ରାତିରେ ପୋଲିସ ସେଠାରେ ଚଢାଉ କରି ୪୪ ଜଣଙ୍କୁ ଅଟକ ରଖିଛି। ଗିରଫ ହୋଇଥିବା ୪୪ ଜଣ ଅଭିଯୁକ୍ତଙ୍କ ମଧ୍ୟରୁ ୨୯ ଜଣ ଯୁବକ ଏବଂ ୧୫ ଜଣ ଯୁବତୀ ରହିଛନ୍ତି। ତେବେ ହୋଟେଲରେ ବହୁ ପରିମାଣର ମଦ ବୋତଲ ଏବଂ ମଦରେ ଭର୍ତ୍ତି ଗ୍ଲାସ ମଧ୍ୟ ଦେଖିବାକୁ ମିଳିଛି ବୋଲି ପୋଲିସ ସୂତ୍ରରୁ ଜଣାପଡ଼ିଛି।
ଗୁପ୍ତ ସୂତ୍ରରୁ ସୂଚନା ପାଇବା ପରେ ପୋଲିସ ସେଠାରେ ଚଢାଉ କରିଥିଲା। ପୂର୍ବରୁ ନକଲି ଗ୍ରାହକ ବେଶରେ ହୋଟେଲକୁ ଦୁଇଜଣ ପୋଲିସ ପଠାଯାଇଥିଲା। ଯାହାଫଳରେ ଅଭିଯୁକ୍ତଙ୍କୁ ଘଟଣା ସ୍ଥଳରେ ହିଁ ଧରିବା ପାଇଁ ପୋଲିସକୁ ସହଜ ହୋଇଥିଲା। ପୋଲିସକୁ ହୋଟେଲର ତଳ ମହଲାରେ ଦେଖିବାକୁ ମିଳିଥିଲା ଯେ ସେଠାରେ ଏକ ପାର୍ଟୀ ଚାଲିଛି ଯେଉଁଥିରେ ୪୦ ରୁ ଅଧିକ ଯୁବକ ଓ ଯୁବତୀ ଜଡିତ ଅଛନ୍ତି। ପୋଲିସ ଦେଖିଲା ଯେ, ପାର୍ଟିରେ ଅଶ୍ଳୀଳ ନୃତ୍ୟ ମଧ୍ୟ ପରିବେଷଣ ଚାଲିଛି।
ପୋଲିସର ପଚରାଉଚରା ବେଳେ ଜାଣିବାକୁ ପାଇଥିଲା ଯେ ୟଶ ନାମକ ଜଣେ ବ୍ୟକ୍ତି ଏହି ପାର୍ଟିର ଆୟୋଜନ କରିଥିଲେ, ଯିଏକି ନିଶା ନାମକ ଜଣେ ଯୁବତୀଙ୍କ ମାଧ୍ୟମରେ ଦିଲ୍ଲୀ ଏବଂ ନୋଏଡା ସ୍ଥିତ କଲେଜ ଝିଅମାନଙ୍କୁ ପାର୍ଟିକୁ ନିମନ୍ତ୍ରଣ କରିଥିଲେ।
ସରକାରୀ ନିର୍ଦ୍ଦେଶକୁ ଅବମାନନା କରି ଅନୈତିକ କାମ କରିବା, ଟ୍ରାଫିକ ନିରାକରଣ ଆଇନ, ବିପର୍ଯ୍ୟୟ ପରିଚାଳନା ଆଇନ ଏବଂ ଏକ୍ସାଇଜ୍ ଆକ୍ଟ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
