କରୋନା ଭାଇରସ ମଣିଷ ଚର୍ମରେ ଅନେକ ଘଣ୍ଟା ଯାଏଁ ଜିଇଁ ରହିପାରନ୍ତି ବୋଲି ଏକ ନୂତନ ଅଧ୍ୟୟନରେ ଏହା ନିଶ୍ଚିତ ହୋଇଛି । ଅଧ୍ୟୟନରୁ ଏହା ମଧ୍ୟ ଜଣାପଡିଛି ଯେ କୋଭିଡ-୧୯ ର ସଂକ୍ରମଣ ମୁଖ୍ୟତଃ ଏରୋସୋଲ ଏବଂ ବୁନ୍ଦା ମାଧ୍ୟମରେ ହୋଇଥାଏ । ‘କ୍ଲିନିକାଲ ଇନଫେକସିୟସ ଡିଜିଜ’ରେ ପ୍ରକାଶିତ ଏହି ଅଧ୍ୟୟନରେ ଅନୁସନ୍ଧାନକାରୀମାନେ କହିଛନ୍ତି ଯେ SARS-CoV-2 କୁ ଏଡାଇବା ପାଇଁ ହାତକୁ ଭଲ ଭାବରେ ସଫା କରିବା ଆବଶ୍ୟକ ।
ସୁସ୍ଥ ସ୍ୱେଚ୍ଛାସେବୀମାନଙ୍କୁ ଅନୁସନ୍ଧାନକାରୀମାନେ କରୋନା ଭାଇରସ ସଂକ୍ରମଣରୁ ରକ୍ଷା କରିବା ପାଇଁ ଅଧ୍ୟୟନ ସମୟରେ କ୍ୟାଡର ଚର୍ମ ବ୍ୟବହାର କରିଥିଲେ । ବିଶେଷଜ୍ଞଙ୍କ ରିପୋର୍ଟ ଅନୁଯାୟୀ ଇନ୍ଫ୍ଲୁଏଞ୍ଜା ଭାଇରସ ଭଳି ମାରାତ୍ମକ ଭାଇରସ ମଧ୍ୟ ମଣିଷ ଚର୍ମରେ ୨ ଘଣ୍ଟାରୁ ଅଧିକ ସମୟ ବଞ୍ଚିପାରିବ । କିନ୍ତୁ କରୋନା ଭାଇରସ ଚର୍ମରେ ୯ ଘଣ୍ଟାରୁ ଅଧିକ ସମୟ ବଞ୍ଚିପାରେ ।
ତେବେ ୮୦ ପ୍ରତିଶତ ଆଲକହଲ ଯୁକ୍ତ ସାନିଟାଇଜର ଚର୍ମରୁ ଯେକୌଣସି ପ୍ରକାରର ଭାଇରସକୁ ମାତ୍ର ୧୫ ସେକେଣ୍ଡରେ ମାରିପାରେ । ୟୁଏସ ଫର ଡିଜିଜ କଣ୍ଟ୍ରୋଲ ଆଣ୍ଡ ପ୍ରବେଶନ ମଧ୍ୟ ଆଲକହଲ ଯୁକ୍ତ ସାନିଟାଇଜରରେ ହାତ ଧୋଇବାକୁ ପରାମର୍ଶ ଦିଅନ୍ତି । ସାନିଟାଇଜର ହେଉ କି ସାବୁନ ୨୦ ସେକେଣ୍ଡ ଧରି ହାତ ଧୋଇବା ଦ୍ଵାରା କରୋନା ସଂକ୍ରମଣର ଆଶଙ୍କା ସଂପୂର୍ଣ୍ଣ ଭାବେ ହ୍ରାସ ପାଇଥାଏ ବୋଲି ବିଶେଷଜ୍ଞଙ୍କ ମତ ।
ଦୀର୍ଘ ଦିନରୁ ଲୋକଙ୍କ ମନରେ ଭୟ ଥିଲା ଯେ ସବୁବେଳେ ମାସ୍କ ପିନ୍ଧିବା ଦ୍ୱାରା ଶରୀରରେ ଅମ୍ଳଜାନ ଅଭାବଠାରୁ ଆହୁରି ବଡ଼ କ୍ଷତି ହୋଇପାରେ । ଅନେକ ସମୟରେ ଫେସ୍ ମାସ୍କ ଅଡୁଆ ଲାଗିପାରେ ମାତ୍ର ଏହା ଅମ୍ଳଜାନକୁ ଫୁସଫୁସରେ ପହଞ୍ଚିବାରେ ବାଧା ସୃଷ୍ଟି କରେ ନାହିଁ ବୋଲି ବି ରିପୋର୍ଟରେ ଦର୍ଶାଯାଇଛି । ଏ ସଂକ୍ରାନ୍ତରେ ସର୍ଜିକାଲ ମାସ୍କକୁ ମଧ୍ୟ ପରୀକ୍ଷା କରାଯାଇଛି ।
୧୫ ଜଣ ସୁସ୍ଥ ଚିକିତ୍ସକ ଏବଂ ୧୫ ଜଣ ମିଳିଟାରୀ ବୃଦ୍ଧ ଫୁସଫୁସ ରୋଗୀଙ୍କୁ କଠିନ ପୃଷ୍ଠରେ ୬ ମିନିଟ ଧରି ଚଲାଇ ପରୀକ୍ଷା କରାଯାଇଥିଲା । ଚାଲିବା ପରୀକ୍ଷଣ ପୂର୍ବରୁ, ସମସ୍ତ ସ୍ୱେଚ୍ଛାସେବୀଙ୍କ ରକ୍ତରେ ଅମ୍ଳଜାନ ଏବଂ କାର୍ବନ ଡାଇଅକ୍ସାଇଡର ପରିମାଣ ମାପ କରାଯାଇଥିଲା । ରିପୋର୍ଟ ଅନୁଯାୟୀ, ପରୀକ୍ଷଣର ଅଧ ଘଣ୍ଟା ପର୍ଯ୍ୟନ୍ତ ସୁସ୍ଥ ଡାକ୍ତର କିମ୍ବା ପ୍ରଭାବିତ ଲୋକମାନଙ୍କ ଫୁସଫୁସରେ ଅମ୍ଳଜାନର କେତେକ ବଡ଼ ପରିବର୍ତ୍ତନ ଦେଖିବାକୁ ମିଳିଥିଲା । ଥୋରାକ୍ସ ଜର୍ଣ୍ଣାଲର ଅନୁସନ୍ଧାନକାରୀମାନେ ଅମ୍ଳଜାନ ସ୍ତର ହ୍ରାସ କରିବା ଭଳି ଦାବିକୁ ଖାରଜ କରିଦେଇଛନ୍ତି । ମାସ୍କ ମୁହଁର ସମ୍ବେଦନଶୀଳ ସ୍ନାୟୁକୁ ଉତ୍ତେଜିତ କରି ଗରମ ବାୟୁ କିମ୍ବା କ୍ଲାଷ୍ଟ୍ରୋଫୋବିୟା ଭଳି ଅନୁଭବ କରି ଅସ୍ୱାଭାବିକତା ସୃଷ୍ଟି କରିପାରେ, କିନ୍ତୁ ଏହା ଅଧିକ ଚିନ୍ତାଜନକ ନୁହେଁ ।
