କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷ ବର୍ଦ୍ଧନ ଗୁରୁବାର କରୋନାକୁ ନେଇ କରିଛନ୍ତି ବଡ଼ ଖୁଲାସା । କହିଲେ ଆସନ୍ତା ବର୍ଷ ଆରମ୍ଭ ସୁଦ୍ଧା ଦେଶରେ କରୋନା ଭାଇରସ ଟିକା ଉପଲବ୍ଧ ହେବ । ଏହି ମନ୍ତବ୍ୟ ଏପରି ଏକ ସମୟରେ ଆସିଛି ଯେତେବେଳେ କି ଭାରତ ୫୦ ଲକ୍ଷରୁ ଅଧିକ ମାମଲା ରେକର୍ଡ କରୁଛି ଏବଂ ଲୋକମାନେ ଚାତକ ପରି କରୋନା ଟିକାକୁ ଅପେକ୍ଷା କରିଛନ୍ତି ।
ରାଜ୍ୟସଭାରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ନିଜେ ଘୋଷଣା କରିଛନ୍ତି ଯେ ଅନ୍ୟ ଦେଶମାନଙ୍କ ପରି ଆମ ଦେଶ ଭାରତ ମଧ୍ୟ କରୋନା ଟିକା ପ୍ରସ୍ତୁତି ପାଇଁ ଉଦ୍ୟମ କରୁଛି । ୩ ଟା ଟିକା ବିଭିନ୍ନ ପର୍ଯ୍ୟାୟରେ ଅଛନ୍ତି । ପ୍ରଧାନମନ୍ତ୍ରୀଙ୍କ ମାର୍ଗଦର୍ଶନରେ ଏକ ବିଶେଷଜ୍ଞ ଗୋଷ୍ଠୀ ଏହାକୁ ଦେଖୁଛନ୍ତି ଏବଂ ସେଠାରେ ଉନ୍ନତ ଯୋଜନାମାନ ମଧ୍ୟ ରହିଛି । ଆମେ ଆଶା କରୁଛୁ ଯେ ଆସନ୍ତା ବର୍ଷ ଆରମ୍ଭ ସୁଦ୍ଧା ଭାରତରେ ଏକ ଟିକା ଉପଲବ୍ଧ ହେବ ।
ସୂଚନା ଅନୁଯାୟୀ ଜାଇଡସ୍ କ୍ୟାଡିଲା ଏବଂ ଭାରତ ବାୟୋଟେକ୍ ଦ୍ଵାରା ଦୁଇଟି ସ୍ୱଦେଶୀ ଟିକା ପ୍ରଥମ ପର୍ଯ୍ୟାୟ ସମାପ୍ତ କରିସାରିଛି । ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (SII) ଭାରତର ଡ୍ରଗ୍ କଣ୍ଟ୍ରୋଲର୍ ଜେନେରାଲଙ୍କ ଠାରୁ କ୍ଲିୟରାନ୍ସ ପାଇବା ପରେ ପୁଣିଥରେ ପରୀକ୍ଷା ଆରମ୍ଭ କରିଦେଇଛି । ଅକ୍ସଫୋର୍ଡ ୟୁନିଭରସିଟିର ଜେନେର୍ ଇନଷ୍ଟିଚ୍ୟୁଟ୍ ଏବଂ ଆଷ୍ଟ୍ରାଜେନେକା ଦ୍ୱାରା ମିଳିତ ଭାବରେ ବିକଶିତ ହୋଇଥିବା କୋଭିଶିଲ୍ଡ ନାମକ ଟିକା ଉତ୍ପାଦନରେ ଭାରତ ଭାଗୀଦାରୀ ଅଛି । ଏହାବ୍ୟତୀତ ପୁଣେ ଭିତ୍ତିକ ସଂସ୍ଥା, SII, ସମଗ୍ର ଭାରତରେ ୧୭ ଟି ଟ୍ରାଏଲ୍ ସାଇଟରେ ପରୀକ୍ଷଣର ଯତ୍ନ ନିଆଯାଉଛି ।
ଏହାସହିତ ରୁଷିଆ ଡାଇରେକ୍ଟ ଇନଭେଷ୍ଟମେଣ୍ଟ ଫଣ୍ଡ (RDIF) ଏବଂ ଭାରତରୁ ମୁଖ୍ୟାଳୟ ଥିବା ଏକ ବିଶ୍ୱ ଔଷଧ କମ୍ପାନୀ ଡକ୍ଟର ରେଡ୍ଡୀ ଲାବୋରେଟୋରୀ ଲିମିଟେଡ୍, ଭାରତରେ କ୍ଲିନିକାଲ୍ ପରୀକ୍ଷା ଏବଂ ବିତରଣରେ ସହଯୋଗ କରିବାକୁ ରାଜି ହୋଇଛନ୍ତି । ସୂଚନାଥାଉ ଯେ ସ୍ପୁଟ୍ନିକ୍ ଭି, ଆଡେନୋଭାଇରସ୍ ଭେକ୍ଟର-ଆଧାରିତ ଟିକା, ଗାମାଲିଆ ସାଇଣ୍ଟିଫିକ୍ ରିସର୍ଚ୍ଚ ଇନଷ୍ଟିଚ୍ୟୁଟ୍ ଅଫ୍ ଏପିଡେମୋଲୋଜି ଏବଂ ମାଇକ୍ରୋବିଓଲୋଜି ଦ୍ଵାରା ରୁଷର ପ୍ରତ୍ୟକ୍ଷ ବିନିଯୋଗ ପାଣ୍ଠି ସହିତ ଅଗଷ୍ଟ ୧୧ ତାରିଖରେ ପଞ୍ଜୀକୃତ ହୋଇଥିଲା ।
ତେବେ ଭାରତରେ ନିୟାମକ ଅନୁମୋଦନ ଅନୁସାରେ ଡକ୍ଟର ରେଡ୍ଡୀଙ୍କୁ RDIF ୧୦୦ ମିଲିୟନ୍ ଡୋଜ କରୋନା ଟିକା ଯୋଗାଇବ । ଏକ ବିବୃତ୍ତିରେ କୁହାଯାଇଛି ଯେ ପ୍ରମାଣିତ ନିରାପତ୍ତା ସହିତ ମାନବ ଆଡେନୋଭାଇରାଲ୍ ଭେକ୍ଟର ପ୍ଲାଟଫର୍ମ ଉପରେ ଆଧାରିତ ସ୍ପୁଟ୍ନିକ୍ ଭି ଟିକା କରୋନାଭାଇରସ୍ ମହାମାରୀ ପାଇଁ କ୍ଲିନିକାଲ୍ ପରୀକ୍ଷା ଦେଉଛି ।
