ଛକା ଓ ଚୌକା ବର୍ଷା କଲେ ‘ୟୁନିଭର୍ସ ବସ୍’ କ୍ରିସ୍ ଗେଲ୍, ପ୍ରଥମ ଖେଳାଳି ଭାବେ ରଚିଲେ ଇତିହାସ

WI VS AUS T-20 : ୱେଷ୍ଟଇଣ୍ଡିଜ୍ ର ବିସ୍ପୋରକ ବ୍ୟାଟ୍ସମ୍ୟାନ୍ କ୍ରିସ୍ ଗେଲଙ୍କ ବ୍ୟାଟ୍ ଗତ 5 ଟି T-20 ଇଣ୍ଟରନ୍ୟାସନାଲ ମ୍ୟାଚ୍ ରେ ଚୁପ୍ ରହିଥିଲା, ଯେଉଁଥିପାଇଁ ସେ ଅନେକ ସମାଲୋଚନାର ସମ୍ମୁଖୀନ ହୋଇଥିଲେ। ସେ ଦକ୍ଷିଣ ଆଫ୍ରିକା ବିପକ୍ଷ ତିନୋଟି ମ୍ୟାଚରେ 24 ରନ୍ ସଂଗ୍ରହ କରିଥିବାବେଳେ ଅଷ୍ଟ୍ରେଲିଆ ବିପକ୍ଷ ଦୁଇଟି ମ୍ୟାଚରେ ସେ ମାତ୍ର 17 ରନ୍ କରିଥିଲେ। କିନ୍ତୁ ‘ୟୁନିଭର୍ସ ବସ୍’ ଭାବରେ ଜଣାଶୁଣା ଗେଲ୍ ଅଷ୍ଟ୍ରେଲିଆ ବିପକ୍ଷ ତୃତୀୟ ଟି -20 ରେ ଜବରଦସ୍ତ ପ୍ରତ୍ୟାବର୍ତ୍ତନ କରିଥିଲେ। ସେ କେବଳ ଛକା ଓ ଚୌକା ବର୍ଷା କରି ଅର୍ଦ୍ଧଶତକୀୟ ଇନିଂସ ଖେଳି ନଥିଲେ ବରଂ ଏକ ଶକ୍ତିଶାଳୀ ରେକର୍ଡ ମଧ୍ୟ କରିଥିଲେ। ତାଙ୍କ ଇନିଂସ ଯୋଗୁଁ ୱେଷ୍ଟଇଣ୍ଡିଜ୍ ବିଜୟର ହ୍ୟାଟ୍ରିକ୍ ପାଇଲା।

ଗେଲଙ୍କ ନାମରେ ନାମିତ ହେଲା ଏହି ରେକର୍ଡ ।

ତୃତୀୟ ନମ୍ବରରେ ବ୍ୟାଟିଂ କରି ଗେଲ 38 ବଲରେ 67 ରନ୍ ସଂଗ୍ରହ କରିଥିଲେ। ସେ ତାଙ୍କ ଇନିଂସରେ 4 ଚୌକା ଓ 7 ଛକା ମାରିଥିଲେ। ଏହା ହେଉଛି ତାଙ୍କର T20 ଆନ୍ତର୍ଜାତୀୟ କ୍ୟାରିୟରର 14 ତମ ପଚାଶ । ଏଥି ସହିତ, ରେକର୍ଡ ବିଷୟରେ ଆଲୋଚନା କଲେ, ଏହି ଇନିଂସ ସମୟରେ ଗେଲ ଟି -20 କ୍ରିକେଟରେ 14,000 ରନ୍ ପୂରଣ କରିଥିଲେ। ସେ ଏପରି କରିଥିବା ପ୍ରଥମ ଖେଳାଳି । ଏଥି ସହିତ, ସେ 40 ବର୍ଷ ବୟସରୁ 1000 ଟି -20 ରନ୍ ସ୍କୋର କରିବାର କୃତିତ୍ୱ ହାସଲ କରିଛନ୍ତି । ଏହି ସଫଳତା ହାସଲ କରିବାରେ ସେ ହେଉଛନ୍ତି ତୃତୀୟ ଖେଳାଳି। ବୟସ୍କ ଖେଳାଳି ଭାବେ 41 ବର୍ଷୀୟ ଗେଲ୍ ଏକମାତ୍ର ଖେଳାଳି ଯିଏ କି ଟି -20 ଆନ୍ତର୍ଜାତୀୟ ମ୍ୟାଚ ରେ ଅର୍ଦ୍ଧଶତକ ସ୍କୋର କରିବାରେ ସକ୍ଷମ ହୋଇପାରିଛନ୍ତି।

ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କୃତ ହେଲେ କ୍ରିସ୍ ଗେଲ୍

କ୍ରିସ୍ ଗେଲ୍ ଙ୍କୁ ତାଙ୍କର ଚମତ୍କାର ଇନିଂସ ପାଇଁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପ୍ରଦାନ କରାଯାଇଥିଲା। ସେ ତାଙ୍କ ଚମତ୍କାର ପ୍ରତ୍ୟାବର୍ତ୍ତନରେ ଖୁସି ବ୍ୟକ୍ତ କରିଥିଲେ। ଗେଲ କହିଛନ୍ତି ଯେ ଏହା ଏକ ଚମତ୍କାର ଯାତ୍ରା ହୋଇଛି। ୱିଣ୍ଡୋଜ୍ ସିରିଜ୍ ଜିତିବା ପାଇଁ ମୁଁ ବହୁତ ଖୁସି ।ଅଷ୍ଟ୍ରେଲିଆ ବିପକ୍ଷ ସିରିଜ ଜିତିବା ପାଇଁ କ୍ୟାପଟେନ ନିକୋଲାସ ପୁରାନଙ୍କୁ ଅଭିନନ୍ଦନ। ଆମେ ସମସ୍ତେ ଜାଣୁ ମୁଁ ବହୁତ ପୂର୍ବ ମ୍ୟାଚ୍ ରୁ ସଂଘର୍ଷ କରୁଥିଲି । ତେଣୁ ରନ୍ ସ୍କୋର କରି ଆତ୍ମବିଶ୍ୱାସ ବଢ଼ିଲା। ମୁଁ ଏହି ରନ୍କୁ ମୋର ସାଥୀମାନଙ୍କ ପାଇଁ ଉତ୍ସର୍ଗ କରିବାକୁ ଚାହୁଁଛି । ତୃତୀୟ ଟି-୨୦ ଜିତିବା ପରେ ୱେଷ୍ଟଇଣ୍ଡିଜ୍ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ 3-0 ସିରିଜ୍ ଅଗ୍ରଣୀ ହାସଲ କରିଛି।