ଭାରତର ପୂର୍ବତନ ଅଧିନାୟକ ତଥା ବ୍ୟାଟିଂ ଆଇକନ୍ ସଚିନ୍ ତେନ୍ଦୁଲକର କୋଭିଡ଼ ପଜିଟିଭ୍ ଚିହ୍ନଟ ହେଲା ପରେ ସତର୍କତାମୂଳକ ପଦକ୍ଷେପ ଭାବରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ୪୭ ବର୍ଷୀୟ ସଚିନ ଶୁକ୍ରବାର ଦିନ ନିଜେ ଟ୍ଵିଟ୍ ଏନେଇ ଜଣେଇଛନ୍ତି ।
ସୋସିଆଲ ମିଡ଼ିଆରେ ନିଜେ ତେନ୍ଦୁଲକର ଲେଖିଛନ୍ତି ଯେ “ତୁମର ଇଚ୍ଛା ଏବଂ ପ୍ରାର୍ଥନା ପାଇଁ ଧନ୍ୟବାଦ । ଡାକ୍ତରୀ ପରାମର୍ଶ ଅନୁଯାୟୀ ବହୁ ସତର୍କତା ଅବଲମ୍ବନ କରି ମୋତେ ହସ୍ପିଟାଲରେ ଭର୍ତ୍ତି କରାଯାଇଛି । ମୁଁ ଆଶା କରୁଛି କିଛି ଦିନ ପରେ ମୁଁ ଘରକୁ ଫେରିବି । ସମସ୍ତେ ନିଜର ଯତ୍ନ ନିଅ ଏବଂ ସୁରକ୍ଷିତ ରୁହ ।”
ତେବେ ମାର୍ଚ୍ଚ ୨୭ ତାରିଖରେ ତେନ୍ଦୁଲକର କରୋନା ପଜିଟିଭ୍ ଚିହ୍ନଟ ହେଲାପରେ ନିଜକୁ ସେ ଘରେ ଆଇସୋଲେଟ କରି ରହିଥିଲେ । ୨୦୧୧ ମସିହାରେ ଭାରତର ଐତିହାସିକ ବିଶ୍ୱକପ ବିଜୟର ଭାଗୀଦାର ତେନ୍ଦୁଲକରଙ୍କୁ ତାଙ୍କ ସାଥୀମାନେ ବିଜୟର ଦଶମ ବାର୍ଷିକୀ ଅବସରରେ ଶୁଭକାମନା ଦେଇଥିଲେ ।
ସେ ଆଉ ଏକ ଟ୍ଵିଟ୍ କରି କହିଛନ୍ତି ଯେ ଆମର ବିଶ୍ୱକପ୍ ବିଜୟର ଦଶମ ବାର୍ଷିକୀରେ ସମସ୍ତ ଭାରତୀୟ ଏବଂ ମୋର ସାଥୀ ଖେଳାଳିମାନଙ୍କୁ ଶୁଭେଚ୍ଛା ଜଣାଉଛି । ତେନ୍ଦୁଲକରଙ୍କ ବ୍ୟତୀତ ଭାରତର ପୂର୍ବତନ ଅଲରାଉଣ୍ଡର ଇରଫାନ ପଠାନ, ତାଙ୍କ ବଡ଼ ଭାଇ ୟୁସୁଫ ଏବଂ ଏସ ବଦ୍ରିନାଥ, ସମସ୍ତେ ସଡ଼କ ସୁରକ୍ଷା ବିଶ୍ୱ ସିରିଜ ଚ୍ୟାଲେଞ୍ଜରେ ଅଂଶଗ୍ରହଣ କରିଥିଲେ । ସେମାନେ ସମସ୍ତେ କୋଭିଡ଼ ପଜିଟିଭ୍ ଚିହ୍ନଟ ହେଲାପରେ ଏନେଇ ସୂଚନା ଦେଇଛନ୍ତି ।
ରାଇପୁରରେ ଅନୁଷ୍ଠିତ ଭେଟେରାନ ଟୁର୍ନାମେଣ୍ଟରେ ତେନ୍ଦୁଲକର ଭାରତୀୟ ଦଳକୁ ବିଜୟୀ କରାଇଥିଲେ ଯେଉଁଠାରେ ଷ୍ଟାଡିୟମ ଭିତରେ ଭିଡ଼ ଜମିଥିଲା ।
