ସଂସ୍କାର :- ଆପଣ ଆମ ପୋଷ୍ଟର ହ୍ୟାଡଲାଇନ ଦେଖି ଚକିତ ହୋଇଥିବେ ନିଶ୍ଚିତ। ଆପଣ ଯେପରି ଚକିତ ହେଲେ ଠିକ ସେ ଭଳି ଆମେ ବି ଠିକେ ଏହି ଫୋଟଟିକୁ ଦେଖି ଧୋକା ଖାଇଯାଇଥିଲୁ। କାରଣ ଫୋଟଟି କିଛି ଏମିତି ଯେ, ଯେଉଁ ବ୍ୟକ୍ତି ଦେଖିଲେ ବି ଧୋକା ଖାଇଯିବ।
ତେବେ ଆଜି ଆମେ କହିବୁ ଏହି ଫୋଟ ବିଷୟରେ । ଫୋଟର ବିଷୟବସ୍ତୁ ଏହା ଯେ, ନିକଟରେ ବିଗ୍ ବି ଅମିତାଭ ବଚ୍ଚନ ନିଜର ଏକ ପୁରାତନ ଫୋଟ ସୋସିଆଲ ମିଡ଼ିଆରେ ସେୟାର କରିଥିଲେ। ମାତ୍ର ଶତାବ୍ଦୀର ମେଗାଷ୍ଟାର ଅମିତାଭ ବଚ୍ଚନଙ୍କ ପୁରୁଣା ଥ୍ରୋବ୍ୟାକ୍ ଫଟୋ ଦେଖିବା ପରେ ପ୍ରଶଂସକମାନେ ଏହି ଫଟୋକୁ ସୋନୁ ସୁଦ ଙ୍କ ସହିତ ତୁଳନା କରିଦେଲେ। ଅମିତାଭ ତାଙ୍କ ଫିଲ୍ମ ‘ରେଶମା ଅର ଶେରା’ର ଲୁକ ସୋସିଆଲ ମିଡିଆରେ ସେୟାର କରିଥିଲେ।
ବିଗ୍ ବି ଙ୍କ ଏହି କଳା-ଧଳା ଫଟୋଟି ରେ ସେ (ଅମିତାଭ ବଚ୍ଚନ) ରାଜସ୍ଥାନୀ ପଗଡି ଏବଂ କାନରେ କୁଣ୍ଡଳ ପିନ୍ଧିଥିବାର ନଜର ଆସିଛନ୍ତି | ଏହା ସହ ନାକ ତଳେ ହାଲୁକା ନିଶ ଏବଂ ବଡ ବଡ଼ ଆଖିରେ ବିଗ୍ ବି ଚାହୁଁ ଥିବାର ଏହି ଫଟୋ ଦେଖି ପ୍ରଶଂସକମାନଙ୍କ ଆଖି ମଧ୍ୟ ଧୋକା ଖାଇ ଯାଇଥିଲା। ବିଗ୍ ବି ଙ୍କ ସମସ୍ତ ପ୍ରଶଂସକ ଏହି ଫୋଟ ତଳେ ଗୋଟିଏ ହିଁ କମେଣ୍ଟ କରିଥିଲେ ଯାହା ଥିଲା ” ସାର୍ ଆପଣ ସୋନୁ ସୁଦ୍ ଙ୍କ ପରି ଦେଖାଯାଉଛନ୍ତି”।
ଅମିତାଭ ବଚ୍ଚନ ନିଜ ଇନଷ୍ଟାଗ୍ରାମ ଆଇଡିରେ ନିଜର ଏକ ଥ୍ରୋବ୍ୟାକ୍ ଫଟୋ ସେୟାର କରି କ୍ୟାପସନରେ ଲେଖିଛନ୍ତି – ୧୯୬୯ ରେ ରିଲିଜ ହୋଇଥିବା ‘ରେଶମା ଏବଂ ଶେରା ଫିଲ୍ମ ପାଇଁ ମୋର ଲୁକ୍ ଟେଷ୍ଟ .. ମୋତେ ଏହି ଲୁକରେ ମନୋନୀତ କରାଯାଇଥିଲା’। ଏହି ପୋଷ୍ଟ ପରେ, ଅନେକ ପ୍ରଶଂସକ ଅମିତାଭ ବଚ୍ଚନଙ୍କୁ ସୋନୁ ସୁଦଙ୍କ ସହ ତୁଳନା କରିଛନ୍ତି ।
