ସଂସ୍କାର : ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡ ମ୍ୟୁଜିୟମରେ ସମୁଦ୍ର ବିଛା ବା ସାମୁଦ୍ରିକ ବିଛାର ଏକ ଜୀବାଶ୍ମ ରଖାଯାଇଥିଲା। ଯାହାର ଅଧ୍ୟୟନ ଅନେକ ବର୍ଷ ଧରି ଚାଲିଥିଲା। ବର୍ତ୍ତମାନ ଜାଣିବାକୁ ମିଳିଛି ଯେ ଏହା ଏକ ବିଶାଳ ପ୍ରାଚୀନ ଶୈଇତାନ ଥିଲା, ଯିଏ ୨୫.୨ କୋଟି ବର୍ଷ ପୂର୍ବେ ନଦୀ, ହ୍ରଦ ଏବଂ ସମୁଦ୍ର ଉପରେ ଶାସନ କରୁଥିଲା।
ଆଉ ଏହି ଶୈଇତାନ ରୂପୀ ବିଛାର ନାମ Woodwardopterus freemanorum। ଏହାର ଅଧିକାଂଶ ପ୍ରଜାତି ସେହି ସମୟରେ ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡରେ ରହୁଥିଲେ।
ବାସ୍ତବରେ, ଏହି ବିଶାଳ ପ୍ରାଚୀନ ବିଛା ର ଜୀବାଶ୍ମ ୨୦୧୩ ଠାରୁ କୁଇନ୍ସଲ୍ୟାଣ୍ଡ ସଂଗ୍ରହାଳୟରେ ଥିଲା। ଏହା ଉପରେ ନିରନ୍ତର ଅନୁସନ୍ଧାନ ଚାଲିଥିଲା। ଏହି ବିଛା ବିଷୟରେ ସୂଚନା ସଂଗ୍ରହ କରାଯାଉଥିଲା।
ଏହାକୁ ବିଶ୍ୱରେ ଥିବା ଅନ୍ୟ ବିଛା ପ୍ରଜାତି ସହିତ ତୁଳନା କରାଯାଉଥିଲା। ଅନ୍ୟ ପ୍ରାଚୀନ ବିଛା ସହିତ ଏହାର ସମାନତା ମଧ୍ୟ ମିଶାଯାଉଥିଲା। କିନ୍ତୁ ସାଧାରଣ ଲୋକଙ୍କ ପାଇଁ ସଂଗ୍ରହାଳୟ ବନ୍ଦ ଥିବାବେଳେ କରୋନା ଲକଡାଉନ୍ ସମୟରେ ଏହା ଉପରେ ଅଧିକ କାର୍ଯ୍ୟ କରାଯାଇଥିଲା। ଆଉ ତାପରେ ଏହି ଆଶ୍ଚର୍ଯ୍ୟଜନକ ସତ ପଦାକୁ ଆସିଲା।
ସଂଗ୍ରହାଳୟର ଜିଓ ସାଇନ୍ସର କ୍ୟୁରେଟର ଡକ୍ଟର ଆଣ୍ଡ୍ରିୟୁ ରୋଜଫେଲ୍ଡସ୍ କହିଛନ୍ତି ଯେ ଯେତେବେଳେ ଏହାର ଭଙ୍ଗା ଜୀବାଶ୍ମ ଆମେ ସଂଗ୍ରହ କଲୁ, ଆମେ ପ୍ରଥମେ ଏହାକୁ ଯୋଡିବା ଆରମ୍ଭ କଲୁ। ଏହା ପରେ ଆମେ ଏହି ଜୀବାଶ୍ମ ଅତି ନିକଟରୁ ଦେଖିବା ପରେ ତାକୁ ଅଧ୍ୟୟନ କରିବାକୁ ସ୍ଥିର କଲୁ।
ଆମେ ଏହାକୁ ଆମର ପୁରୁଣା ବିଛା ଜୀବାଶ୍ମ ସହିତ ମିଶ୍ରଣ କରିବାକୁ ଚେଷ୍ଟା କଲୁ ତା’ପରେ ଦୁନିଆରେ ଉପସ୍ଥିତ ପ୍ରଜାତି ସହିତ ମିଶାଇଲୁ। ଏହାକୁ ତୁଳନା କରିବା କାର୍ଯ୍ୟଟି ଅଧିକ କଷ୍ଟସାଧ୍ୟ ଥିଲା। କାରଣ ଜୀବାଶ୍ମରୁ ଏକ ଜୀବ ବିଷୟରେ ସମ୍ପୂର୍ଣ୍ଣ ତଥ୍ୟ ସଂଗ୍ରହ କରିବାକୁ ବହୁତ ସମୟ ଲାଗିଥାଏ।
