ସଂସ୍କାର : ଠିକା ପୋଲିସ୍ ବାବୁଙ୍କ ରସିକିଆ ଅନ୍ଦାଜ। ରାତି ଅଧରେ ଏକୁଟିଆ ଥିବା ମହିଳାଙ୍କ ଘରେ ପଶି କଲେ ଦୁଷ୍କର୍ମ।ଏପରି ଏକ ସାଙ୍ଘାତିକ ଅଭିଯୋଗ ଆସିଛି ତାଳଚେରରୁ। ରାତିରେ ଘରେ ପଶି ମହିଳାଙ୍କୁ ଦୁଷ୍କର୍ମ ଉଦ୍ୟମ ଅଭିଯୋଗରେ ତାଳେଚର ପୁଲିସ ଜଣେ ଠିକାଭିତ୍ତିରେ ନିଯୁକ୍ତି ପାଇଥିବା ସବ୍ଇନ୍ସିପେକ୍ଟରଙ୍କୁ ଗିରଫ କରିଛି । ଗିରଫ ପୁଲିସ କର୍ମଚାରୀ ହେଲେ ନୀଳମଣି ମହାନ୍ତି । ତାଙ୍କ ଘର ତାଳଚେର ଥାନା କଙ୍କିଳି ଗ୍ରାମରେ ବୋଲି ଜଣାପଡ଼ିଛି ।
ପୁଲିସ ସୂତ୍ରରୁ ମିଳିଥିବା ଖବର ଅନୁଯାୟୀ, ଶ୍ରୀ ମହାନ୍ତି ଭାରତୀୟ ସେନା ବାହିନୀରୁ ଅବସର ନେବା ପରେ ପୁଲିସ ବିଭାଗରେ ଠିକା ନିଯୁକ୍ତି ପାଇଥିଲେ। ସବ୍ଇନିସପେକ୍ଟର ଭାବରେ ବଅଁରପାଳ ଥାନାରେ ନିଯୁକ୍ତି ପାଇଥିବା ବେଳେ ତାଙ୍କୁ ହାଇୱେ ପାଟ୍ରୋଲିଂ ଦାୟିିତ୍ୱ ଦିଆଯାଇଥିଲା । ସୋମବାର ରାତି ପ୍ରାୟ ସାଢ଼େ ୩ଟା ବେଳେ ପାଟ୍ରୋଲିଂ ଦାୟିତ୍ୱରେ ଥିବା ଶ୍ରୀ ମହାନ୍ତି ତାଳଚେର ଥାନା ଇଲାକା ଅଙ୍ଗାରୁଆ ଅଞ୍ଚଳରେ ରହୁଥିବା ଜଣେ ମହିଳାଙ୍କ ଘରେ ପଶିଥିଲେ । କବାଟ ବାଡ଼େଇ ମହିଳାଙ୍କୁ ଉଠାଇବା ସହ ଘରେ ପଶି ମହିଳାଙ୍କୁ କହିଲେ “ତମେ ଭଲ ଦେଉଛ, ମୋତେ ଟିକେ ଦେଉନ” ଦେବ ଯଦି ରହିବି, ନହେଲେ ଚାଲିଯିବ।
ତେବେ ଏହି ଘଟଣା ମୋବାଇଲରେ ରେକର୍ଡ କରିଥିଲେ ପୀଡିତା ମହିଳା। ଏନେଇ ପୁଲିସ ବାବୁ ଦୁଷ୍କର୍ମ ଉଦ୍ୟମ କରିଥିଲେ ବୋଲି ମହିଳା ଜଣକ ତାଳଚେର ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ ଏ ସମ୍ପର୍କରେ ଆଇପିସିର ଧାରା ୩୫୪, ୩୨୩, ୫୦୬ ଓ ୪୫୪ ଦଫାରେ ମାମଲା ରୁଜୁ କରି ତଦନ୍ତ ଚଳାଇଛି । ଗୁରୁବାର ସଂପୃକ୍ତ ପୁଲିସ ଅଧିକାରୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ତେବେ ଠିକା ପୋଲିସ୍ ବାବୁଙ୍କର ଏହି ଭିଡ଼ିଓ ବର୍ତ୍ତମାନ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଆଉ ଲୋକମାନେ ପୋଲିସ୍ ବାବୁଙ୍କର ଏହି କାଣ୍ଡକୁ ନେଇ ପ୍ରଶ୍ନ ଉଠାଇଛନ୍ତି।
