ସଂସ୍କାର : ଆପଣ ନିଜ ଘରରୁ ଅନ୍ୟ ଜଣେ ଦୂର ବନ୍ଧୁ କିମ୍ବା ସମ୍ପର୍କୀୟଙ୍କ ଘରକୁ କାର କିମ୍ବା ବସରେ ଯାଉଛନ୍ତି ଯଦି ନିଶ୍ଚିତ ଭାବରେ ମୁଣ୍ଡବିନ୍ଧା କିମ୍ବା ବାନ୍ତିର ସମ୍ମୁଖୀନ ହୋଇଥିବେ। କେବେଳ ଆପଣ ନୁହେଁ ଏମିତି ଅନେକ ଲୋକ ଦୂର ସ୍ଥାନକୁ ଯାତ୍ରା ସମୟରେ ଏହିଭଳି ରୋଗର ଶିକାର ହୁଅନ୍ତି। କାର କିମ୍ବା ବସରେ ବସୁ ବସୁ ସେମାନଙ୍କୁ ବାନ୍ତି ଲାଗିବା ଆରମ୍ଭ ହୋଇଥାଏ। ଏହି ଲୋକମାନଙ୍କ ପେଟରେ ବାନ୍ତି ଏବଂ ଗ୍ୟାସର ସମସ୍ୟା ସୃଷ୍ଟି ହେବାକୁ ଲାଗିଥାଏ। ଏତେ ଅସୁବିଧାର ସମ୍ମୁଖୀନ ହେବା ଭ୍ରମଣର ମଜାକୁ ନଷ୍ଟ କରିଥାଏ।
ବାସ୍ତବରେ, ଯାତ୍ରା ସମୟରେ ଦୀର୍ଘ ସମୟ ଧରି ବସି ରହିବା ଆମର ହଜମ ପ୍ରକ୍ରିୟା ଉପରେ ଖରାପ ପ୍ରଭାବ ପକାଇଥାଏ। ଏହି କାରଣରୁ ପେଟ ଫୁଲିଯାଏ ଏବଂ ଗ୍ୟାସ୍ ଆରମ୍ଭ ହୁଏ। ଯେତେବେଳେ ଏହି ଗ୍ୟାସ୍ ମୁଣ୍ଡରେ ଚଢିଯାଏ, ଏହା ମୁଣ୍ଡବିନ୍ଧାର କାରଣ ହୋଇଯାଏ। ଭ୍ରମଣ ସମୟରେ ଯଦି ଆପଣଙ୍କର ମଧ୍ୟ ଏପରି ସମସ୍ୟା ଅଛି, ତେବେ ନିଶ୍ଚିତ ଭାବରେ ଏହି ଜିନିଷଗୁଡ଼ିକୁ ଧ୍ୟାନରେ ରଖନ୍ତୁ। ଯାହାଫଳରେ ଆପଣଙ୍କର ପେଟ ଭଲ ରହିବ ଏବଂ ଯାତ୍ରା ସୁଖଦ ରହିବ।
ଯାତ୍ରା କରିବା ପୂର୍ବରୁ ଏହି ଜିନିଷଗୁଡ଼ିକୁ ଧ୍ୟାନରେ ରଖନ୍ତୁ:
୧- ଯଦି ଆପଣଙ୍କର ଅମ୍ଳତା ଏବଂ ଗ୍ୟାସ୍ ସମସ୍ୟା ଅଛି, ତେବେ ଯାତ୍ରା ସମୟରେ ସର୍ବଦା ଗ୍ୟାସ୍ ଔଷଧ ଖାଆନ୍ତୁ। ବିଶେଷକରି ଏକ ଦୀର୍ଘ ଯାତ୍ରା କରିବା ପୂର୍ବରୁ ସକାଳେ ଖାଲି ପେଟରେ ଆଣ୍ଟି-ଏସିଡ୍ ଔଷଧ ନିଅନ୍ତୁ।
୨- ଯାତ୍ରା ଦିନ ଅଧିକ ଚା’ କିମ୍ବା କଫିରୁ ଦୂରେଇ ରହିବା ଉଚିତ୍। କଫି ଆପଣଙ୍କ ହଜମ ପ୍ରକ୍ରିୟାକୁ ଖରାପ କରିପାରେ। ତେଣୁ, ଯଦି ଆପଣ ଯାତ୍ରା କରୁଛନ୍ତି ତେବେ କଫି ପିଅନ୍ତୁ ନାହିଁ।
୩- ଯାତ୍ରା ପୂର୍ବରୁ ଖାଲି ପେଟରେ ଆପଣ ଅଧା ଚାମଚ ଜୁଆଣୀ ଖାଇବା ଉଚିତ୍। ଏହା ଗ୍ୟାସ ସମସ୍ୟା ସୃଷ୍ଟି କରିବ ନାହିଁ।
୪- ଯଦି ଆପଣ ରାସ୍ତାରେ ବାନ୍ତି କରନ୍ତି, ତେବେ ପାଟିରେ ଗୁଜୁରାତି ରଖନ୍ତୁ। ଏହା ଦ୍ୱାରା ବାନ୍ତି ହେବାର ସମସ୍ୟା ମଧ୍ୟ ହ୍ରାସ ପାଇବ।
୫- ଘରୁ ଖାଲି ପେଟରେ ବାହାରନ୍ତୁ ନାହିଁ। କିଛି ହାଲୁକା ଏବଂ ହଜମ ଯୋଗ୍ୟ ଖାଦ୍ୟ ଖାଇବା ପରେ ଘରୁ ବାହାରନ୍ତୁ।
୬- ଯାତ୍ରା ଦିନ ଅଧିକ ତେଲ ଏବଂ ମସଲାଯୁକ୍ତ ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ।
୭- ରାସ୍ତାରେ ଯିବା ସମୟରେ ପ୍ରଚୁର ପାଣି ପିଅନ୍ତୁ। ଯାତ୍ରାରେ ଯିବା ସମୟରେ ଫଳ ଜାତୀୟ ଖାଦ୍ୟ ଖାଆନ୍ତୁ।
