୫ ଭାରତୀୟ କ୍ରିକେଟର ଏବେ ଆଇସୋଲେଶନରେ । ନୂଆବର୍ଷ ୨୦୨୧ ଅବସରରେ ଏକ ରେଷ୍ଟୁରାଣ୍ଟରେ ୫ ଜଣ ଭାରତୀୟ କ୍ରିକେଟର ରୋହିତ ଶର୍ମା, ରିଷଭ ପନ୍ତ, ଶୁଭମ ଗିଲି, ପୃଥ୍ୱୀ ସ’ ଏବଂ ନବଦୀପ ସାଇନି ଏକାଠି ବସି ଖାଉଥିଲେ ଯାହାର ଭିଡ଼ିଓ ଭାଇରାଲ ହୋଇଛି । ଏହାପରେ କୋଭିଡ଼ ପ୍ରୋଟୋକଲ ଉଲ୍ଲଙ୍ଘନ ଅଭିଯୋଗରେ ଅଷ୍ଟ୍ରେଲିଆ କ୍ରିକେଟ ବିସିସିଆଇର ପରାମର୍ଶ କ୍ରମେ ଏହି ୫ ଜଣଙ୍କୁ ଆଇସୋଲେସନ କରିଦିଆ ଯାଇଛି ।
ସୂଚନାଥାଉ ଯେ ପ୍ରୋଟୋକଲ୍ ଅନୁଯାୟୀ, ସାମାଜିକ ଦୂରତା ନିୟମ ଅନୁସରଣ କରି ଖେଳାଳୀଙ୍କୁ ବାହ୍ୟ ସେଟିଂରେ ଖାଇବାକୁ ଅନୁମତି ଦିଆଯାଇଛି । ଭାରତ ଏବଂ ଅଷ୍ଟ୍ରେଲିଆ ବର୍ତ୍ତମାନ ଏକ ଚାରି ଟେଷ୍ଟ ସିରିଜରେ ନିୟୋଜିତ ଅଛନ୍ତି । ତୃତୀୟ ମ୍ୟାଚ ଜାନୁୟାରୀ ୭ ରେ ସିଡ଼ନୀରେ ଆରମ୍ଭ ହେବାକୁ ଯାଉଛି ।
ଡାକ୍ତରୀ ଦଳଙ୍କ ସହିତ ପରାମର୍ଶ କରିବା ପରେ ଆଇସୋଲେସନ ପ୍ରୋଟୋକଲଗୁଡ଼ିକ ରଖାଯାଇଥିଲା । ଅଷ୍ଟ୍ରେଲୀୟ ଏବଂ ଭାରତୀୟ ଡାକ୍ତରୀ ଦଳଙ୍କ ପରାମର୍ଶରେ ଉକ୍ତ ୫ ଜଣ ଖେଳାଳିଙ୍କୁ ସତର୍କତାମୂଳକ ଭାବେ ପୃଥକ କରାଯାଇଛି ।ଯାତ୍ରା ସମୟରେ ଏବଂ ପ୍ରଶିକ୍ଷଣ ସ୍ଥଳରେ ବ୍ୟାପକ ଭାରତୀୟ ଏବଂ ଅଷ୍ଟ୍ରେଲିୟ ସ୍କ୍ବାର୍ଡ଼ରୁ ଖେଳାଳି ଗୋଷ୍ଠୀକୁ ପୃଥକ କରିବା ଏଥିରେ ଅନ୍ତର୍ଭୂକ୍ତ ହେବ । ଅବଶ୍ୟ, ଖେଳାଳିମାନଙ୍କୁ ପ୍ରୋଟୋକଲ ଅନୁଯାୟୀ ତାଲିମ ଦେବାକୁ ଅନୁମତି ଦିଆଯିବ ।
