ସଂସ୍କାର : ଆସନ୍ତା ୧୫ ଦିନ ମଧ୍ୟରେ ରାଜ୍ୟ ସରକାର ସେମାନଙ୍କ ଦାବି ପୂରଣ କରିବେ ବୋଲି ନିଶ୍ଚିତ କରିବା ପରେ ଓଡିଶା ସରକାରୀ ଚୁକ୍ତିଭିତ୍ତିକ କର୍ମଚାରୀ ସଂଘ (OGCEA) ର ସଦସ୍ୟମାନେ ସୋମବାର ନିଜର ବିରୋଧ ପ୍ରତ୍ୟାହାର କରିଛନ୍ତି।
ଚୁକ୍ତିଭିତ୍ତିକ ନିଯୁକ୍ତି ନିୟମକୁ ରଦ୍ଦ କରିବାକୁ ଦାବି କରି ଗତ ରବିବାର ଦିନ ପ୍ରବଳ ବର୍ଷା ମଧ୍ୟରେ ଶିକ୍ଷକମାନଙ୍କ ସମେତ ଓଡିଶା ସରକାରୀ ଚୁକ୍ତିଭିତ୍ତିକ କର୍ମଚାରୀ ସଂଘ (OGCEA)ର ହଜାର ହଜାର କାର୍ଯ୍ୟକର୍ତ୍ତା ଷ୍ଟେସନ ଛକ ଏବଂ ଲୋୟର ପିଏମଜିରେ ଏକାଠି ହୋଇଥିଲେ। ଆଉ ସରକାରଙ୍କ ଏହି ଚୁକ୍ତିଭିତ୍ତିକ ନୀତିକୁ ବିରୋଧ କରିଥିଲେ।
ସମସ୍ତ ସରକାରୀ କର୍ମଚାରୀଙ୍କ ପାଇଁ ଏକ ସମାନ ନିୟମ ଲାଗୁ କରିବାକୁ ଦାବି କରିଛି ଓଡିଶା ସରକାରୀ ଚୁକ୍ତିଭିତ୍ତିକ କର୍ମଚାରୀ ସଂଘ। ସମାନ କାମ ପାଇଁ ସେମାନେ ସମାନ ଦରମା ଚାହାଁନ୍ତି କାରଣ ଚୁକ୍ତିଭିତ୍ତିକ କର୍ମଚାରୀମାନେ ସ୍ଥାୟୀ କର୍ମଚାରୀଙ୍କ ପରି ସମାନ କାର୍ଯ୍ୟ ମଧ୍ୟ କରନ୍ତି।
