ସଂସ୍କାର: ଆଜିଠୁ ଦୁଇଦିନ ପାଇଁ ପେଟ୍ରୋଲ ପମ୍ପ ବନ୍ଦ ରହିବ । ଦୁଇଦିନିଆ ଧର୍ମଘଟକୁ ଓହ୍ଲାଇବ ପେଟ୍ରୋଲିୟମ ଡିଲର୍ସ ଆସୋସିଏସନ୍ । ରାଜ୍ୟରେ ୧୨ଘଂଟା ବନ୍ଦ ରହିବ ସବୁ ପେଟ୍ରୋଲ ପମ୍ପ । ଆଜି ସନ୍ଧ୍ୟା ୬ଟାରୁ ସକାଳ ୬ଟା ଏବଂ ଆସନ୍ତା କାଲି ସକାଳ ୬ଟାରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ବନ୍ଦ ରହିବ ସମସ୍ତ ପେଟ୍ରୋଲ ପମ୍ପ । ଏ ନେଇ ପେଟ୍ରୋଲ ଡିଲର ଆସୋସିଏସନର ସଭାପତି ସୂଚନା ଦେଇଛନ୍ତି ।
କେନ୍ଦ୍ର ସରକାର ତୈଳ ଦର ମାତ୍ରାଧିକ ହ୍ରାସ କରିବା ହେତୁ ଏହିଭଳି ନିଷ୍ପତ୍ତି ନିଆଯାଇଛି ବୋଲି ସେ ସୂଚନା ଦେଇଛନ୍ତି। ସରକାର ଟାକ୍ସ କମାଇବା ଦ୍ୱାରା ପେଟ୍ରୋଲ ପମ୍ପ ଡିଲରମାନେ ଲକ୍ଷାଧିକ ଟଙ୍କାର କ୍ଷତି ସହୁଛନ୍ତି।
ଏଥିପାଇଁ ତୈଳ କମ୍ପାନୀମାନଙ୍କଠାରୁ କ୍ଷତିପୂରଣ ଦାବି କରିଛନ୍ତି ପେଟ୍ରୋଲ ପମ୍ପ ମାଲିକ । ଦାବିପୂରଣ ନହେଲେ ଆଗାମୀ ଦିନରେ ତୈଳ କମ୍ପାନୀମାନଙ୍କ ବିରୋଧରେ ଆଇନର ସହାୟତା ନିଆଯିବ ବୋଲି ସେ କହିଛନ୍ତି । ଦୁଇଦିନ ତୈଳ କମ୍ପାନୀମାନଙ୍କଠାରୁ କିଛି ତୈଳ କିଣାହେବନି ବୋଲି କହିଛନ୍ତି ସଭାପତି।
