ଏକ ସୁସ୍ଥ ବୟସ୍କ ବ୍ୟକ୍ତି 24 ଘଣ୍ଟା ମଧ୍ୟରେ ଅତି କମରେ 500 ମିଲିଲିଟର (mL) ପରିସ୍ରା ପାସ କରେ । ଯଦି ଆପଣ ସାଧାରଣ ଅପେକ୍ଷା ପ୍ରତିଦିନ କମ୍ ପରିମାଣର ପରିସ୍ରା ପାସ କରୁଛନ୍ତି, ତେବେ ଏହି ଅବସ୍ଥାକୁ ପରିସ୍ରା ହ୍ରାସ କୁହାଯାଏ । ଶରୀର ପାଇଁ ସମସ୍ତ କାର୍ଯ୍ୟ ସଠିକ୍ ଭାବରେ କରିବା ପାଇଁ ପରିସ୍ରା ଆବଶ୍ୟକ, କାରଣ ଏହାର ସାହାଯ୍ୟରେ ଶରୀରର ବିଷାକ୍ତ ପଦାର୍ଥ ଏବଂ ଅନ୍ୟାନ୍ୟ ବର୍ଜ୍ୟବସ୍ତୁ ଶରୀରରୁ ବାହାରିଯାଏ । ଯଦି ଏହି ସମସ୍ତ ପଦାର୍ଥ ଶରୀରରୁ ବାହାରକୁ ବାହାରିବାରେ ସକ୍ଷମ ନୁହେ, ତେବେ ଶରୀରରେ ଅନେକ ଗମ୍ଭୀର ଜଟିଳତା ସୃଷ୍ଟି ହୁଏ ।
ପରିସ୍ରା ହ୍ରାସ ହେବାର ଅବସ୍ଥାକୁ ଅଲିଗୁରିଆ (Oliguria) ମଧ୍ୟ କୁହାଯାଏ । ଏହା ଏପରି ଏକ ଅବସ୍ଥା ଯେଉଁଥିରେ ଘଣ୍ଟା ମଧ୍ୟରେ 400 ମିଲିଲିଟରରୁ କମ୍ ପରିସ୍ରା ବାହାରିଥାଏ । ସାଧାରଣ ପରିମାଣର ପରିସ୍ରା କମ୍ ଡିହାଇଡ୍ରେସନ୍, କିଡନୀ ଫେଲ୍, ହାଇପୋଭୋଲେମିକ୍ ଶକ୍, ଉରିନେରୀ ରିଟ୍ରେସନ ଏବଂ ମୂତ୍ରନଳୀ ସଂକ୍ରମଣ ପରି ଅନେକ ସମସ୍ୟାକୁ ସୂଚିତ କରିପାରିବ ।
ପରିସ୍ରା ହ୍ରାସ ହେବାର ଲକ୍ଷଣଗୁଡ଼ିକ କ’ଣ?
- ଦିନକୁ 400 ମିଲିରୁ କମ୍ ପରିସ୍ରା କରିବା ।
- ବିରକ୍ତ ଅନୁଭବ କରିବା, ପାଟି ଶୁଖିଯିବା, ଅତ୍ୟଧିକ ଶୋଷିଲା ଅନୁଭବ କରିବା ।
- ମାଂସପେଶୀ ଦୁର୍ବଳତା, ନିମ୍ନ ରକ୍ତଚାପ, ହୃଦସ୍ପନ୍ଦନ ବୃଦ୍ଧି, ମୁଣ୍ଡବିନ୍ଧା, ବାନ୍ତି, ହାଡ଼ରେ ଯନ୍ତ୍ରଣା, ଚର୍ମର ରଙ୍ଗ ହଳଦିଆ ଦେଖାଦେବା, ହଳଦିଆ ପରିସ୍ରା ହେବା ।
- ଆଖିରୁ କମ୍ ଲୁହ ବାହାରିବା, ଭୋକ କମ୍ ଲାଗିବା, ପାଟି ଦୁର୍ଗନ୍ଧ ହେବା, ଶ୍ରବଣ ଶକ୍ତି କମିଯିବା ।
କମ୍ ପରିସ୍ରା ପାଇଁ ଘରୋଇ ଉପଚାର?
- ଯଦିଓ ପରିସ୍ରା ହ୍ରାସ ହେବା ଏକ ଗୁରୁତର ସମସ୍ୟା ନୁହେଁ, କିନ୍ତୁ କେତେକ ଘରୋଇ ଉପଚାର ଅଛି, ଯାହା ସାହାଯ୍ୟରେ ପରିସ୍ରା ପରିମାଣ ବୃଦ୍ଧି କରାଯାଇପାରିବ।
- ପରିସ୍ରା ପରିମାଣ ବଢାଇବା ପାଇଁ ପର୍ଯ୍ୟାପ୍ତ ପରିମାଣର ପାଣି ପିଇବା ହେଉଛି ସହଜ ଉପାୟ ।
- ଲୁଣ ଖାଇବା ହ୍ରାସ କରନ୍ତୁ, ଯେହେତୁ ଲୁଣ ଜଳ ଜମା କରିଦେଇଥାଏ ।
- ପୋଟାସିୟମ ଗ୍ରହଣକୁ ହ୍ରାସ କରନ୍ତୁ । କେତେକ ଖାଦ୍ୟ ଯେପରିକି କଦଳୀ, କମଳା, ଆଳୁ, ପାଳଙ୍ଗ ଶାଗ ଏବଂ ଟମାଟୋରେ ଅଧିକ ପରିମାଣର ପୋଟାସିୟମ୍ ଥାଏ । କେତେକ ଖାଦ୍ୟ ଯେପରିକି ସେଓ, ଫୁଲକୋବି, ଅଙ୍ଗୁର ଏବଂ ଷ୍ଟ୍ରବେରିରେ ଅଳ୍ପ ପରିମାଣରେ ପୋଟାସିୟମ୍ ଥାଏ ।
- କମ୍ ପରିମାଣରେ ପ୍ରୋଟିନ୍ ଖାଆନ୍ତୁ, କାରଣ ଅଧିକ ପ୍ରୋଟିନ୍ ଖାଇବା ଦ୍ୱାରା କିଡନୀ ନଷ୍ଟ ହୋଇପାରେ ।
- ଯେଉଁମାନଙ୍କର ମଧୁମେହ, ଉଚ୍ଚ ରକ୍ତଚାପ କିମ୍ବା କରୋନାରୀ ଧମନୀ ରୋଗ ଅଛି, ସେମାନଙ୍କ ରୋଗକୁ ନିୟନ୍ତ୍ରଣ କରିବା ପାଇଁ lifestyle ରେ ପରିବର୍ତ୍ତନ, ଉପଯୁକ୍ତ ଖାଦ୍ୟ ଏବଂ ଔଷଧ ଇତ୍ୟାଦି ଗ୍ରହଣ କରିବା ଉଚିତ୍ ।
- ରକ୍ତଚାପକୁ ସାଧାରଣ ସ୍ତରରେ ରଖିବା ଉଚିତ୍ ।
- ସିଗାରେଟ୍ ଏବଂ ମଦ୍ୟପାନ କରିବା ଉଚିତ୍ ନୁହେଁ ।
- ଶରୀରର ସଠିକ୍ ଓଜନ ବଜାୟ ରଖିବା ଜରୁରୀ ।
