ସଂସ୍କାର : ଟୋକିଓ ଅଲିମ୍ପିକ୍ସରେ ସିଙ୍କ୍ରୋନାଇଜଡ୍ ସନ୍ତରଣରେ ରୁଷିଆକୁ ସ୍ୱର୍ଣ୍ଣ ପଦକ ଜିତେଇଥିବା ସନ୍ତରଣକାରୀ ଆଲ୍ଲା ଶିଶ୍କିନା ଏକ ଆଶ୍ଚର୍ଯ୍ୟଜନକ ଦାବି କରିଛନ୍ତି। ଶିଶ୍କିନା ତାଙ୍କ ସଫଳତାର ରହସ୍ୟ ସେକ୍ସ ବୋଲି ଉଲ୍ଲେଖ କରିଛନ୍ତି ଏବଂ ଏହା ତାଙ୍କ ପ୍ରଦର୍ଶନରେ ବହୁତ ଉନ୍ନତି ଆଣିଛି ବୋଲି ସେ ଦାବି କରିଛନ୍ତି। ଟୋକିଓ ଅଲିମ୍ପିକ୍ସ ପୂର୍ବରୁ ମଧ୍ୟ ରିଓ ଏବଂ ଲଣ୍ଡନ ଅଲିମ୍ପିକ୍ସରେ ଆଲ୍ଲା ଶିଶ୍କିନା ସ୍ୱର୍ଣ୍ଣ ପଦକ ଜିତିଛନ୍ତି। ଆଲ୍ଲା କହିଛନ୍ତି ଯେ ଯୌନ ସମ୍ପର୍କ ଦ୍ୱାରା ଶାରୀରିକ ବ୍ୟାୟାମ ହୋଇଥାଏ, ସେଥିପାଇଁ ସେ ମ୍ୟାଚ୍ ପୂର୍ବରୁ ଯୌନ ସମ୍ପର୍କ ରଖିବାକୁ ପସନ୍ଦ କରନ୍ତି।
ମ୍ୟାଚ୍ ଆରମ୍ଭ ପୂର୍ବରୁ ଆଲ୍ଲା ଶିଶ୍କିନା ଡାକ୍ତରଙ୍କ ପରାମର୍ଶ କ୍ରମେ ସେକ୍ସ ବା ଯୌନ କାର୍ଯ୍ୟ ଆରମ୍ଭ କରନ୍ତି । ଶିଶ୍କିନା ଏକ ସାକ୍ଷାତକାରରେ କହିଛନ୍ତି ଯେ ଡାକ୍ତରଙ୍କ ପରାମର୍ଶ ପରେ ସେ ଯେକୌଣସି ପଦକ୍ଷେପ ଗ୍ରହଣ କରନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଅନୁସନ୍ଧାନରେ ଏହା ମଧ୍ୟ ପ୍ରମାଣିତ ହୋଇଛି ଯେ ଯଦି ଜଣେ ଅଳ୍ପ ସମୟ ମଧ୍ୟରେ ବୃତ୍ତିଗତ କ୍ରୀଡ଼ାରେ ଭଲ ପ୍ରଦର୍ଶନ କରିବାକୁ ଚାହେଁ, ତେବେ ତାକୁ ଯୌନ ସମ୍ପର୍କ ରଖିବା ଉଚିତ।
ଦୂର ଦୂରାନ୍ତର କ୍ରୀଡ଼ାରେ ସେକ୍ସକୁ ପ୍ରାଥମିକତା ଦେବା ଠିକ୍ ନୁହେଁ ବୋଲି ଶିଶ୍କିନା କହିଛନ୍ତି। ଶିଶ୍କିନାଙ୍କ କହିବା ଅନୁଯାୟୀ ପ୍ରତ୍ୟେକ ବ୍ୟକ୍ତିଙ୍କ ଶରୀର ଅଲଗା, ତେଣୁ ଡାକ୍ତରଙ୍କୁ ପଚାରିବା ପରେ ସେମାନେ ଏହି ରୋଟିନ୍ ଅନୁସରଣ କରିପାରିବେ।
