ସଂସ୍କାର : ଦିଲ୍ଲୀର ସାକେତ ମେଟ୍ରା ଷ୍ଟେସନ ନିକଟସ୍ଥ ପାର୍କିଂକୁ ନେଇ ହୋଇଥିବା ବିବାଦରେ କିଛି ଲୋକ ପଥର ମାଡ଼ କରି ଜଣେ ବ୍ୟକ୍ତିଙ୍କୁ ହତ୍ୟା କରିଥିବା ଜଣାପଡ଼ିଛି। ପୋଲିସ ଏହି ମାମଲାରେ ଜଣେ ବ୍ୟକ୍ତିକୁ ଗିରଫ କରିଛି। ମୃତକ ଜଣକ ରୋହିତ ସିଂ ବୋଲି ଜଣାପଡ଼ିଛି ।
ଗତକାଲି ରାତିରେ ପିସିଆରକୁ ଜଣେ ବ୍ୟକ୍ତି ଆହତ ହୋଇଥିବା ନେଇ ଫୋନ ଆସିଥିଲା । ପୋଲିସ ଖବର ଘଟଣାସ୍ଥଳରେ ପହଁଚିବା ବେଳକୁ ଆହତକୁ ଡାକ୍ତରଖାନାରେ ଭର୍ତ୍ତି କରାଯାଇସାରିଥିଲା। ପରେ ତାର ମୃତ୍ୟୁ ହୋଇଥିବା ଜଣାପଡ଼ିଥିଲା ।
ଡିସିପି ଜୟକରଙ୍କ ସୂଚନାନୁଯାୟୀ ରୋହିତ ନିଜର ୩ ଜଣ ସାଙ୍ଗ ରାହୁଲ ଯାଦବ, ଆଶୁ ଯାଦବ ଓ ଅମିତ ଜୈନଙ୍କ ସହିତ କାରରେ ବସିଥିଲା । । ମେଟ୍ରୋ ଷ୍ଟେସନ ନିକଟରେ କାର ରଖିବା ପାଇଁ ଚାହୁଥିଲେ। ଯେଉଁସ୍ଥାନରେ ସେ କାର ପାର୍କିଂ କରିବାକୁ ଚାହୂଁଥିଲା ସେଠାରେ ପୂର୍ବରୁ ୫-୬ଜଣ ଯୁବକ ଛିଡ଼ା ହୋଇଥିଲେ ।
ପାର୍କିଂକୁ ନେଇ ଉଭୟ ପକ୍ଷମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା । ପରେ ଏହା ମାରପିଟ ପରିଣତ ହୋଇଥିଲା। ଏହି ସମୟରେ ମେଟ୍ରୋ ଷ୍ଟେସନ ନିକଟରେ ଛିଡ଼ା ହୋଇଥିବା ଲୋକମାନେ ରୋହିତଙ୍କ ଉପରକୁ ଇଟା ଓ ପଥରରେ ଆକ୍ରମଣ କରିଥିଲେ ।
