ସଂସ୍କାର : ରାସ୍ତା ଉପରେ ଅଭିନେତା ବାବୁସାନ ଓ ପ୍ରକୃତି ମିଶ୍ରଙ୍କୁ ଗୋଡ଼େଇ ଗୋଡ଼ଇ ମାରିଲେ ବାବୁସାନଙ୍କ ପତ୍ନୀ ତୃପ୍ତି ଶତପଥୀ। ଆଉ ଏହାର କାରଣ ହେଉଛି ଦୁହିଙ୍କ ମଧ୍ୟରେ ପୁଣି ପ୍ରେମ ସମ୍ପର୍କ ରହିଛି। ଗତକାଲି ଏକ ଭିଡ଼ିଓ ଭାଇରାଲ ହେଉଛି ଯେଉଁଥିରେ ବାବୁସାନ ଓ ପ୍ରକୃତି ମିଶ୍ରଙ୍କ ଗାଡ଼ିକୁ ଅଟକାଇ ବାବୁସାନଙ୍କ ପତ୍ନୀ ତୃପ୍ତି ବାବୁସାନଙ୍କ କଲର ଧରି ଗାଡ଼ି ଭିତରୁ ବାହାର କରିବା ସହିତ ପ୍ରକୃତି ମିଶ୍ରଙ୍କୁ ଗୋଡ଼ାଇ ଗୋଡ଼ାଇ ମାଡ଼ ମାରୁଥିବା ଦେଖିବାକୁ ମିଳିଥିଲା ।
ଗତକାଲିଠାରୁ ଏହି ପ୍ରସଙ୍ଗ ରାଜ୍ୟରେ ହଇଚଇ ସୃଷ୍ଟି କରିଛି। ଏହି ସମୟରେ ଆଉ କିଛି ଲୋକ ଏହି ଭିଡ଼ିଓକୁ ନିଜ ମୋବାଇଲରେ ସୁଟ୍ କରୁଥିବାବେଳେ ଆଉ କିଛି ଲୋକ ପ୍ରକୃତିଙ୍କ ସହ ସେଲଫି ନେଉଥିବାର ଦେଖିବାକୁ ମିଳିଥିଲା । ତେବେ ତୃପ୍ତିଙ୍କ ବ୍ୟବହାର ଅସହ୍ୟ ହେବାକୁ ଘଟଣାସ୍ଥଳରୁ ନିଜକୁ ବଞ୍ଚାଇବା ପାଇଁ ପ୍ରକୃତି ଶତଚେଷ୍ଟା କରିଥିଲେ ବି ତୃପ୍ତି କିନ୍ତୁ ତାଙ୍କ ପଛରେ ଗୋଡ଼ାଇ ଗୋଡ଼ାଇ ଟଣାଓଟରା କରିବା ସହିତ ମୋ ଘର ଭାଙ୍ଗିବାର କାରଣ ଏହି ବୋଲି ଚିଲାଉଥିବା ଦେଖିବାକୁ ମିଳିଥିଲା ।
ଏହି ଭିଡ଼ିଓ ଭାଇରାଲ ହେବା ପରେ ଏହା ପଛରେ କାରଣ କ’ଣ ସେ ନେଇ ସମସ୍ତଙ୍କ ମନରେ ପ୍ରଶ୍ନର ଉଙ୍କି ମାରିଛି । ଅନ୍ୟପକ୍ଷରେ ପ୍ରକୃତିିଙ୍କ ଉପରେ ଆକ୍ରମଣ ନେଇ ପ୍ରକୃତି ମିଶ୍ରଙ୍କ ବାପା ଓ ମା’ ଖାରବେଳ ଥାନାରେ ତୃପ୍ତି ଙ୍କ ବାପା ଲଳିତ ଶତପଥୀଙ୍କ ବିରୋଧରେ ଏତଲା ଦାୟର କରିଛନ୍ତି । ସେ ଏତାଲାରେ ଲଳିତ ତାଙ୍କ ଝିଅ ଏବଂ କିଛି ଗୁଣ୍ଡା ମିଶି ପ୍ରକୃତିଙ୍କ ଉପରେ ଆକ୍ରମଣ କରିଥିବା ସେ କହିଛନ୍ତି ।
