ଗତକାଲି କ୍ରିକେଟ୍ ଏବଂ ମନୋରଞ୍ଜନ ଜଗତରେ ଖୁସିର ଲହରୀ ଖେଳିଯାଇଥିଲା ଯେତେବେଳେ ଖବର ଆସିଲା ଯେ ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କ ଘରେ ଝିଅଟିଏ ଜନ୍ମ ହୋଇଛି । ଏହି ଖବର ସାମ୍ନାକୁ ଆସିବା ମାତ୍ରେ ସୋସିଆଲ ମିଡିଆରେ ବିରାଟ ଅନୁଷ୍କାଙ୍କ ଫଟୋ ଏବଂ ଅଭିନନ୍ଦନର ସୁଅ ଛୁଟିଥିଲା । ଏହାପରେ ଗତ ରାତିରୁ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି, ଯାହାକୁ ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କ ଝିଅ ବୋଲି ଦାବି ହେଉଛି । ହେଲେ ସତ କିଛି ଭିନ୍ନ ।
ମୁମ୍ବାଇର ଏକ ଡାକ୍ତରଖାନାରେ ସୋମବାର ଅପରାହ୍ନରେ ଅନୁଷ୍କା ଶର୍ମା ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଉଭୟ ମାଆ ଏବଂ ଶିଶୁ ସୁସ୍ଥ ଅଛନ୍ତି, ବିରାଟ କୋହଲିଙ୍କ ବ୍ୟତୀତ ଅନ୍ୟ କେହି ସୋସିଆଲ ମିଡ଼ିଆରେ ନିଜ ପ୍ରଶଂସକଙ୍କ ସହିତ ଏହି ଖୁସି ଖବର ଶେୟାର କରିଛନ୍ତି । ଏହି ପୋଷ୍ଟରୁ ହିଁ ତାଙ୍କ ଝିଅର ଗୋଟାଏ ଝଲକ ଦେଖିବା ପାଇଁ ଲୋକଙ୍କ ମଧ୍ୟରେ ଉତ୍ସାହ ବଢିଗଲା ।
ଏ ସମୟରେ ଗୋଟିଏ ନବଜାତ ଶିଶୁ ସହିତ ଜଣେ ମହିଳାଙ୍କର ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଲା ଯାହାକୁ ଅନୁଷ୍କାଙ୍କ ସହିତ ତାଙ୍କ ଝିଅ ବୋଲି ଦାବି କରିଛନ୍ତି । କିନ୍ତୁ ଏହାର ସତ୍ୟ ଭିନ୍ନ । ସୂଚନାଥାଉ ଯେ ଏ ଫଟୋ ଏକ ଏଜେନ୍ସି ଫଟୋ । ଏହି ଏଜେନ୍ସି ମିଡିଆ ହାଉସକୁ ଜୀବନଶୈଳୀ ଏବଂ ନବଜାତ ଶିଶୁ ଖବର ପରି ଫଟୋଗ୍ରାଫ ଯୋଗାଇବା ପାଇଁ କାର୍ଯ୍ୟ କରେ । ୨୦୦୯ ମସିହାରୁ ଇଣ୍ଟରନେଟରେ ଏହି ଫଟୋ ଅନେକ ଥର ଦେଖାଯାଇଛି ।
