ସଂସ୍କାର : ପ୍ରତ୍ୟେକ ରୋଷେଇରେ ଆଳୁ ଏକ ଗୁରୁତ୍ୱପୂର୍ଣ୍ଣ ଉପାଦାନ। ପିଲାମାନଙ୍କ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ଆଳୁକୁ ବହୁତ ଭଲ ପାଆନ୍ତି। କିନ୍ତୁ ଆପଣ କେବେ ଆଳୁ ଭିତରେ ତିଆରି ହୋଇଥିବା ବେଡ୍ ରୁମରେ ଶୋଇବାକୁ ଚିନ୍ତା କରିଛନ୍ତି କି? ତେବେ ବର୍ତ୍ତମାନ ଆପଣ ଭାବୁଥିବେ ଏହା କିପରି ସମ୍ଭବ ? ତେବେ ଆମେ ଆପଣଙ୍କୁ କହିବାକୁ ଚାହିଁବୁ ଯେ, ଆଳୁ ଭିତରେ ଆମେରିକାରେ ଏକ ବିଳାସପୂର୍ଣ୍ଣ ହୋଟେଲ ତିଆରି ହୋଇଛି। ଆମେରିକାର ଆଇଡାହୋ ରାଜ୍ୟର ୬୦୦ କିଲୋଗ୍ରାମର ଏକ ବଡ଼ ଆଳୁ ଅଛି। ଯେଉଁଥିରେ ଏକ ଭିନ୍ନ ଧାରଣା ବିଳାସପୂର୍ଣ୍ଣ ହୋଟେଲ ନିର୍ମାଣ କରାଯାଇଛି। ୨୮ ଫୁଟ ଲମ୍ବା, ୧୨ ଫୁଟ ଚଉଡା ଏବଂ ୧୧.୫।ଫୁଟ ଉଚ୍ଚତା ବିଶିଷ୍ଟ ଆଳୁକୁ ଦେଖି ବହୁତ ଲୋକ ଆଶ୍ଚର୍ଯ୍ୟ ହୋଇଯାଇଛନ୍ତି।
ଏହି ଆଳୁର ଗୋଟିଏ ଅଂଶରେ ଏକ ବଡ଼ କବାଟ ତିଆରି କରାଯାଇଛି, ଆଉ ଏହି କବାଟ ଖୋଲିବା ମାତ୍ରେ ଏକ ବିଳାସପୂର୍ଣ୍ଣ ହୋଟେଲରେ ପ୍ରବେଶ କଲା ଭଳି ମନେ ହେଉଛି। ଏହି ଆଳୁ ଘରେ ଆପଣ ଏୟାର କଣ୍ଡିସନ୍, ପାୱାର୍ ଆଉଟଲେଟ୍, ବିଳାସପୂର୍ଣ୍ଣ ସୋଫା, ବେଡ୍ ସହିତ ସମସ୍ତ ସୁବିଧା ପାଇବେ। ଦୁଇ ଜଣ ଏହି ଆଳୁ ପରି ଦେଖାଯାଉଥିବା ହୋଟେଲରେ ଏକାଠି ରହିପାରିବେ। ଏଥିରେ ଏକ ଛୋଟ ବାଥରୁମ ଏବଂ ରୋଷେଇ ଘର ମଧ୍ୟ ଅଛି, ଯେଉଁଠାରେ ଆପଣ ରୋଷେଇ କରିପାରିବେ ଏବଂ ଯଦି ଆପଣ ଚାହାଁନ୍ତି, ଆପଣ ଖାଦ୍ୟ ମଧ୍ୟ ପରିବେଷଣ କରିପାରିବେ।
ଗୋଟିଏ ଦିନ ପାଇଁ ଏହି ହୋଟେଲର ଭଡା ବିଷୟରେ ଜାଣିଲେ ଆପଣ ତାଯୁବ ହୋଇଯିବେ। କାରଣ ଆପଣଙ୍କୁ ବହୁତ ପରିମାଣର ଅର୍ଥ ଖର୍ଚ୍ଚ କରିବାକୁ ପଡିପାରେ। ଭାରତୀୟ ମୂଲ୍ୟ ଅନୁଯାୟୀ, ଏହି ହୋଟେଲରେ ୧ ଦିନ ବିତାଇବା ପାଇଁ ଆପଣଙ୍କୁ ୧୮ ହଜାରରୁ ୨୦ ହଜାର ଟଙ୍କା ଦେବାକୁ ପଡିପାରେ।
ଆପଣ ନିଶ୍ଚିତ ଭାବରେ ଭାବୁଥିବେ ଯେ, କାହିଁକି ଏହି ହୋଟେଲଟି ଆଳୁ ଆକୃତିର କରାଗଲା, ତେବେ ଆପଣଙ୍କୁ କହି ଦେବାକୁ ଚାହିଁବୁ ଯେ ଆଇଡାହୋରେ ଆଳୁ ଚିପ୍ସ ଉତ୍ପାଦନ ବହୁତ ଅଧିକ ହୋଇଥାଏ। ଏହାକୁ ଧ୍ୟାନରେ ରଖି ଏହି ରାଜ୍ୟରେ ଆଳୁ ଆକାରରେ ଏକ ହୋଟେଲ ତିଆରି କରାଯାଇଛି।
