ସଂସ୍କାର : ହାତୀ ଉଦ୍ଧାର ବେଳେ ଘଟିଲା ଏକ ବଡ ଅଘଟଣ। ହାତୀକୁ ଉଦ୍ଧାର କରିବାକୁ ଯାଇଥିବା ଉଦ୍ଧାରକାରୀଙ୍କ ଓଡ୍ରାଫ୍ ବୋଟ୍ ଓଲଟିଲା। ତେବେ ବୋଟରେ ୬ରୁ ୭ଜଣ ଥିବା ସୂଚନା ମିଳିଛି । ସେମାନଙ୍କ ମଧ୍ୟରେ ରାଜ୍ୟ ଗଣମାଧ୍ୟମ ଓଟିଭିର ୨ଜଣ ପ୍ରତିନିଧି ମଧ୍ୟ ଥିଲେ । ବୋଟରେ ଉଦ୍ଧାରକାରୀ ଦଳ ସହିତ ଓଟିଭିର ଟିମ୍ ରହିଥିଲା ।
ତେବେ ଓଡ୍ରାଫ ବୋଟରେ ଥିବା ସମସ୍ତ ଯବାନଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରହିଛି । ପ୍ରଥମେ ଉଦ୍ଧାରକାର୍ଯ୍ୟରେ ନିୟୋଜିତ ହୋଇଥିବା ତିନିଜଣ ଓଡ୍ରାଫ୍ ଯବାନ୍ ନିଖୋଜ ଅଛନ୍ତି । ସେମାନଙ୍କ ସହିତ ଥିବା ଦୁଇ ଜଣ ଗଣମାଧ୍ୟମ ପ୍ରତିନିଧିଙ୍କୁ ଉଦ୍ଧାର କରାଯାଇ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା ଆଉ ସେମାନଙ୍କ ମଧ୍ୟରୁ ରିପୋର୍ଟ ଅରିନ୍ଦମ ଦାସଙ୍କ ଦେହାନ୍ତ ହୋଇସାରିଛି। ଯାହାକି ବର୍ତ୍ତମାନ ଏକ ବଡ଼ ଦୁଃଖଦ ଖବର।
ଅନ୍ୟପଟେ ନଦୀରେ ଫଶି ରହିଥିବା ଲୋକଙ୍କୁ ଉଦ୍ଧାର ପାଇଁ ଆଉ ଗୋଟିଏ ବୋଟ ଭିତରକୁ ଯାଇଛି । କିଭଳି ପାଣିରେ ଫଶିରହିଥିବା ନିଖୋଜ ଓଡ୍ରାଫ୍ ଯବାନଙ୍କୁ ଉଦ୍ଧାର କରାଯାଇପାରିବ ସେ ନେଇ ପ୍ରୟାସ ଜାରି ରହିଛି। ହେଲେ ନିଖୋଜ ଥିବା ତିନି ଜଣ ଯବାନଙ୍କୁ ଉଦ୍ଧାର କରାଯାଇ ନାହିଁ । ହାତୀଟି ମଧ୍ୟ ଜୀବନ ବଞ୍ଚାଇବାକୁ ସଂଘର୍ଷ କରୁଛି । ହାତୀଙ୍କୁ ବଞ୍ଚାଇବାକୁ ଯାଇ ବୋଟ୍ ଓଲଟି ଦୁର୍ଘଟଣା ଘଟିଯାଇଛି ।
