ସଂସ୍କାର : ଭାରତୀୟଙ୍କ ସମେତ ଅନେକ କୋଟି କୋଟି ଲୋକ WhatsApp ବ୍ୟବହାର କରନ୍ତି । ଏହି ମେସେଜିଂ ଆପ ବର୍ତ୍ତମାନ ଆମ ସମସ୍ତଙ୍କ ଜୀବନଶୈଳୀର ଏକ ଅଂଶ ପାଲଟିଯାଇଛି। ଅଫିସ୍ କର୍ମଚାରୀ, ଛାତ୍ରଛାତ୍ରୀ ଏବଂ ବ୍ୟବସାୟୀ ସମସ୍ତଙ୍କ ପାଇଁ WhatsApp ର ମହତ୍ୱ ଅତ୍ୟନ୍ତ ଗୁରୁତ୍ୱ । କିନ୍ତୁ ଏହି ଆପରେ ଏପରି ଅନେକ ଜିନିଷ ଅଛି, ଯାହାକୁ ଅନେକ ଲୋକ ଜାଣନ୍ତି ନାହିଁ। ଏହି ଆପରେ ଏକ ଏମିତି ସେଟିଂ ରହିଛି ଯାହାର ଭୁଲ୍ ବିନିଯୋଗ କଲେ ଆପଣଙ୍କ ଆକାଉଣ୍ଟକୁ ନିଷିଦ୍ଧ କରିବା ସହିତ ଆପଣଙ୍କୁ ଜେଲ ହୋଇପାରେ । ନିକଟରେ WhatsApp ଭାରତରେ ୨୦ ଲକ୍ଷରୁ ଅଧିକ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି । ତେବେ ଜାଣନ୍ତୁ କେଉଁ କାରଣରୁ WhatsApp ଆପଣ ଆକାଉଣ୍ଟ ନିଷିଦ୍ଧ ହେବା ସହ ଆପଣ ଜେଲ୍ ଦଣ୍ଡ ଭୋଗିବେ।
ଅନାବଶ୍ୟକ କିମ୍ବା ସ୍ପାମ୍ ମେସେଜ ପଠାନ୍ତୁ ନାହିଁ :-
ପ୍ରାୟତଃ ଦେଖାଯାଏ ଯେ, ଲୋକମାନେ ହଜାର ହଜାର ସ୍ପାମ୍ ମେସେଜ୍ ପଠାନ୍ତି । ଯଦି କେହି ସ୍ପାମ୍ ମେସେଜ୍ ପଠାନ୍ତି ଏବଂ ଏହା ରିପୋର୍ଟ କରାଯାଏ, ତେବେ ସେମାନଙ୍କ ନମ୍ବର ଟ୍ରାକ୍ କରାଯାଇ WhatsApp ଆକାଉଣ୍ଟକୁ ନିଷେଧ କରାଯିବ। ଏଥି ସହିତ, ଯଦି ଆପଣ WhatsApp ଜରିଆରେ କାହାକୁ ପର୍ଣ୍ଣ ବିଷୟବସ୍ତୁ ପଠାନ୍ତି, ତେବେ ସେହି ଆକାଉଣ୍ଟ ତୁରନ୍ତ ବ୍ଲକ୍ ହୋଇଯିବ। ଯଦି ଜଣେ ଉପଭୋକ୍ତା ଚାଇଲ୍ଡ ପର୍ଣ୍ଣ ବିଷୟବସ୍ତୁ ପଠାନ୍ତି, ତେବେ ସେ ଜେଲ ମଧ୍ୟ ଯାଇପାରନ୍ତି।
ଥାର୍ଡ ପାର୍ଟି ଆପ୍ ବ୍ୟବହାର କରନ୍ତୁ ନାହିଁ
ଯଦି ଆପଣ WhatsAppରେ ତୃତୀୟ ପକ୍ଷ ବା ଥାର୍ଡ ପାର୍ଟି ଆପ୍ ବ୍ୟବହାର କରନ୍ତି, ତେବେ ତୁରନ୍ତ ସେଗୁଡ଼ିକୁ ବନ୍ଦ କରନ୍ତୁ । କାରଣ ଏଥିରୁ ଆପଣଙ୍କ ଆକାଉଣ୍ଟକୁ ନିଷେଧ କରାଯାଇପାରେ । ଆପ୍ ଷ୍ଟୋର୍ରେ ଅନେକ ତୃତୀୟ ପକ୍ଷ ଆପ୍ ଅଛି। ଏଗୁଡିକ ବ୍ୟବହାରକାରୀଙ୍କ ଗୋପନୀୟତାକୁ ବିପଦରେ ପକାଇଥାଏ । WhatsApp ଏହା ମଧ୍ୟ କହିଛି ଯେ, ତୃତୀୟ ପକ୍ଷ ଆପକୁ ପ୍ରତି ମାସରେ ସ୍କାନିଂ କରାଯାଏ । ଯଦି ଜଣେ ଉପଭୋକ୍ତା ବାରଣ କରାଯାଇ ଥିବା ତୃତୀୟ ପକ୍ଷ ଆପ୍ ବ୍ୟବହାର କରି ଧରା ପଡନ୍ତି ତେବେ ଅସ୍ଥାୟୀ ପ୍ରତିବନ୍ଧକ ଲାଗିପାରେ । କିନ୍ତୁ ସମୀକ୍ଷା ପରେ ଆପଣଙ୍କର ଆକାଉଣ୍ଟକୁ ପୁନର୍ବାର ସକ୍ରିୟ କରାଯାଇପାରିବ।
