ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ଜୁନ ୧୪ ତାରିଖରେ ଆତ୍ମହତ୍ୟା କରିଥିଲେ । ସୁଶାନ୍ତଙ୍କ ଏ ଅକାଳ ବିୟୋଗରେ ତାଙ୍କ ପରିବାର ତଥା ପ୍ରଶଂସକ ଗଭୀର ଦୁଃଖରେ । ଏ ସମୟରେ କିନ୍ତୁ ଏମିତି ଜଣେ ଅଛି ଯାହାର ସନ୍ତାପରେ ଭରିଯିବ ଯେକେହିର ଆଖି । ସେ ଜଣକ ଆଉକେହି ନୁହେଁ, ସୁଶାନ୍ତ ସିଂଙ୍କ କୁକୁର ଫୁଡ୍ | ସୁଶାନ୍ତଙ୍କ ବିୟୋଗରେ ତାଙ୍କ କୁକୁର ଅତ୍ୟନ୍ତ ଦୁଃଖିତ ଓ ସୋସିଆଲ ମିଡ଼ିଆରେ ତାଙ୍କର ଅନେକ ଫଟୋ ଏବଂ ଭିଡ଼ିଓ ଭାଇରାଲ ହେବାରେ ଲାଗିଛି ଯାହାକୁ ଦେଖି ଦର୍ଶକ ଆଖିରୁ ଦୁଇ ଟୋପା ଲୁହ ନିଗିଡ଼ିବା ସ୍ଵାଭାବିକ ।
ଭିଡ଼ିଓ ଏବଂ ଫଟୋରେ ସୁଶାନ୍ତଙ୍କ କୁକୁର ତାଙ୍କ ମାଷ୍ଟରଙ୍କୁ ଖୋଜୁଥିବା ଦେଖାଯାଉଛି, ଯେତେବେଳେ ସେ ତାଙ୍କୁ ପାଉନି, ନିରାଶ ହୋଇ ଫେରି ଯାଉଛି ଓ ଶୋଇ ପଡୁଛି । ସୁଶାନ୍ତଙ୍କ ସେବକମାନେ ତାଙ୍କୁ ଫୋନରେ ସୁଶାନ୍ତଙ୍କ ଫଟୋ ଦେଖେଇଲେ ସେ ସେ ଫଟୋକୁ ଚାଟୁଛି ଓ ଚାହିଁ ରହୁଛି ।
ବିଗ୍ ବସ୍ ସିଜନ୍ ୧୦ର ବିଜେତା ମନଭେର ଗୁରୁଜାର ମଧ୍ୟ ସୁଶାନ୍ତଙ୍କ କୁକୁରର ଫଟୋ ସୋସିଆଲ ମିଡ଼ିଆରେ ଶେୟାର କରିଛନ୍ତି । ମନଭେର ଲେଖିଛନ୍ତି ଯେ ସୁଶାନ୍ତ ସିଂ ରାଜପୁତ ! ଆଉକେହି ନହେଲେ ନାଇଁ ୟେ ତ ତୁମର ମୂଲ୍ୟ ଆଜି ବି ଜାଣନ୍ତି । ରବିବାର ଦିନ ବାନ୍ଦ୍ରାସ୍ଥିତ ନିଜ ଘରେ ଫାଶୀ ଲଗାଇ ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ ଓ ଆଜି ପାଟନାରେ ସୁଶାନ୍ତଙ୍କ ପରିବାର ତାଙ୍କ ଅସ୍ଥି ବିସର୍ଜନ କଲେ ଗଙ୍ଗାରେ । ତାଙ୍କ ଶ୍ରାଦ୍ଧ ମଧ୍ୟ ସେଠାରେ ହିଁ ହେବ ।
