ସଂସ୍କାର : ଯେତେବେଳେ ଆମେ କାହା ଉପରେ ଖୁସି ଥାଉ ଠିକ ସେହି ସମୟରେ ଉତ୍ସାହରେ ତାଙ୍କୁ ଆଲିଙ୍ଗନ କରିବାକୁ ଚାହିଁଥାଉ କିମ୍ବା ଯଦି ଆମେ କୌଣସି ଦୁଃଖିତ ବ୍ୟକ୍ତିଙ୍କୁ ଦେଖୁ ତେବେ ଆମେ ତାଙ୍କୁ ଆଲିଙ୍ଗନ କରିବାକୁ ଚାହୁଁ।ଏହି ଉପାୟରେ ଆମେ କହିପାରିବା ଯେ ଆଲିଙ୍ଗନ କରିବା, ପ୍ରକୃତରେ ନିଜକୁ କିମ୍ବା ଅନ୍ୟମାନଙ୍କୁ ଆରାମ ପ୍ରଦାନ କରିବାର ଏକ ପ୍ରଭାବଶାଳୀ ଉପାୟ।
ତେବେ ଭାଲେଣ୍ଟାଇନ୍ସ ସପ୍ତାହରେ ଆସୁଥିବା ଆଲିଙ୍ଗନ ଦିବସରେ ପ୍ରେମୀଯୁଗଳ ପରସ୍ପରକୁ ଆଲିଙ୍ଗନ କରନ୍ତି। କିନ୍ତୁ କେବଳ ଭାଲେଣ୍ଟାଇନ୍ସ ସପ୍ତାହ ନୁହେଁ, ଯଦି ଆପଣ ପ୍ରତିଦିନ ଆପଣଙ୍କ ସାଥୀଙ୍କୁ ଆଲିଙ୍ଗନ କରନ୍ତି, ତା’ହେଲେ ଏଥିରୁ ଅନେକ ଲାଭଦାୟକ ତଥା ଆଶ୍ଚର୍ଯ୍ୟଜନକ ଫାଇଦା ମିଳିବ। ଏହା ବ୍ୟତୀତ, ଯଦି ଆପଣ ନିଜର ଘନିଷ୍ଠ ଲୋକଙ୍କୁ ମଧ୍ୟ ଦେଖିବା ମାତ୍ରେ ଆଲିଙ୍ଗନ ଜାରି ରଖନ୍ତି, ତେବେ ଆପଣଙ୍କ ସମ୍ପର୍କ କେବଳ ଶକ୍ତିଶାଳୀ ହେବ ନାହିଁ, ବରଂ ମାନସିକ ଥକ୍କା ମଧ୍ୟ ଦୂର ହେବ।
ହେଲ୍ଥଲାଇନର ରିପୋର୍ଟ ଅନୁଯାୟୀ, ଅଧିକରୁ ଅଧିକ ଆଲିଙ୍ଗନ କରିବା ଆପଣଙ୍କୁ ଅଧିକ ସୁସ୍ଥ ଏବଂ ଖୁସି ରଖେ ଯାହା ଆପଣଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ। ଯେତେବେଳେ ଆପଣ କାହାକୁ ଆଲିଙ୍ଗନ କରନ୍ତି, ତେବେ ଶରୀରରେ କର୍ଟିସୋଲ ହରମୋନର ସିକ୍ରେସନ୍ କମିବା ଆରମ୍ଭ କରେ। କେବଳ ଏତିକି ନୁହେଁ, ଆଲିଙ୍ଗନ କରିବା ଦ୍ୱାରା ହର୍ମୋନ୍ ଅକ୍ସିଟୋସିନ୍ ବୃଦ୍ଧି ପାଇଥାଏ ଯାହା ପ୍ରେମ ହର୍ମୋନ୍ ବୋଲି ବିବେଚନା କରାଯାଏ। ଏହାର ବୃଦ୍ଧି ହେତୁ, ଆପଣ ଆଲିଙ୍ଗନ କଲେ ସୁଖ ପାଇବେ, ଆପଣ ନିଜକୁ ଆରାମଦାୟକ ଅନୁଭବ କରିବେ ଏବଂ ଆଲିଙ୍ଗନ କରିବା ଦ୍ୱାରା ଚାପ ଏବଂ ଉଦାସୀନତା ଶୀଘ୍ର କମିବା ଆରମ୍ଭ କରେ।
୪୦୦ ଲୋକଙ୍କ ଉପରେ କରାଯାଇଥିବା ଏକ ସର୍ବେକ୍ଷଣର ରିପୋର୍ଟ ଅନୁଯାୟୀ, ଆଲିଙ୍ଗନ ହେତୁ ଅସୁସ୍ଥ ହେବାର ସମ୍ଭାବନା ବହୁତ କମ୍ ଦେଖାଯାଏ। ନିଜକୁ ଅଧିକ ସୁରକ୍ଷିତ ଅନୁଭବ କରିବାକୁ ହେଲେ ଆପଣ ନିଜର ଘନିଷ୍ଟ ଲୋକଙ୍କୁ ଆଲିଙ୍ଗନ କରିବା ଉଚିତ। ଆଲିଙ୍ଗନ କରିବା ଦ୍ୱାରା ଆପଣଙ୍କର ରୋଗ ପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ପାଇବ।
