ସଂସ୍କାର : ଦୀର୍ଘ ଦିନ ଧରି କ୍ୟାନସର ସହ ଲଢେଇ ଜାରି ରଖିଥିବା ଟେଲି ଦୁନିଆର ଜଣେ ଅପ୍ରତିଦ୍ୱିନ୍ଦୀ ନାୟିକା ରାଜେଶ୍ୱରୀ ରାୟ ଏବେ ଆଉ ଆମ ଗହଣରେ ନାହାନ୍ତି । ଗତକାଲି ରାତିରେ ସେ ଅସୁସ୍ଥତା ଅନୁଭବ କରିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧିନ ଅବସ୍ଥାରେ ରାତି ୨.୨୫ରେ ତାଙ୍କର ବିୟୋଗ ହୋଇଥିବା ଜଣାପଡ଼ିଛି ।
ସେ ବ୍ରେନ ଓ ଲଙ୍ଗ୍ସ କ୍ୟାନସରରେ ପୀଡ଼ିତ ଥିଲେ । ଚିକିତ୍ସା ଦ୍ୱାରା ସେ କ୍ୟାନସରରୁ ମଧ୍ୟ ସୁସ୍ଥ ହୋଇଯାଇଥିଲେ । ହେଲେ ହଠାତ୍ ଗତକାଲି ସେ ଅସୁସ୍ଥତା ଅନୁଭବ କରିଥିଲେ । ଶେଷରେ ସେ ଚିକିତ୍ସାଧୀନ ଅବସ୍ଥାରେ ଆଖିବୁଜିଛନ୍ତି ରାଜେଶ୍ୱରୀ ।
ତାଙ୍କ ବିୟୋଗରେ ଅଭିନୟ ଜଗତରେ ଶୋକର ଛାୟା ଖେଳିଯାଇଛି । ରାଜେଶ୍ୱରୀ ଟେଲି ଧାରାବାହିକରେ ଖଳ ନାୟିକା ଭୂମିକାରେ ଅଭିନୟ କରି ଦର୍ଶକଙ୍କ ହୃଦୟରେ ସ୍ଥାନ ତିଆରି କରିଥିଲେ ।
