ସଂସ୍କାର : ଅଭିନେତାଙ୍କ ଗୁଣ୍ଡାଗିରି। ଅସଭ୍ୟ ଭାଷାରେ ପଡୋଶୀଙ୍କୁ ଗାଳିଗୁଲଜ କରି ଗିରଫ ହେଲେ ଓଲିଉଡ ଅଭିନେତା ବବି ମିଶ୍ର। ମଦ ନିଶାରେ ପଡୋଶୀଙ୍କ ସହ ଗଣ୍ଡଗୋଳ କରିବା ମହଙ୍ଗା ପଡିଲା ଓଡ଼ିଶାର ଲୋକପ୍ରିୟ ଅଭିନେତା ବବି ମିଶ୍ରଙ୍କୁ। ପଡୋଶୀଙ୍କ ସହ ଗାଡି ପାର୍କିଂକୁ ନେଇ ଗଣ୍ଡଗୋଳ ଅଭିଯୋଗରେ ନୟାପଲ୍ଲୀ ଥାନା ପୋଲିସ୍ ବବିଙ୍କୁ ଗିରଫ କରିଛି। ବବିଙ୍କ ଗିରଫଦାରୀ ଏବେ ଚର୍ଚ୍ଚାର ବିଷୟ ପାଲଟିଛି। ପଡୋଶୀଙ୍କ ଅଭିଯୋଗକୁ କେନ୍ଦ୍ର କରି ଏବଂ ପଚରାଉଚୁରା କରିବା ପରେ ପୋଲିସ ଅଭିନେତା ବବିଙ୍କୁ ଗିରଫ କରିଥିବା ଜଣାପଡିଛି।
ସୂଚନା ଅନୁଯାୟୀ, ନିଶାଶକ୍ତ ଅବସ୍ଥାରେ ବବି ତାଙ୍କ ପଡ଼ୋଶୀଙ୍କୁ ବନ୍ଧୁକ ମୁନରେ ଡରାଇଥିବା ଅଭିଯୋଗ ହୋଇଛି। ବବି ତାଙ୍କ ପଡୋଶୀଙ୍କୁ ନିସ୍ତୁକ ମାଡ ମଧ୍ୟ ମାରିଥିବାର ଅଭିଯୋଗ ହୋଇଛି। ପଡ଼ୋଶୀଜଣକ ଏନେଇ ଶନିବାର ଦିନ ନୂଆପଲ୍ଲୀ ଥାନାରେ ଅଭିଯୋଗ କରିଥିଲେ। ଅଭିଯୋଗ ମୁତାବକ ପୁଲିସ ଘଟଣାର ସତ୍ୟାସତ୍ୟ ଜାଣିବାକୁ ତଦନ୍ତ ଆରମ୍ଭ କରିଥିଲା। ଏହା ପରେ ନୟାପଲ୍ଲୀ ଥାନା ପୋଲିସ ଉଭୟ ପକ୍ଷଙ୍କୁ ଥାନାକୁ ଡାକି ପଚରାଉଚୁରା କରିଥିଲେ। ପଚରା ଉଚୁରା ପରେ ବବିଙ୍କୁ ପୋଲିସ ଗିରଫ କରିଥିବା ଜଣାପଡିଛି।
ପଡ଼ୋଶୀଙ୍କ ଅଭିଯୋଗ ମୁତାବକ, ବବି ନୂଆପଲ୍ଲୀ ଆଇଆର୍ସି ଭିଲେଜ୍ର ଏନ୍ନ୍-୧ରେ ଥିବା ଏକ ଆପାର୍ଟମେଣ୍ଟରେ ରହୁଛନ୍ତି । କିଛି ଦିନ ହେଲା ସେ ମାନସିକ ଚିନ୍ତାରେ ରହୁଥିଲେ । କୌଣସି କାରଣ ନେଇ ସମ୍ପୃକ୍ତ ପଡ଼ୋଶୀଙ୍କ ସହ ବଚସା ହୋଇଥିଲା । ଏଥିରେ ଉତ୍କ୍ଷିପ୍ତ ହୋଇ ବବି ଘରୁ ଏକ ବନ୍ଧୁକ ଆଣି ତାଙ୍କୁ ଧମକାଇଥିଲେ । ଏମିତିକି ଆପାର୍ଟମେଣ୍ଟର ଅନ୍ୟ ଅନ୍ତେବାସୀଙ୍କ ସାମ୍ନାରେ ତାଙ୍କୁ ମାଡ଼ ମଧ୍ୟ ମାରିଥିଲେ । ତେବେ ଗିରଫ ପରେ ଆପୋଷ ବୁଝାମଣା କରି ପୋଲିସ୍ ତାଙ୍କୁ ଛାଡି ଦେଇଥିବା ଜଣାପଡିଛି। ସେହିପରି ବବି ମିଶ୍ର ତାଙ୍କ ପୋଡ଼ଶୀଙ୍କୁ କ୍ଷମା ମାଗିଥିବା ଜଣାପଡିଛି।
