ସଂସ୍କାର : ପିଲାଦିନରୁ ଆମେ ସମସ୍ତେ ନାଗ-ନାଗିନର କାହାଣୀ ଶୁଣିଛେ। ଆପଣ ନିଶ୍ଚିତ ଭାବରେ ଅନେକ ସମୟରେ ଶୁଣିଥିବେ ଯେ ଯଦି ଜଣେ ବ୍ୟକ୍ତି ସାପକୁ ମାରିଦିଏ, ତେବେ ସର୍ପ ନିଶ୍ଚିତ ଭାବରେ ଏହାର ପ୍ରତିଶୋଧ ନେଇଥାଏ। ସର୍ପଟି ତାର ନାଗିନୀକୁ ହତ୍ୟା କରିଥିବା ହତ୍ୟାକାରୀକୁ ହତ୍ୟା କରି ନିଜର ପ୍ରତିଶୋଧ ପୂରଣ କରିଥାଏ। ଯଦି ନାଗୁଣୀ ମରିଯାଏ, ତେବେ ନାଗ ଅଲଗା ହେବା କାରଣରୁ ଯନ୍ତ୍ରଣାରେ ଛଟପଟ ହୁଏ। ତେବେ ଏହି କାହାଣୀଗୁଡିକ ଆଧାରରେ କେତେ ଚଳଚ୍ଚିତ୍ର ଏବଂ ସିରିଆଲ ତିଆରି ହୋଇଛି ତାହା ଆପଣ ମାନେ ନିଶ୍ଚିତ ଜାଣିଥିବେ। କିନ୍ତୁ ବର୍ତ୍ତମାନ ଏହି କାହାଣୀଟି ବାସ୍ତବ ରୂପ ନେଇଛି।
ୟୁପିର ଆଜମଗଡରୁ ଏପରି ଏକ ମାମଲା ସାମ୍ନାକୁ ଆସିଛି। ପ୍ରକୃତରେ, ନାଗୁଣୀର ମୃତ୍ୟୁ ପରେ ନାଗଟି ପୋଲିସ ଷ୍ଟେସନରେ ପହଞ୍ଚି ପୋଲିସ ଷ୍ଟେସନରୁ ନ୍ୟାୟ ମାଗିଥିବାର ଦେଖାଯାଇଥିଲା।
ସମ୍ପୂର୍ଣ୍ଣ ମାମଲା କ’ଣ?
ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ମାମଲା ଆଜମଗଡର ମେହାନଗର ପୋଲିସ ଷ୍ଟେସନର ଅଟେ। ସୂଚନାନୁସାରେ, କିଛି ଦିନ ପୂର୍ବରୁ ପୋଲିସ ଷ୍ଟେସନରେ ଅଭିଯୋଗକାରୀଙ୍କ ଭିଡ ଜମିଥିଲା। ସମସ୍ତେ ନିଜର ଅଭିଯୋଗ ନେଇ ଏଠାକୁ ଆସିଥିଲେ। ସେହି ସମୟରେ ନାଗ ସାପଟି ମଧ୍ୟ ନିଜର ଅଭିଯୋଗ ଦେବା ପାଇଁ ଆସିଥିଲା। ପୋଲିସ ଷ୍ଟେସନଠାରୁ କିଛି ଦୂରରେ ସେ ଫଣା କାଡି ବସିଥିଲା। ତେବେ ପରବର୍ତ୍ତୀ ସମୟରେ ଲୋକେ ଜାଣିବାକୁ ପାଇଲେ ଯେ, ଏହି ନାଗ ସାପଟିର ନାଗୁଣୀକୁ କାର୍ ଚଢି ଯାଇଛି। ଯାହା ଫଳରେ ତାର ମୃତ୍ୟୁ ହୋଇଯାଇଛି। ଆଉ ସାଥି ନାଗୁଣୀର ମୃତ୍ୟୁକୁ ସହ୍ୟ ନ କରି ପାରି ସେ ଯନ୍ତ୍ରଣାରେ ବଞ୍ଚୁଛି। ଆଉ ଶେଷରେ ନ୍ୟାୟ ପାଇବା ପାଇଁ ପୋଲିସ୍ ଥାନାକୁ ଦୌଡ଼ି ଆସିଛି।
ଅନ୍ୟପଟେ ଏହି ପୋଲିସ୍ ଥାନା ନିକଟରେ ହିଁ ନାଗୁଣୀର ମର ଶରୀରକୁ ମାଟି ତଳେ ପୋତା ଯାଇଥିଲା। ତେଣୁ ନାଗଟି ସେହି ସ୍ଥାନରୁ ଗଲାନାହିଁ। ତେବେ କୌଣସି କ୍ରମେ SHO ସାହାଯ୍ୟରେ କୌଣସି ପ୍ରକାରେ କୋବ୍ରାକୁ ଡଷ୍ଟବିନରେ ଭରି ଏକ ଦୂର ଜଙ୍ଗଲରେ ଛାଡି ଦିଆଗଲା। ତେବେ ନାଗ – ନାଗୁଣୀ ସହ ଜଡିତ ଏହି ପ୍ରସଙ୍ଗ ବର୍ତ୍ତମାନ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
