ସଂସ୍କାର : ରାଜ୍ୟରେ ଦିନକୁ ଦିନ ନିଶା କାରବାର ବୃଦ୍ଧି ପାଇବାରେ ଲାଗିଛି। ଆଉ ଓଡ଼ିଶା ପୋଲିସ୍ ମଧ୍ୟ ଏହି ନିଶାଡୀ ମାନଙ୍କୁ କାବୁ କରିବା ପାଇଁ ବିଭିନ୍ନ ଉଦ୍ୟମ କରି ସଫଳ ବି ହେଉଛି। ରାଜ୍ୟରେ ବହୁମାତ୍ରାରେ ବ୍ରାଉନସୁଗାର କାରବାର ହେଉଥିବା ରାଜ୍ୟ ଗଣମାଧ୍ୟମରେ ଆପଣ ଦେଖୁଥିବେ କିମ୍ବା ପଢୁଥିବେ। କିନ୍ତୁ ବର୍ତ୍ତମାନ ଜଗତସିଂହପୁର ପୋଲିସ ବ୍ରାଉନସୁଗାର କାରବାର କରୁଥିବା ବେପାରୀଙ୍କୁ ଧରିବାରେ ସଫଳ ହୋଇଛି।
ଜଗତସିଂହପୁରରୁ ଜବତ ହେଲା ବ୍ରାଉନସୁଗାର। ଜଗତସିଂହପୁର ଟାଉନ ଥାନା ପକ୍ଷରୁ ହାଟ ବଜାର ନିକଟରେ ବ୍ରାଉନସୁଗାର ଜବତ କରିଛି ଟାଉନ ଥାନା ପୋଲିସ । ଯାହାକି ରାଜ୍ୟ ଗଣମାଧ୍ୟମ ସୂତ୍ରରୁ ଜଣାପଡିଛି। ଏଥିସହିତ ୩ଜଣଙ୍କୁ ବି ପୋଲିସ ଗିରଫ କରିଛି।
ମିଳିଥିବା ସୂଚନା ଅନୁଯାୟୀ, ବିଶେଷ ସୂତ୍ରରୁ ଖବର ପାଇ ବ୍ରାଉନସୁଗାର କାରବାର ଚାଲିଥିବା ସମୟରେ ଏହି ଚଢାଉ କରିଛି ପୋଲିସ୍ । ସେହିଭଳି ଜଗତସିଂହପୁର ଅବକାରୀ ଓ ପାରାଦ୍ଵୀପ ଅବକାରୀ ବିଭାଗ ମିଳିତ ଉଦ୍ୟମରେ ଜଗତିଗଡା ନିକଟରେ ଚଢାଉ କରି ୪ ଲକ୍ଷରୁ ଅଧିକ ଟଙ୍କାର ବ୍ରାଉନ ସୁଗାର ଜବତ କରିବା ସହିତ ଏଥିରେ ସଂପୃକ୍ତ ଥିବା ଅଭିଯୁକ୍ତକୁ ଗିରଫ କରାଯାଇଛି ।
