ମହିଳା ସାମ୍ୱାଦିକ ଦେବସ୍ମିତା ରାଉତଙ୍କୁ ଅସଦାଚରଣ ଅଭିଯୋଗରେ ଗିରଫ ହୋଇଥିବା ପ୍ରଯୋଜକ ଟୁଟୁ ନାୟକଙ୍କୁ ଜାମିନ ମିଳିଲା । ଗତ ଶୁକ୍ରବାରଠୁ ଗିରଫ ହୋଇ ଜେଲ୍ରେ ଥିବା ଟୁଟୁ ନାୟକଙ୍କୁ ଜାମିନ ପ୍ରଦାନ କରିଛନ୍ତି SDJM । ୫୦ ହଜାର ଟଙ୍କା ଓ ଜଣେ ଜାମିନଦାର ବଦଳରେ ଟୁଟୁ ନାୟକଙ୍କୁ ଜାମିନ ପ୍ରଦାନ କରାଯାଇଛି।
ତେବେ ଜେଲରେ ଟୁଟୁ ନାୟକ ଅର୍ଚ୍ଚନା ନାଗଙ୍କୁ ଭେଟିଥିବା ନେଇ ଚର୍ଚ୍ଚା ହେଉଛି। ଅର୍ଚନାଙ୍କୁ ଭେଟିବା ପରେ ବେଶ୍ ଖୁସି ଅଛନ୍ତି ଟୁଟୁ । ଚାଲିଛି ଆଗାମୀ ଫିଲ୍ମକୁ ନେଇ ପ୍ଲାନ୍ । ଫିଲ୍ମଟି ହେବ ବ୍ଲାକମେଲ୍ ଉପରେ ଆଧାରିତ। ଅର୍ଚ୍ଚନା ନାଗ ଓଡ଼ିଶାରେ ବେଶ୍ ପରିଚିତ ନାଆଁ । ନିଜର ମାଇଣ୍ଡ ଗେମ୍ ଫର୍ମୁଲା ପାଇଁ ଘରେ ଘରେ ପରିଚିତ । ରାତାରାତି ବଡ ଲୋକ ହେବାର ସ୍ଵପ୍ନ ଏବେ ସାକାର କରୁଛନ୍ତି ଝାରପଡ଼ା ଜେଲରେ ।
ନିକଟରେ ରିପୋର୍ଟର ଉପରକୁ ହାତ ଉଠାଇଥିବା ଅଭିଯୋଗରେ ଟୁଟୁ ନାୟକଙ୍କୁ ଗିରଫ କରିଥିଲା ପୋଲିସ । ଜାମିନ୍ ଡେଟ୍ ଘୁଞ୍ଚିବା ପରେ ଝାରପଡ଼ା ଜେଲ ରେ ରହିଥିଲେ ଟୁଟୁ।
ପ୍ରଥମେ ତ ଟୁଟୁ ଜେଲ୍ କୁ ଗଲା ପରେ ବହୁ ଦୁଃଖ ପ୍ରକାଶ କରୁଥିଲେ । କ୍ଷମା ପ୍ରାର୍ଥନା କରି କାନ୍ଦି ପକାଇଥିଲେ । ହେଲେ ଏବେ କିନ୍ତୁ ଟୁଟୁଙ୍କ ସ୍ୱଭାବରେ ଦେଖିବାକୁ ମିଳିଛି ପରିବର୍ତ୍ତନ ।
ଶୁଣିବାକୁ ମିଳୁଛି ଟୁଟୁଙ୍କର ଫିଲ୍ମ ଡିଲ ଚାଲିଥିଲା ଜେଲ୍ ଭିତରେ । ଜେଲ୍ ରେ ଅର୍ଚ୍ଚନାଙ୍କୁ ଭେଟିବା ପରେ ଟୁଟୁଙ୍କ ମନରେ ଦେଖିବାକୁ ମିଳିଛି ପରିବର୍ତ୍ତନ ସେ ଆଉ ପୂର୍ବ ପରି ମନ ଦୁଃଖରେ ରହି ନଥିଲେ। ଘଣ୍ଟା ଘଣ୍ଟା ଧରି ଡ଼ିଲ୍ କରିଛନ୍ତି ଅର୍ଚ୍ଚନା ଙ୍କ ସହିତ। ଘଟଣା ରେ କେତେ ସତ୍ୟତା ରହିଛି ଏହା ଜଣା ପଡ଼ି ନାହିଁ ।
