ସଂସ୍କାର : କର୍ଣ୍ଣାଟକରେ ଘଟିଥିବା ଏକ ହୃଦୟ ବିଦାରକ ଘଟଣାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଦ୍ରୁତବେଗରେ ଭାଇରାଲ୍ ହେଉଛି। ଜଣେ ମହିଳା ନିଜ ପିଲାକୁ କିଙ୍ଗ୍ କୋବ୍ରା ଠାରୁ କିପରି ରକ୍ଷା କରିଥିଲେ, ତାହାର ସମ୍ପୂର୍ଣ୍ଣ ଫୁଟେଜ ସିସିଟିଭିରେ କଏଦ ହୋଇଛି। ଆଉ ଯାହା ଭାଇରାଲ୍ ହେବାରେ ଲାଗିଛି।
ଭାଇରାଲ ହେଉଥିବା ଏକ ଭିଡିଓରେ କର୍ଣ୍ଣାଟକର ଜଣେ ମହିଳା ନିଜ ପୁଅକୁ ଏକ ବଡ କୋବ୍ରା ସାପରୁ ରକ୍ଷା କରୁଥିବା ଦେଖାଯାଇଛି । ଭିଡିଓରେ ଆପଣ ଦେଖିପାରିବେ ଯେ ଜଣେ ମହିଳା ନିଜ ପୁଅ ସହିତ ଘରୁ ବାହାରକୁ ଯାଉଥିବାର ନଜର ଆସିଛନ୍ତି । ପିଲାଟି ସ୍କୁଲ ଯାଉଥିଲା ।
ତାଙ୍କ ପାହାଚ ତଳେ ଗୋଟେ କୋବ୍ରା ସାପ ଲୁଚିକି ଥିଲା ଯାହାକୁ ମା , ପୁଅ ଦୁଇଜଣ ଦେଖିପାରିନଥିଲେ । ପୁଅଟି ପାହାଚରୁ ଓହ୍ଲାଇବା ମାତ୍ରେ ତା ଗୋଡ କୋବ୍ରା ସାପ ଉପରେ ପଡିଥିଲା । ତା ପୂର୍ବରୁ ସାପଟି ବୁଲିକି କାମୁଡିବା ପୂର୍ବରୁ ପିଲାଟିର ମା ତାଙ୍କୁ ଟାଣି ଆଣିଥିଲେ । ସମଗ୍ର ଘଟଣା ସିସିଟିଭିରେ ଧରାଯାଇଥିଲା ଏବଂ ଏହି କ୍ଲିପକୁ ୧ ଲକ୍ଷରୁ ଅଧିକ ଥର ଦେଖାଯାଇଛି । ଏହି ପୋଷ୍ଟର କ୍ୟାପସନରେ ଲେଖାଥିଲା, ଏକ ସିସିଟିଭି କ୍ୟାମେରାରେ ଧରାଯାଇଥିବା ଏହି ଆଶ୍ଚର୍ଯ୍ୟକର ଘଟଣା ।
