Cyclone Yaas : ବାତ୍ୟା ୟାସ ନେଇ ପାଣିପାଗ ବିଶେଷଜ୍ଞ ଉମାଶଙ୍କର ଦାସ କହିଛନ୍ତି ଯେ, ଆଜି ଲଘୁଚାପ ଘନିଭୂତ ହୋଇ ୱେଲ୍ ମାର୍କ ଲୋପ୍ରେସରରେ ପରିଣତ ହେଲା। ଏହା ଆଗାମୀ 12 ଘଣ୍ଟା ପରେ ଅବପାତ ର ରୂପ ନେବ। ଏବଂ 24 ତାରିଖରେ ଉତ୍ତର ଓ ଉତ୍ତର ପଶ୍ଚିମ ଦିଗରେ ଗତି କରି ବାତ୍ୟାର ରୂପ ନେବ। 26 ତାରିଖରେ ପଶ୍ଚିମବଙ୍ଗ, ଉତ୍ତର ଓଡ଼ିଶା ଏବଂ ବାଂଲାଦେଶ ଉପକୂଳ ପହଞ୍ଚିବ। ସେହି ସଂଧ୍ୟାରେ ବାତ୍ୟା ଉତ୍ତର ଓଡ଼ିଶା ଉପକୂଳ ଅତିକ୍ରମ କରିବ ବୋଲି ଆକଳନ କରାଯାଇଛି। ଘୂର୍ଣ୍ଣିବଳୟର ବେଗ ଘଣ୍ଟା ପ୍ରତି 155-165 କିଲୋମିଟର ହୋଇପାରେ ।
ବଙ୍ଗଳା ଓ ଓଡିଶାରେ ପ୍ରବଳ ବର୍ଷା ହେବାର ଭୟ
ସାଇକ୍ଲୋନ୍ ୟାସ୍ ସମୟରେ, ପବନର ବେଗ 24 ମଇରେ ଘଣ୍ଟା ପ୍ରତି 40-50 କିଲୋମିଟର ରହିପାରେ। ଏଥି ସହିତ, ମେ 25 ରେ ପବନର ବେଗ ଘଣ୍ଟା ପ୍ରତି 50-60 କିଲୋମିଟର ହେବ ବୋଲି ଆଶା କରାଯାଉଛି । 26 ମଇ ସକାଳେ, ୟାସ୍ ଝଡର ବେଗ ଘଣ୍ଟା ପ୍ରତି 60-70 କିଲୋମିଟର ହୋଇପାରେ, 26 ମଇ ଅପରାହ୍ନରେ ଘୂର୍ଣ୍ଣିବଳୟର ବେଗ ଘଣ୍ଟା ପ୍ରତି 90-110 କିଲୋମିଟରକୁ ବୃଦ୍ଧି ପାଇପାରେ । ମେ 26 ତାରିଖ ସନ୍ଧ୍ୟା ସୁଦ୍ଧା ଘୂର୍ଣ୍ଣିବଳୟର ବେଗ ଘଣ୍ଟା ପ୍ରତି 155-165 କିଲୋମିଟର ପର୍ଯ୍ୟନ୍ତ ଯାଇପାରେ ।
24 ରୁ 29 ମେ ମଧ୍ୟରେ 25 ଟି ଟ୍ରେନକୁ ବାତିଲ
ଏହାର ପ୍ରଭାବରେ ଉତ୍ତର ଓଡ଼ିଶାର ଉପକୂଳବର୍ତ୍ତୀ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ। ଭଦ୍ରକ, ବାଲେଶ୍ବର ଓ ମୟୂରଭଞ୍ଜ ଅଧିକ ପ୍ରଭାବିତ ହେବା ସମ୍ଭାବାନା ରହିଛି। ବାଲେଶ୍ବର, ଭଦ୍ରକ, ମୟୂରଭଞ୍ଜ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, ଖୋର୍ଦ୍ଧା, କଟକ, ପୁରୀରେ ପ୍ରବଳ ବର୍ଷା ହେବା ଅନୁମାନ କରାଯାଇଛି। ଏହାକୁ ଦୃଷ୍ଟିର ରଖି ଭାରତୀୟ ରେଳବାଇ ମେ 24 ରୁ 29 ମେ ମଧ୍ୟରେ 25 ଟି ଟ୍ରେନକୁ ବାତିଲ ମଧ୍ୟ କରିଦେଇଛି।
ଏହି ଝଡ ର ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ବଡ଼ ବୈଠକ କରିଥିଲେ। ଏହି ବୈଠକ ରେ ପ୍ରଧାନମନ୍ତ୍ରୀ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣର ଅଧିକାରୀଙ୍କ ସହ ପ୍ରସ୍ତୁତି ସମ୍ପର୍କରେ ଆଲୋଚନା କରିଛନ୍ତି।
ୟାସ୍ ଝଡ ସହିତ ଜଡିତ 15 ଟି ପ୍ରମୁଖ ଅପଡେଟ୍ ।
- ୟାସ୍ ପଶ୍ଚିମବଙ୍ଗ ଉପକୂଳରେ ରେ ପହଞ୍ଚିବ ।
- 26 ମଇରେ ଓଡିଶା ଏବଂ ପଶ୍ଚିମବଙ୍ଗ ଉପକୂଳ ଅତିକ୍ରମ କରିବ ।
- ରବିବାର ପ୍ରଧାନମନ୍ତ୍ରୀଙ୍କ ଉଚ୍ଚ ସ୍ତରୀୟ ସମୀକ୍ଷା ବୈଠକ।
- ରବିବାର ଦିନ ବାୟୁସେନା 21 ଟନ୍ ରିଲିଫ୍ ସାମଗ୍ରୀ ବିତରଣ କରିଛନ୍ତି ।
- ବାୟୁସେନା ମଧ୍ୟ NDRF ର 334 କର୍ମଚାରୀଙ୍କୁ ମଧ୍ୟ ପହଞ୍ଚାଇ ଛନ୍ତି।
- କୋଲକାତା, ପୋର୍ଟ ବ୍ଲେୟାରକୁ ରିଲିଫ୍ ସାମଗ୍ରୀ, ସହିତ ଯବାନମାନଙ୍କୁ ମଧ୍ୟ ପଠାଯାଇଛି ।
- ଓଡିଶାର 14 ଟି ଜିଲ୍ଲାରେ ହାଇ ଆଲର୍ଟ ଜାରି କରାଯାଇଛି ।
- ଓଡିଶାରେ ନିୟୋଜିତ NDRF ର 22 ଟି ଟିମ୍।
- ଝଡ ଯୋଗୁଁ ଭାରତୀୟ ରେଳ 25 ଟି ଟ୍ରେନକୁ ବାତିଲ କରିଦେଇଛି।
- ଘୂର୍ଣ୍ଣିବଳୟର ବେଗ ଘଣ୍ଟା ପ୍ରତି 155-165 କିଲୋମିଟର ହେବ ବୋଲି ଆଶା କରାଯାଉଛି।
- ବେଗ ମଧ୍ୟ ଘଣ୍ଟା ପ୍ରତି 185 କିଲୋମିଟର ପର୍ଯ୍ୟନ୍ତ ମଧ୍ୟ ହୋଇପାରେ ।
- ଉଦ୍ଧାର କାର୍ଯ୍ୟ ପାଇଁ 4 ଟି ନୌସେନା ଜାହାଜ ମଧ୍ୟ ପ୍ରସ୍ତୁତ କରାଯାଇଛି।
- ବିଶାଖାପାଟନମରେ INS Daga ଏବଂ INS Razali ମଧ୍ୟ ପ୍ରସ୍ତୁତ।
- 11 ବାୟୁସେନା ପରିବହନ ବିମାନ ଏବଂ 25 ଟି ହେଲିକପ୍ଟର ପ୍ରସ୍ତୁତ।
- ଏହାର ପ୍ରଭାବ ବିହାର ଏବଂଝାଡଖଣ୍ଡରେ ମଧ୍ୟ ଦେଖିବାକୁ ମିଳିପାରେ ।
