ସଂସ୍କାର : ମହାପ୍ରଭୁଙ୍କ ଦର୍ଶନ ପାଇଁ ପୁରୀ ଯାଉଥିବାବେଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୮ଜଣ ଗୁରୁତର ଆହତ ହୋଇଛନ୍ତି। ଘଟଣାଟି ଘଟିଛି ବାଉଁଶୁଣି ଥାନା ଅର୍ନ୍ତଗତ ବାଘନଦୀ ପୋଲ ଉପରେ । ଗାଡ଼ିଟି ଯାଉଥିବାବେଳେ ଭାରସାମ୍ୟ ହରାଇ ପୋଲ ଉପରୁ ତଳକୁ ଖସିଯାଇଥିଲା। ଘଟଣାସ୍ଥଳରୁ ୮ ଗୁରୁତରଙ୍କୁ ସ୍ଥାନୀୟ ଲୋକେ ଓ ବାଉଁଶୁଣି ଅଗ୍ନିଶମ ବାହିନୀ ଉଦ୍ଧାର କରି ନିକଟସ୍ଥ ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର୍ରକୁ ପଠାଇଥିବା ଜଣାପଡ଼ିଛି । ଗୁରୁତରମାନେ ବରଗଡ଼ ଅଞ୍ଚଳର ବୋଲି ଜଣାପଡ଼ିଛି ।
ଅନ୍ୟପକ୍ଷରେ ବାଉଁଶୁଣି ପୋଲିସ ଘଟଣାସ୍ଥଳରେ ପହଁଚି କାର ଜବତ କରିବା ସହ ତଦନ୍ତ ଆରମ୍ଭ କରିିଛି । ସୂଚନା ମୁତାବିକ, ବରଗଡ଼ ଅଞ୍ଚଳର ୮ ଜଣ ଯୁବକ ଗୋଟିଏ ଏର୍ଟିଗା କାର ଯୋଗେ ମହାପ୍ରଭୁଙ୍କ ଦର୍ଶନ ପାଇଁ ପୁରୀ ଅଭିମୁଖେ ବାହାରିଥିଲେ । ହେଲେ ଭୋର ସମୟରେ ବାଉଁଶୁଣି ନିକଟସ୍ଥ ବାଘନଦୀ ପୋଲ ଉପରେ ଭାରସାମ୍ୟ ହରାଇ କାରଟି ବାଡ଼ାରେ ପିଟି ହୋଇଥିଲା । ଫଳରେ କାରରେ ଥିବା ୮ ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
