ଏହି ‘ଡାକ୍ତର’ ଅତି କମରେ ୧୬ ଟି ଘରୋଇ ଡାକ୍ତରଖାନାରେ କାର୍ଯ୍ୟ କରୁଥିଲେ । କେବଳ ସେତିକି ନୁହେଁ ଅନେକ ମେଡିକାଲ କ୍ୟାମ୍ପ ମଧ୍ୟ କରିଥିଲେ । ଏମିତିକି କରୋନା ମହାମାରୀ ସମୟରେ ପ୍ରବାସୀ ଶ୍ରମିକମାନଙ୍କୁ ସାହାଯ୍ୟ କରିବା ପାଇଁ ସ୍ଥାନୀୟ ପୋଲିସ ସହିତ ମିଶି ସ୍ୱେଚ୍ଛାସେବୀ ସାଜିଥିଲେ । କିନ୍ତୁ ଡକ୍ଟର ଭେରାଗାନ୍ଧମ୍ ତେଜାଙ୍କୁ ମାତ୍ର ୨୩ ବର୍ଷ ବୟସରେ ଏପରି ଚମତ୍କାର ଡାକ୍ତରୀ କ୍ୟାରିୟର ବାଛିବାକୁ ପଡ଼ିଥିଲା ।
ମାତ୍ର ସେପ୍ଟେମ୍ବର ୧୦ ତାରିଖରେ ତେଜାଙ୍କ ଭାଗ୍ୟରେ ଶନି ଚଲିଲା, ଯେତେବେଳେ ରାଚକୋଣ୍ଡା ପୋଲିସ ଦ୍ଵାରା ଦ୍ଵିତୀୟ ପତ୍ନୀଙ୍କ ଦ୍ଵାରା ଦାଖଲ ହୋଇଥିବା ମାନସିକ ତଥା ଶାରୀରିକ ନିର୍ଯ୍ୟାତନା ଅଭିଯୋଗ ଉପରେ କାର୍ଯ୍ୟ କଲେ ଏବଂ ମିଛ ଓ ପ୍ରତାରଣା ଜଡ଼ିତ ତଥ୍ୟ ଖୋଳତାଡ କରୁ କରୁ ଝୁଣ୍ଟିଥିଲେ । ଦ୍ୱିତୀୟ ପତ୍ନୀଙ୍କ ଅଭିଯୋଗ ଥିଲା ଯେ ତେଜା ତାଙ୍କ ପୂର୍ବ ବିବାହକୁ ଲୁଚାଇ ରଖିଥିଲେ । ଏହାପରେ ପୋଲିସ ତେଜାଙ୍କ ବିରୁଦ୍ଧରେ ଆଉ ୪ଟା FIR ବି ଜବତ କରିଥିଲା । ଟଙ୍କା ସଂଗ୍ରହ ଠାରୁ ଆରମ୍ଭ କରି ଜମି ବିବାଦର ସମାଧାନ ବାହାନା, ସରକାରୀ ତଥା ବେସରକାରୀ ଚାକିରିର ପ୍ରତିଶ୍ରୁତି ପର୍ଯ୍ୟନ୍ତ ଅପରାଧିକ ଭୟଭୀତତା ଇତ୍ୟାଦି । ସେ ଅବିନାଶ ରେଡ୍ଡୀ, ତେଜା ରେଡ୍ଡୀ ଏବଂ ୟେସ ତେଜା ଭଳି ଛଦ୍ମନାମ ବ୍ୟବହାର କରିଥିଲେ । ଏମିତିକି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୟେସ ଜଗନ ମୋହନ ରେଡ୍ଡୀଙ୍କ ସେ ଜଣେ ଘନିଷ୍ଠ ସମ୍ପର୍କୀୟ ବୋଲି ମଧ୍ୟ ଦାବି କରିଥିଲେ ଅନେକବାର ।
ସବୁଠାରୁ ବଡ଼ ଆଶ୍ଚର୍ଯ୍ୟ କଲାଭଳି ତଥ୍ୟ ସାମ୍ନାକୁ ଆସିଲା ଯେତେବେଳେ ଜଣାପଡ଼ିଲା ଯେ ଏହି ତଥାକଥିତ ଡାକ୍ତର ପ୍ରକୃତରେ ପଞ୍ଚମ ଶ୍ରେଣୀ ଡ୍ରପଆଉଟ୍ । ବିଶ୍ୱବିଦ୍ୟାଳୟରୁ ସାମୟିକ ପ୍ରମାଣପତ୍ର ଏବଂ ସ୍ଥାନାନ୍ତରଣ ପ୍ରମାଣପତ୍ର ପର୍ଯ୍ୟନ୍ତ ହାସଲ କରିବା ପାଇଁ ସେ ତାଙ୍କ ଦଶମ ଶ୍ରେଣୀ ମାର୍କ ମେମୋ ଠାରୁ ଆରମ୍ଭ କରି ସବୁକିଛି ଶିକ୍ଷା ପରାମର୍ଶଦାତା ସାହାଯ୍ୟରେ ଜାଲ୍ ଏବଂ ଜାଲିଆତି କରି କିଣିଥିଲେ । ଏସବୁ ସୂଚନା ପରେ ପୋଲିସ ତେଜାଙ୍କୁ ଗିରଫ କରିଛି । ତେଜାଙ୍କ ସହିତ ତାଙ୍କ ପିତା ଭେରାଗାନ୍ଧମ ଭେଙ୍କଟ ରାଓ ଏବଂ ଆନ୍ଧ୍ରପ୍ରଦେଶର ଅନଗୋଲ ସହରରେ ପରାମର୍ଶଦାତା ପରିଚାଳନା କରୁଥିବା ବୋକୁଡି ଶ୍ରୀନିବାସା ରାଓଙ୍କ ସମେତ ତେଜାଙ୍କୁ ପ୍ରମାଣପତ୍ର ପ୍ରଦାନ କରିଥିବା ଅନ୍ୟ ୫ ଜଣ ମଧ୍ୟ ଗିରଫ ହୋଇଛନ୍ତି ।
ତେବେ ୨୦୧୬ରେ, ତେଜା ନିଜକୁ ଜଣେ IPS ଅଧିକାରୀ ଏବଂ ପୁଣିଥରେ ଜଣେ ବରିଷ୍ଠ IPS ଅଧିକାରୀଙ୍କ ପୁଅ ବୋଲି ଦାବି କରୁଥିବା ସରକାରୀ ଗାଡି ମଧ୍ୟ ବ୍ୟବହାର କରିଥିଲେ । ଫଳରେ ବେଙ୍ଗାଲୁରୁର ସାମ୍ପିଗେହଲ୍ଲୀ ପୋଲିସ ତାଙ୍କୁ ଗିରଫ କରିଥିଲା । କିନ୍ତୁ ପରେ ନିର୍ଦ୍ଦୋଷରେ ସେ ଖଲାସ ହୋଇଛନ୍ତି ବୋଲି ପୋଲିସ ସୂତ୍ରରୁ ପ୍ରକାଶ ।
ରାଚକୋଣ୍ଡା ପୋଲିସ ଅନୁସନ୍ଧାନରୁ ଜଣାପଡିଛି ଯେ ଜାଲ୍ ସାର୍ଟିଫିକେଟ୍ ବ୍ୟବହାର କରି ତେଜା ଇଣ୍ଟର୍ନସିପ୍ ପାଇଁ JN ମେଡିକାଲ କଲେଜରେ ଯୋଗ ଦେଇଥିଲେ ଯେଉଁଠାରେ ସେ ଚିକିତ୍ସା ବିଷୟରେ ଜାଣିଥିଲେ ଏବଂ ଇଂରାଜୀ, ହିନ୍ଦୀ ଏବଂ କନ୍ନଡରେ ମଧ୍ୟ ପାରଙ୍ଗମ ହୋଇଥିଲେ । ସେ ବେଙ୍ଗାଲୁରୁ ଡାକ୍ତରଖାନାରେ DMO ଭାବରେ ଯୋଗଦେବା ପରେ ମଧ୍ୟ ସେ ନକଲି ଏବଂ ଜାଲ୍ ପ୍ରମାଣପତ୍ର ସହିତ ନିଜର ଟ୍ରଷ୍ଟ ଜାରି କରିଥିଲେ । ଏଥର ଜେଲରୁ ମୁକୁଳିବା ପରେ ଏବଂ ହାଇଦ୍ରାବାଦର ବିଭିନ୍ନ ଡାକ୍ତରଖାନାରେ କାର୍ଯ୍ୟ କରିବାବେଳେ ସେ ଶ୍ରୀନିବାସା ରାଓଙ୍କ ନିକଟକୁ ଯାଇ ଅରୁଣାଚଳ ପ୍ରଦେଶର ହିମାଳୟ ବିଶ୍ୱବିଦ୍ୟାଳୟରୁ BBA ଓ MBA ସାର୍ଟିଫିକେଟ ହାସଲ କରିଥିଲେ ।
ପୋଲିସର ସୂଚନାନୁସାରେ, ତେଜା ୮ ବର୍ଷ ବୟସରେ ନିଜ ସାବତ ମା’ଙ୍କ ନିର୍ଯାତନାରୁ ରକ୍ଷା ପାଇବା ପାଇଁ ଘରୁ ପଳାଇଥିଲେ । ବିଜୟୱାଡା, ତିରୁପତି, କୋଲକାତା ଏବଂ ଲକ୍ଷ୍ନୌ ପରି ସହରରେ ସେ ବୁଲାବୁଲି କରି ଟ୍ରେନରେ ସ୍ନାକ୍ସ ଏବଂ ପାଣି ବୋତଲ ବିକ୍ରି କରିଥିଲେ ଯେପର୍ଯ୍ୟନ୍ତ ସେ ଜଣେ ଡାକ୍ତର YS Purushotham Reddy ଙ୍କୁ ଭେଟି ନଥିଲେ । ତେଜା ନିଜକୁ ଅନାଥ ବୋଲି କହିଥିବାରୁ ରେଡ୍ଡୀ ତାଙ୍କୁ ତିରୁପତିକୁ ଆଣି ଆଶ୍ରୟ ଦେଇଥିଲେ ।
ଆଶ୍ଚର୍ଯ୍ୟର କଥା, ତେଜା ଅନେକ ସୁପର ସ୍ପେସିଆଲିଟି ହସ୍ପିଟାଲରେ କାର୍ଯ୍ୟ କରିଥିଲେ ସୁଦ୍ଧା କାହାରିକୁ କେବେ ସନ୍ଦେହ ହୋଇନି । ତେଜା ତାଙ୍କ ଫୋନରେ ବରିଷ୍ଠ IAS ଏବଂ IPS ଅଧିକାରୀଙ୍କ ନାମକୁ ଅନିୟମିତ ନମ୍ବର ଭାବରେ ରଖୁଥିଲେ । ଏହାସହିତ ସେ AIIMS ଦିଲ୍ଲୀରେ କାମ କରିଥିବାର ନାମ ଏବଂ ଦାବି ମଧ୍ୟ କରିଥିଲେ । ବିଭିନ୍ନ ଲୋକଙ୍କୁ ଭିନ୍ନ କାହାଣୀ କହୁଥିଲେ । ଯେତେବେଳେ ତାଙ୍କ ଦ୍ୱିତୀୟ ପତ୍ନୀ ତାଙ୍କ ବିରୋଧରେ ଅଭିଯୋଗ କରିଥିଲେ, ସାରା ଘଟଣା ସାମ୍ନାକୁ ଆସିଲା ।
