ସଂସ୍କାର : ଜୁଗାଡ୍ଡ ମାମଲାରେ ଭାରତୀୟଙ୍କ ଠାରୁ କିଏ ଆଗରେ ନ ଥିବ। କାରଣ ବେଳେବେଳେ ଆମ ଭାରତୀୟ ଇଞ୍ଜିନିୟରମାନେ ବହୁତ କିଛି ଜିନିଷ ଯୋଡିଯାଡି ଏକ ନୂଆ ଜିନିଷ ସୃଷ୍ଟି କରିଦିଅନ୍ତି। ଯାହାକି ଆମ କଳ୍ପନାର ବାହାରେ। କାମକୁ ଶୀଘ୍ର ସାରିବା ପାଇଁ ଭାରତର ଲୋକମାନେ ବେଳେବେଳେ ଦେଶୀ ଜୁଗାଡ୍ଡ କରିଥାନ୍ତି। ତେବେ ସୋସିଆଲ ମିଡିଆରେ ଏପରି ଅନେକ ଭିଡିଓ ଅଛି, ଯାହା ଦେଖି ଆପଣ ଭାବୁଥିବେ ଯେ ଏହା କିପରି ସମ୍ଭବ ହେଲା। ତେବେ ଆସନ୍ତୁ ଆପଣଙ୍କୁ ଏହିପରି ଏକ ଭିଡିଓ ଆମେ ଦେଖାଇବୁ ଯାହାକୁ ଦେଖିଲା ପରେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ।
ତେବେ ଭାଇରାଲ୍ ହେଉଥିବା ଭିଡ଼ିଓ ଟି ହେଉଛି ଏକ ବାଇକ୍ ଚାଳକ ଓ ଗୋଟିଏ ଗାଈର। ଭିଡ଼ିଓଟିରେ ଦେଖିବାକୁ ମିଳୁଛି ଯେ, ବାଇକ୍ ଚାଳକ ଜଣକ ଗୋଟିଏ ଗାଈକୁ ବାଇକର ପଛ ସିଟରେ ବସାଇ କେଉଁଆଡ଼େ ଯାଉଛନ୍ତି। ଆଉ ଗାଈଟି ମଧ୍ୟ ଚୁପଚାପ ପଛରେ ବସିଛି। ଅବଶ୍ୟ ବାଇକ୍ ଚାଳକ ଜଣକ ଗାଈଟିକୁ ସିଟରେ ବାନ୍ଧି ଛନ୍ତି। କିନ୍ତୁ ଗାଈକୁ ଏଥିରେ କିଛି ବି ଫରକ ପଡୁନି। ଆଉ ଗାଈଟି ମାଲିକ ସହିତ ବହୁତ ଆରାମରେ ଯାତ୍ରା କରୁଛି। ମାଲିକ ଜଣକ ହସି ହସି ଗାଈଟିକୁ କେଉଁଆଡ଼େ ନେଇ ଯାଉଛନ୍ତି।
ତେବେ ଏହି ଭିଡ଼ିଓଟି ସୋସିଆଲ୍ ମିଡିଆରେ ଅପଲୋଡ଼ ହେବା ମାତ୍ରେ ଭାଇରାଲ୍ ହୋଇଯାଇଛି। ଆଉ ଅନେକ ୟୁଜର ଏହାକୁ ପସନ୍ଦ ବି କରୁଛନ୍ତି। ଏହି ଭିଡ଼ିଓ ଉପରେ ଭଲ ଭଲ ମତ ମଧ୍ୟ ଦେଉଛନ୍ତି। ତେବେ ସୂଚନା ମୁତାବକ ଏହି ଭିଡ଼ିଓଟିକୁ ବିଭିନ୍ନ ସୋସିଆଲ୍ ମିଡ଼ିଆ ପ୍ଲାଟଫୋର୍ମରେ ୧୦ ଲକ୍ଷରୁ ଉର୍ଦ୍ଧ୍ବ ଲୋକ ଦେଖିସାରିଲେଣି।
