ସଂସ୍କାର : ସରକାରୀ ଅଫିସରେ ସରକାରୀ ବାବୁ ଚଲାଇଛନ୍ତି ଲଜ୍ଜ୍ୟାଜନକ କାର୍ଯ୍ୟ। ବନବିଭାଗର ରେଞ୍ଜରଙ୍କର ଅଫିସରେ ଖୋଦ ରେଞ୍ଜର କରୁଥିଲେ ଲଜ୍ଜ୍ୟାଜନକ କାର୍ଯ୍ୟ। ଜଣେ ମହିଳା ଫରେଷ୍ଟ ଗାର୍ଡ ସହିତ ଅସଂଯତ ଅବସ୍ଥାରେ ଥିଲେ ଖୋଦ ରେଞ୍ଜର ବାବୁ। ଆଉ ଏହି ସମ୍ପୂର୍ଣ୍ଣ ଘଟଣାକୁ ନିଜ ଆଖିରେ ଦେଖିଦେଲେ ଜଣେ ପୁରୁଷ ଫରେଷ୍ଟର। ଆଉ ଏହି ଘଟଣା ଫରେଷ୍ଟର ଦେଖିବା ରେଞ୍ଜରଙ୍କଠାରୁ ଖାଇଲେ ମାଡ଼। ଏପରି ଏକ ଅଭିଯୋଗ ଆଣିଛନ୍ତି ଜଣେ ଫରେଷ୍ଟର।
ସେ କହିଛନ୍ତି ଯେ, ‘ରେଞ୍ଜ ଅଫିସ୍ରେ ରେଞ୍ଜର ଓ ଫରେଷ୍ଟ ଗାର୍ଡ଼ ଅସଞ୍ଜତ ଅବସ୍ଥାରେ ଥିଲେ। ମୁଁ ଦେଖିଦେଲି ବୋଲି ମୋତେ ପିଟିଲେ।’ ଏପରି ଏକ ଅଭିଯୋଗ ଆଣିଛନ୍ତି ଜଣେ ଫରେଷ୍ଟର। ଆଉ ଫରେଷ୍ଟରଙ୍କ ଏହି କଥାକୁ ମହିଳା ଫରେଷ୍ଟ ଗାର୍ଡ଼ ଓ ରେଞ୍ଜର ଖଣ୍ଡନ କରିଛନ୍ତି। ଏପରି ଏକ ସମ୍ବେଦନଶୀଳ ଅଭିଯୋଗ ଆସିଛି ମୟୂରଭଞ୍ଜ ଜିଲ୍ଲାରୁ।
ଅଭିଯୋଗ ଅନୁଯାୟୀ, ଠାକୁରମୁଣ୍ଡା ରେଞ୍ଜ କାର୍ଯ୍ୟାଳୟରେ ବୁଧବାର ସାଧାରଣତନ୍ତ୍ର ଦିବସ ଉତ୍ସବ ପାଳନ ହୋଇଥିଲା। ପତାକା ଉତ୍ତୋଳନ କାର୍ଯ୍ୟ ସରିବା ପରେ କେଶଡିହା ସେକ୍ସନର ଫରେଷ୍ଟର ଭାସ୍କର ଚନ୍ଦ୍ର ଘଣାଙ୍କୁ ରେଞ୍ଜ ଅଧିକାରୀ କିଶୋର ପାଣିଗ୍ରାହୀ ଡାକି ଜାଇକା ପ୍ରକଳ୍ପର ଅଂଶଧନ ବାବଦକୁ ୪୦ ହଜାର ଟଙ୍କା ମାଗିଥିଲେ। ତେବେ ଶ୍ରୀ ଘଣା ପଇସା ଦେଇ ପାରିବେ ନାହିଁ ବୋଲି କହିଥିଲେ। ଏହାକୁ ନେଇ ରେଞ୍ଜ ଅଧିକାରୀ ଶ୍ରୀ ପାଣିଗ୍ରାହୀ ବିରକ୍ତି ଭାବ ପ୍ରକାଶ କରିଥିଲେ। ଏହା ପରେ ଶ୍ରୀ ଘଣା ଘରକୁ ପଳାଇଥିଲେ। କିନ୍ତୁ ଭୋଜି ଅଛି କହି ରେଞ୍ଜ ଅଧିକାରୀ ତାଙ୍କୁ ଅପରାହ୍ନରେ ପୁଣି ଡକାଇଥିଲେ।
ଭାସ୍କର ଚନ୍ଦ୍ର ଘଣାଙ୍କ କହିବା ଅନୁସାରେ ଅପରାହ୍ନରେ ରେଞ୍ଜ ଅଧିକାରୀ କିଶୋର ପାଣିଗ୍ରାହୀ ତାଙ୍କୁ ଫୋନ୍ କରିଥିଲେ। ଭୋଜି ଅଛି କହି ରେଞ୍ଜ ଅଫିସ୍କୁ ଡାକିଥିଲେ। ଏହା ପରେ ସେ ରେଞ୍ଜ ଅଫିସକୁ ଯାଇଥିଲେ। ତେବେ ସେଠାରେ ପହଞ୍ଚି ସେ ରେଞ୍ଜର କିଶୋର ପାଣିଗ୍ରାହୀ ଓ ଜଣେ ମହିଳା ଫରେଷ୍ଟ ଗାର୍ଡଙ୍କୁ ଅସଞ୍ଜତ ଅବସ୍ଥାରେ ଦେଖିଥିଲେ। ଧରାପଡ଼ିଯିବାରୁ ରେଞ୍ଜର ଓ ମହିଳା ଫରେଷ୍ଟ ଗାର୍ଡ ରାଗି ତାଙ୍କୁ ଗାଳି କରିଥିଲେ। ପରେ ଉଭୟ ମିଶି ତାଙ୍କୁ ନିର୍ଧୁମ ପିଟିଥିଲେ। ସେ ଗୁରୁତର ଆହତ ହୋଇଥିଲେ। ବହୁ କଷ୍ଟରେ ସେମାନଙ୍କ କବଳରୁ ମୁକୁଳି ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚି ଥିଲେ। ବୁଧବାର ସନ୍ଧ୍ୟାରୁ ଆଜି ପର୍ଯ୍ୟନ୍ତ ସେ ମେଡ଼ିକାଲ୍ରେ ଚିକିତ୍ସିତ ହେଉଛନ୍ତି।
ଅନ୍ୟପକ୍ଷରେ ଫରେଷ୍ଟର ଶ୍ରୀ ଘଣାଙ୍କ ଅଭିଯୋଗର ଜବାବ ରଖିଛନ୍ତି ମହିଳା ଫରେଷ୍ଟ ଗାର୍ଡ। ସେ ଏହି ଅଭିଯୋଗକୁ ଖଣ୍ଡନ କରିଛନ୍ତି। ସେ କହିଛନ୍ତି, “ଶ୍ରୀ ଘଣାଙ୍କୁ ମାଡ଼ ମରା ଯାଇଥିବା ଘଟଣା ସମ୍ପୂର୍ଣ୍ଣ ମିଥ୍ୟା। ରେଞ୍ଜ ଅଧିକାରୀ ଗତକାଲି ଠାକୁରମୁଣ୍ଡାରେ ନଥିଲେ। ରେଞ୍ଜର ସାରଙ୍କ ସହିତ ମୋର ଦେଖା ହୋଇନାହିଁ। ଭାସ୍କର ଚନ୍ଦ୍ର ଘଣା ନିଶାରେ ଥିଲେ। ଚାଲିବା ଅବସ୍ଥାରେ ନଥିଲେ। ସେ ମୋତେ ଦୁର୍ବ୍ୟବହାର କରିବାରୁ ମୁଁ ଥାନାରେ ଏଫ୍ଆଇଆର୍ ଦେବାକୁ ଯିବି ବୋଲି କହିଥିଲି। ଏହା ପରେ ସେ ମୋତେ ଆକ୍ରମଣ କରିଥିଲେ। ମୋ’ ବିରୋଧରେ ଏକ ଷଡ଼ଯନ୍ତ୍ର ହୋଇଛି।”
ସେହିଭଳି ଫରେଷ୍ଟରଙ୍କୁ ମାଡ଼ ଅଭିଯୋଗକୁ ଖଣ୍ଡନ କରିଛନ୍ତି ରେଞ୍ଜ ଅଧିକାରୀ କିଶୋର ପାଣିଗ୍ରାହୀ। ‘ସେ ମୋର ଶତ୍ରୁ ନା କ’ଣ ଯେ ମୁଁ ତାଙ୍କୁ ମାଡ଼ ମାରିବି। ସେ ମୋର ଷ୍ଟାଫ୍, ତାଙ୍କୁ ମୁଁ କାହିଁକି ମାଡ଼ ମାରିବି’ ବୋଲି ଶ୍ରୀ ପାଣିଗ୍ରାହୀ ଗଣମାଧ୍ୟମ ସମ୍ମୁଖରେ କହିଛନ୍ତି।
