ସଂସ୍କାର : ଆଜିକାଲି ସ୍ୱାମୀ-ସ୍ତ୍ରୀ ସଂପର୍କରେ ତୃତୀୟ ବ୍ୟକ୍ତିର ପ୍ରବେଶର କାହାଣୀ ବହୁତ ଶୁଣାଯାଏ। ବେଳେବେଳେ ଏହି ପ୍ରବେଶ ଛାଡପତ୍ରର ରୂପ ନେଇଥାଏ, ଏବଂ ବେଳେବେଳେ ଦମ୍ପତିମାନେ ପିଲାମାନଙ୍କର ଭବିଷ୍ୟତକୁ ଧ୍ୟାନରେ ରଖି ଏକାଠି ରହିବାକୁ ବାଧ୍ୟ ହୁଅନ୍ତି। ଆମେରିକାରେ ରହୁଥିବା ଜଣେ ବ୍ୟକ୍ତିଙ୍କୁ ମଧ୍ୟ ସମାନ ପରିସ୍ଥିତି ଦେଇ ଗତି କରିବାକୁ ପଡିଛି। ଯେତେବେଳେ ସେ ତୃତୀୟ ବ୍ୟକ୍ତିଙ୍କ ସହ ସମ୍ପର୍କ ରଖିବା ସମୟରେ ନିଜ ପତ୍ନୀଙ୍କୁ ରେଡ୍ ହେଣ୍ଡ ଧରିଥିଲେ। ହେଲେ ତୃତୀୟ ବ୍ୟକ୍ତିଙ୍କୁ ଦେଖିବା ମାତ୍ରେ ବ୍ୟକ୍ତି ଜଣକ ଆଶ୍ଚର୍ଯ୍ୟ ହୋଇଯାଇଥିଲେ।
‘ଦି ସନ୍’ର ରିପୋର୍ଟ ଅନୁଯାୟୀ, ଏହି ଆମେରିକୀୟ ବ୍ୟକ୍ତି ନିଜେ ସୋସିଆଲ ଏକାଉଣ୍ଟରେ ନିଜର ଏହି ପୁରା କାହାଣୀ କହିଛନ୍ତି। ପୁରୁଷ ଜଣକ କହିଛନ୍ତି ଯେ ତାଙ୍କ ପତ୍ନୀ ତୃତୀୟ ବ୍ୟକ୍ତିଙ୍କ ସହ ଶାରୀରିକ ସମ୍ପର୍କ ରଖିଛନ୍ତି।ଆଉ ସବୁଠୁ ଆଶ୍ଚର୍ଯ୍ୟ ତଥା ଦୁଃଖର ବିଷୟ ହେଉଛି ଏହା ଯେ, ତାଙ୍କ ପତ୍ନୀ ନିଜ ପୁଅର ବେଷ୍ଟ ଫ୍ରେଣ୍ଡ ସହିତ ଶାରୀରିକ ସମ୍ପର୍କ ରଖିଛନ୍ତି। ବ୍ୟକ୍ତିଙ୍କର ପୁଅର ଶ୍ରେଷ୍ଠ ବନ୍ଧୁ ତାଙ୍କ ଘରକୁ ପ୍ରତିଦିନ ଯିବା ଆସିବା କରିବା ସମୟରେ ଏହି ଘଟଣା ଘଟିଥିଲା।
ବ୍ୟକ୍ତି ଜଣକ କହିଛନ୍ତି ଯେ, ‘ଆମ ପୁଅର ବୟସ ୨୭ ବର୍ଷ ଏବଂ ଆମ ଦୁହିଁଙ୍କର ବୟସ ୫୨ ବର୍ଷ। ମୋ ପତ୍ନୀ ପାର୍ଟି କରିବାକୁ ଭଲ ପାଆନ୍ତି ଏବଂ ପ୍ରତି ଶୁକ୍ରବାର ଦିନ ସାଙ୍ଗମାନଙ୍କ ସହିତ ରାତିରେ ବାହାରକୁ ଯାଆନ୍ତି। ଏହି ସମୟରେ ତାଙ୍କ ଶାରୀରିକ ସମ୍ପର୍କ ଆମ ପୁଅର ବନ୍ଧୁଙ୍କଠାରୁ ଆରମ୍ଭ ହୋଇଥିଲା। ଯେତେବେଳେ ମୁଁ ଟ୍ରେନିଂ ପାଇଁ ବାହାରକୁ ଯାଇଥିଲି ସେତେବେଳେ ଏହା ଘଟିଥିଲା। କିନ୍ତୁ କରୋନା ହେତୁ ମୋତେ ଟ୍ରେନିଂ ଅଧାରୁ ଛାଡିବାକୁ ପଡିଲା ଏବଂ ମୁଁ ନିଜ ଆଖିରେ ଦେଖିଲି ମୋ ସ୍ତ୍ରୀ ମୋ ପୁଅର ସାଙ୍ଗ ସହିତ ରୋମାନ୍ସ କରୁଛି।
ବ୍ୟକ୍ତି ଜଣକ ଆହୁରି ମଧ୍ୟ କହିଛନ୍ତି ଯେ ଘରେ ପହଞ୍ଚିବା ମାତ୍ରେ ସେ ଦେଖିଲେ ଯେ ତାଙ୍କ ପତ୍ନୀ ପୁଅର ବନ୍ଧୁଙ୍କ ସହିତ ରୋମାନ୍ସ କରୁଛନ୍ତି। ସ୍ୱାମୀ ପ୍ରଥମେ ରାଗିଗଲେ, କିନ୍ତୁ ସେ ସ୍ତ୍ରୀର ଏବଂ ନିଜ ପୁଅର ଭବିଷ୍ୟତକୁ ଧ୍ୟାନରେ ରଖି ଏହି ଘଟଣାକୁ ଦେଖି ମଧ୍ୟ ନ ଦେଖିଲା ପରି ହେଲେ। ବ୍ୟକ୍ତି ଜଣକ ଆହୁରି ମଧ୍ୟ କହିଛନ୍ତି ଯେ ଏହା ଅତ୍ୟନ୍ତ ସନ୍ତୋଷଜନକ ନୁହେଁ, କିନ୍ତୁ ମୁଁ ସବୁକିଛି ଭୁଲିଯିବାକୁ ସ୍ଥିର କଲି। ମୁଁ ମୋ ପୁଅକୁ ଏହି ଘଟଣା ବିଷୟରେ କହି ନାହିଁ।
