ଶୀଘ୍ର ଭାରତଗସ୍ତ ଆରମ୍ଭ କରିବାକୁ ଯାଉଛି ଦକ୍ଷିଣ ଆଫ୍ରିକା ଦଳ । ଆଇ.ପି.ଏଲ୍. ପୂର୍ବରୁ ଭାରତୀୟ ଦଳ ପାଇଁ ଏହା ଶେଷ ଅନ୍ତର୍ଜାତୀୟ ସିରିଜ ହେବାକୁ ଯାଉଛି । ଏହି ଏକ ଦିନିଆ ଅନ୍ତର୍ଜାତୀୟ ସିରିଜ ପାଇଁ ଉଭୟ ଦକ୍ଷିଣ ଆଫ୍ରିକା ଏବଂ ଭାରତର ଦଳର ଖେଳାଳିମାନଙ୍କ ନାମ ଘୋଷଣା କରାଯାଇଛି ।
ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପ୍ରଥମ ଏକ ଦିନିଆ ଅନ୍ତର୍ଜାତୀୟ ସିରିଜ ମାର୍ଚ୍ଚ ୧୨ ଅର୍ଥାତ ଆଜି ଧର୍ମଶାଳା କ୍ରିକେଟ୍ ଗ୍ରାଉଣ୍ଡରେ ଖେଳାଯିବ । ଭାରତୀୟ ସମୟ ଅପରାହ୍ନ ସାଢେ ଗୋଟେରୁ ଏହି ମ୍ୟାଚ ଖେଳାଯିବ । ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ ଏକ ଦିନିଆ ଅନ୍ତର୍ଜାତୀୟ ସିରିଜ ମାର୍ଚ୍ଚ ୧୫ରେ ଓ ତୃତୀୟ ଏକ ଦିନିଆ ଅନ୍ତର୍ଜାତୀୟ ସିରିଜ ମାର୍ଚ୍ଚ ୧୮ରେ ଖେଳାଯିବ ।
ଭାରତୀୟ ଦଳର ଶୁଭମାନ ଗିଲ, କୁଳଦୀପ ଯାଦବ ଏବଂ ପୃଥ୍ଵୀ ଶାହଙ୍କ ବ୍ୟତୀତ ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ଦିନିକିଆରେ ୱିକେଟ୍ କିପର ବ୍ୟାଟ୍ସମ୍ୟାନ୍ ରିଷଭ ପନ୍ତ ବୋଧହୁଏ ଦଳରୁ ବାହାରି ଯାଇପାରନ୍ତି ।
ପାଣିପାଗ ରିପୋର୍ଟ ଅନୁଯାୟୀ କିନ୍ତୁ ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି । ଶିଖର ଧାୱନ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରତ୍ୟାବର୍ତ୍ତନ ଭାରତକୁ ଏହି ସିରିଜରେ ପ୍ରବେଶ କରିବାକୁ ସ୍ଵାଗତ କରୁଥିବାବେଳେ ଆୟୋଜକମାନେ ଦକ୍ଷିଣ ଆଫ୍ରିକାକୁ ହାଲୁକା ଭାବେ ଗ୍ରହଣ କରିନପାରନ୍ତି ।
