ସଂସ୍କାର : ନାବାଳିକାଙ୍କ ଆତ୍ମହତ୍ୟା। ନିଜର ଓଢଣୀକୁ ବେକରେ ଲଗାଇ ଝୁଲି ପଡିଲେ ନାବାଳିକା। ଏଭଳି ଏକ ଘଟଣା ଘଟିଛି ଫୁଲବାଣୀରେ। ରାଜ୍ୟ ଗଣମାଧ୍ୟମ ରିପୋର୍ଟ ଅନୁସାରେ, ଫୁଲବାଣୀର ସ୍ଥାନୀୟ ହନୁମାନ ମନ୍ଦିର ସାହିଠାରେ ଜଣେ ନାବାଳିକା ବେକରେ ଓଢଣୀ ଲଗାଇ ଆତ୍ମହତ୍ୟା କରିଛନ୍ତି।
ସୂଚନା ଅନୁଯାୟୀ, ଫିରିଙ୍ଗିଆ ବ୍ଲକ ବନ୍ଧଗଡ ପଞ୍ଚାୟତ ମଣିପଦର ଗ୍ରାମର ବିନିତା ମାଝୀ କିଛି ଦିନ ହେଲା ଫୁଲବାଣୀ ଆସି ହନୁମାନ ମନ୍ଦିର ସାହିରେ ରହୁଥିବା ତାଙ୍କ ଭଉଣୀ ନିର୍ମଳା ମାଝୀଙ୍କ ପାଖରେ ରହୁଥିଲେ।ସ୍ଥାନୀୟ ଡାକଘରେ ଚାକିରୀ କରୁଥିବା ନିର୍ମଳା କାର୍ଯ୍ୟାଳୟରେ ଥିବା ସମୟରେ , ତାଙ୍କ ଭଉଣୀ ଘର ଭିତରେ ବେକରେ ଓଢଣୀ ଦେଇ ଝୁଲି ପଡିଥିବା ନେଇ ଖବର ପାଇଥିଲେ।
ସେ ତୁରନ୍ତ ଆସି ବିନିତାଙ୍କୁ ଡାକ୍ତରଖାନା ନେଇଥିଲେ। ତେବେ ସେଠାରେ ତାଙ୍କର ମୃତ୍ୟୁ ହୋଇଥିଲା। ବିନିତା ଚଳିତ ବର୍ଷ ମାଟ୍ରିକ ପାସ କରି କଲେଜରେ ପଢିବା ଅପେକ୍ଷାରେ ଥିଲେ। ତେବେ ଆତ୍ମହତ୍ୟାର କାରଣ ବର୍ତ୍ତମାନ ପର୍ଯ୍ୟନ୍ତ ଜଣାପଡିନି।
