ସଂସ୍କାର : ଇଡି ସ୍କାନରରେ ଅର୍ଚ୍ଚନା ନାଗଙ୍କ ଡ୍ରାଇଭର ଚନ୍ଦନ। ଚନ୍ଦନ ପାଖରେ ରହିଛି ଅର୍ଚ୍ଚନାଙ୍କର ବିରାଟ ସାମ୍ରାଜ୍ୟର ସବୁ ହିଷ୍ଟ୍ରି। ରାଜଧାନୀରେ ଅର୍ଚ୍ଚନା ନାଗଙ୍କ ବିରାଟ ସାମ୍ରାଜ୍ୟର ରହଷ୍ୟ ବିଷୟରେ ଇଡିଙ୍କୁ ସବୁ କହିଛି ଅର୍ଚ୍ଚନା ନାଗଙ୍କ ଡ୍ରାଇଭର ଚନ୍ଦନ।
ଡ୍ରାଇଭର ଚନ୍ଦନ ଅର୍ଚ୍ଚନାଙ୍କୁ ନେଇ କେଉଁଆଡ଼େ ଯାଉଥିଲେ ? ଅର୍ଚ୍ଚନାଙ୍କୁ କିଏ କିଏ ଭେଟିଥିଲେ ? କଣ ରହୁଥିଲା ଅର୍ଚ୍ଚନା ଆଉ ତାଙ୍କ ସହିତ ଭେଟ ହେଉଥିବା ଲୋକଙ୍କ ଗତିବିଧି ? ସେ କେବେଠାରୁ ଅର୍ଚ୍ଚନାଙ୍କ ଡ୍ରାଇଭର ରୁପେ କାର୍ଯ୍ୟ କରୁଛନ୍ତି ? ଗାଡ଼ିରେ ଅନ୍ୟ କାହାକୁ ନେବା ଆଣିବା କଡୁଥିଲେ କି ? ଶ୍ରଦ୍ଧାଞ୍ଜଳି ବିଷୟରେ କିଛି ଜାଣିଛନ୍ତି କି ? ଖଗେଶ୍ୱର ଆଉ ଅର୍ଚ୍ଚନାଙ୍କ ସମ୍ପର୍କ କଣ ? ଏମିତି ଅନେକ ପ୍ରଶ୍ନର ଉତ୍ତର ତଦନ୍ତକାରୀ ଅଧିକାରୀଙ୍କୁ ଚନ୍ଦନ ଦେଇଥିବା ସୁଚନା ରହିଛି ।
ସବୁଠାରୁ ବଡ଼ କଥା ହେଲା ଅର୍ଚ୍ଚନା , ଜଗବନ୍ଧୁ ଆଉ ଖଗେଶ୍ୱର ଜେଲରେ ଥିବା ସମୟରେ କେହି ଜଣେ ଅର୍ଚ୍ଚନାଙ୍କର ଏଣ୍ଡେଭର ଗାଡିକୁ ମଞ୍ଚେଶ୍ୱରର ପରିତ୍ୟକ୍ତ ସ୍ଥାନରେ ଛାଡି ଚାଲିଯାଇଥିଲା। ବର୍ତ୍ତମାନ ସେହି ବ୍ୟକ୍ତି ପାଖରେ ପହଁଚିବାକୁ ଚାହୁଁଚି ଇଡି। ଚନ୍ଦନ ଦ୍ୱାରା ହିଁ ସେହି ବ୍ୟକ୍ତି ପାଖରେ ଇଡି ପହଂଚିବ ବୋଲି ଜଣାପଡିଛି। ଗାଡିର କାଗଜପତ୍ର ନଷ୍ଟ କରିବା ପାଇଁ ମଧ୍ୟ ଚନ୍ଦନର ହାତ ରହିଛି ବୋଲି ଜଣାପଡିଛି। ଅନ୍ୟ ସବୁ ଗାଡି ବିଷୟରେ ଇଡି ପାଖରେ ସବୁ ସତ କଥା ଚନ୍ଦନ କହିଥିବା ରାଜ୍ୟ ଗଣମାଧ୍ୟମ ସୂତ୍ରରୁ ସୂଚନା ମିଳିଛି।
