ନ୍ୟୁଜିଲ୍ୟାଣ୍ଡର ଅଜାଜ ପଟେଲ ଟେଷ୍ଟ କ୍ରିକେଟ୍ ଇତିହାସରେ ତୃତୀୟ ବୋଲର ଭାବେ ଏକ ଇନିଂସରେ 10 ୱିକେଟ୍ ନେଇଥିଲେ। ମୁମ୍ବାଇରେ ଭାରତ ବିପକ୍ଷ ସିରିଜର ଦ୍ୱିତୀୟ ଟେଷ୍ଟରେ ବାମହାତୀ ସ୍ପିନର ଏହି ସଫଳତା ହାସଲ କରିଛନ୍ତି।ସେ ଇଂଲଣ୍ଡର ଜିମ ଲେକର ଏବଂ ଭାରତର ଅନିଲ କୁମ୍ବଲେଙ୍କ ସହ ତୃତୀୟ ବୋଲର ଭାବରେ ମିଳିତ ଭାବେ ଟେଷ୍ଟ କ୍ରିକେଟ ର ଏକ ଇନିଂସରେ 10 ୱିକେଟ୍ ନେଇଛନ୍ତି।
ମୁମ୍ବାଇ ଟେଷ୍ଟର ପ୍ରଥମ ଇନିଂସରେ ପଟେଲ 47.5 ଓଭର ବୋଲିଂ କରି 119 ରନ୍ ପାଇଁ 10 ୱିକେଟ୍ ନେଇ ଇତିହାସରେ ତାଙ୍କ ନାମ ରେକର୍ଡ କରିଛନ୍ତି। ଯେତେବେଳେ ଅନିଲ କୁମ୍ବଲେ ପାକିସ୍ତାନ ବିପକ୍ଷ ଇନିଂସରେ 10 ଟି ୱିକେଟ୍ ନେଇଥିଲେ,କୌଣସି ବ୍ୟକ୍ତି ଭାବି ନଥିବେ ଯେ କିଛି ବର୍ଷ ପରେ ଏପରି ଦୃଶ୍ୟ ପୁଣି ଦେଖାଯିବ ବୋଲି, କିନ୍ତୁ ଦ୍ୱିତୀୟ ଟେଷ୍ଟ ମ୍ୟାଚରେ ଏହି ରେକର୍ଡ ଭାରତ ବିପକ୍ଷରେ ପୁନରାବୃତ୍ତି ହୋଇଛି । ଅର୍ଥାତ୍ ଏହି ଇନିଂସରେ 10 ଟି ୱିକେଟ୍ ନେଇଛନ୍ତି।
ସେ ଅନିଲ କୁମ୍ବଲେ ଏବଂ ଜିମ ଲେକରଙ୍କ ରେକର୍ଡ ସହ ସମକକ୍ଷ ହୋଇଛନ୍ତି। ଟେଷ୍ଟର 141 ବର୍ଷର ଇତିହାସରେ କେବଳ ଦୁଇଜଣ ବୋଲର ଥିଲେ ଯେଉଁମାନେ ଏକ ଇନିଂସରେ 10 ୱିକେଟ୍ ନେଇଥିଲେ। ଏହି କୀର୍ତ୍ତି ପ୍ରଥମେ ଇଂଲଣ୍ଡର ଜିମ୍ ଲେକରଙ୍କ ଦ୍ୱାରା କରାଯାଇଥିଲା। ସେ 1956 ମସିହାରେ ଅଷ୍ଟ୍ରେଲିଆ ବିପକ୍ଷରେ ମଞ୍ଚେଷ୍ଟର ଟେଷ୍ଟର ଏକ ଇନିଂସରେ 10 ୱିକେଟ୍ ନେଇଥିଲେ। ଏହି ରେକର୍ଡ 1999 ରେ ଭାରତୀୟ ଲେଗ-ସ୍ପିନର ଅନିଲ କୁମ୍ବଲେଙ୍କ ଦିଲ୍ଲୀରେ ପାକିସ୍ତାନ ବିପକ୍ଷରେ ଖେଳାଯାଇଥିବା ଟେଷ୍ଟ ମ୍ୟାଚରେ ସମସ୍ତ 10 ବ୍ୟାଟ୍ସମ୍ୟାନ୍ ଙ୍କୁ ଏକ ଇନିଂସରେ ଆଉଟ କରିଥିଲେ।
