ବଲିଉଡ଼ ଅଭିନେତା ଅକ୍ଷୟ କୁମାରଙ୍କ ଫିଲ୍ମ ଲକ୍ଷ୍ମୀ ବମ୍ ଫିଲ୍ମର ଟ୍ରେଲର ଆସିଛି ଏବଂ ଏହାର ଆଲୋଚନା ସବୁ ସ୍ଥାନରେ ଚାଲିଛି । ଏହି ଭୟଙ୍କର କମେଡ଼ି ଚଳଚ୍ଚିତ୍ରରେ ଅକ୍ଷୟ କୁମାର ଜଣେ ପୁରୁଷଙ୍କ ଚରିତ୍ରରେ ଅଭିନୟ କରୁଛନ୍ତି, ଯିଏ ଜଣେ ମହିଳାଙ୍କ ଭୂତ ଦ୍ୱାରା ଗ୍ରାସିତ ହେଉଛି । ଭୂତ ମହିଳା ନିଜର ପ୍ରତିଶୋଧ ନେବାକୁ ଆସିଛନ୍ତି । ତେବେ ପ୍ରଥମ ଥର ପାଇଁ ଅକ୍ଷୟ କୁମାର ଏକ ଟ୍ରାନ୍ସଜେଣ୍ଡର ଅବତାରରେ ଦେଖିବାକୁ ମିଳିବେ । ଏ ଫିଲ୍ମ ଟ୍ରେଲର ବହୁତ ପ୍ରଶଂସା ସାଉଁଟୁଛି ।
ପ୍ରଶଂସକଙ୍କ ପାଇଁ ଖୁସି ଖବର ହେଉଛି ଯେ ଏହି ଫିଲ୍ମର ଟ୍ରେଲରକୁ ମାତ୍ର ୨୪ ଘଣ୍ଟା ମଧ୍ୟରେ ୟୁଟ୍ୟୁବ ଚ୍ଯାନେଲରେ ୭୦ ମିଲିୟନ ଭ୍ୟୁ ମିଳିଛି । ଏହାସହିତ ଏହା ଆଜି ପର୍ଯ୍ୟନ୍ତ ଭାରତର ସବୁଠାରୁ ଅଧିକ ଦେଖାଯାଇଥିବା ଟ୍ରେଲରରେ ପରିଣତ ହୋଇଛି । ଫକ୍ସ ଷ୍ଟାର ଷ୍ଟୁଡିଓ ଇଣ୍ଡିଆ ଟୁଇଟ୍ କରି ଏହି ଖବର ଦେଇଛି ଏବଂ ସୋସିଆଲ ମିଡିଆରେ ପ୍ରଶଂସକମାନେ ଖୁସିରେ ଆତ୍ମହରା ହେଉଛନ୍ତି । ଅନ୍ୟପଟେ ଲକ୍ଷ୍ମୀ ବମ୍ର ଟ୍ରେଲରକୁ ନେଇ ସୋସିଆଲ ମିଡିଆର ଗୋଟିଏ ବିଭାଗରେ ଅଡୁଆ ବି ସୃଷ୍ଟି ହୋଇଛି । କେତେକ ୟୁଜର୍ସ ଏହି ଫିଲ୍ମକୁ ବୟକଟ୍ କରିବା ପାଇଁ ମଧ୍ୟ ଦାବି କରୁଛନ୍ତି ।
ତେବେ ୟୁଜର୍ସମାନେ ଫିଲ୍ମକୁ ବୟକଟ୍ କରିବା ପଛର କାରଣ ବଲିଉଡର ଡ୍ରଗ୍ସ ସଂଯୋଗ ଉପରେ ଅକ୍ଷୟ କୁମାରଙ୍କ ଏକ ଭିଡ଼ିଓ । ଲକ୍ଷ୍ମୀ ବମ୍ ଟ୍ରେଲରର ରିଲିଜ୍ ହେବା କିଛି ଦିନ ପୂର୍ବରୁ ଅକ୍ଷୟ କୁମାର ସୁଶାନ୍ତ ସିଂ ରାଜପୁତ ମାମଲାରେ ବଲିଉଡ ସହ ଜଡିତ ଡ୍ରଗ୍ ସଂଯୋଗ ବିଷୟରେ କହିଥିଲେ । ସେ କହିଥିଲେ ଯେ କେବଳ କେତେଜଣଙ୍କ ପାଇଁ ପୁରା ଫିଲ୍ମ ଇଣ୍ଡଷ୍ଟ୍ରିକୁ ଖରାପ କହିବା ଉଚିତ୍ ନୁହେଁ ।
ଅନ୍ୟପକ୍ଷରେ ୟୁଜର୍ସମାନେ ସୋସିଆଲ ମିଡ଼ିଆରେ ଲକ୍ଷ୍ମୀ ବମ୍ ର ଟ୍ରେଲରରେ ନାପସନ୍ଦ ବଟନ୍ ନଥିବା ନେଇ ପ୍ରଶ୍ନ ଉଠାଉଛନ୍ତି । ଟ୍ୱିଟରରେ #BoycottBollywood #BoycottLaxmiBomb ବହୁତ ଟ୍ରେଣ୍ଡ୍ ହେଉଛି ।
