ପୁରୀ ଜଗନ୍ନାଥ ମନ୍ଦିରରେ ମିଳୁଥିବା ମହାପ୍ରସାଦ ସମସ୍ତ ମନ୍ଦିରରେ ମିଳୁଥିବା ପ୍ରସାଦ ଠାରୁ ଭିନ୍ନ ଏବଂ ଚମତ୍କାରୀ। ଏହି ମହାପ୍ରସାଦ ର ଗୋଟିଏ ବି ଦାନା ମିଳିଗଲେ, କୋଟି ପୁଣ୍ୟ ମିଳିଥାଏ। ମହାପ୍ରସାଦ ପାଇବା ପାଇଁ ଦେଶ ବିଦେଶରୁ ଭକ୍ତ ପ୍ରଭୁଙ୍କ ଦର୍ଶନ ପାଇଁ ଆସିଥାନ୍ତି।
ମହାପ୍ରସାଦ କୁ ପାଇବାର ସମସ୍ତଙ୍କର ଆଶା ଥାଏ। ହେଲେ ପାଖରେ ଧନ ନଥିଲେ କେତେକ ଭକ୍ତ ମହାପ୍ରସାଦ କିଣି ପାରନ୍ତି ନାହିଁ। ସେମାନଙ୍କ ମନ ଫିକା ପଡ଼ିଯାଏ। କିଛି ପଶ୍ଚିମା ଯାତ୍ରୀ ଶ୍ରୀକ୍ଷେତ୍ରକୁ ଆସି ଏମିତି କିଛି ଅସୁବିଧାର ସମ୍ମୁଖୀନ ହୋଇଛନ୍ତି। ଆଉ ତାଙ୍କ ନିବେଦନ ଶ୍ରୀଜଗନ୍ନାଥ ଙ୍କ ମହାପ୍ରସାଦ ପ୍ରଶାସନିକ ସ୍ତରରୁ ଯଦି ମାଗଣାରେ ମିଳନ୍ତା ତେବେ ଅନେକ ଲୋକ ଖୁସି ହୁଅନ୍ତେ।
