ସଂସ୍କାର : କେରଳର କୋଚିରେ ଏକ ମଡେଲଙ୍କୁ ଗ୍ୟାଙ୍ଗ ରେପ୍ ହୋଇଥିବା ଖବର ବର୍ତ୍ତମାନ ଦେଶରେ ଚର୍ଚ୍ଚାର ବିଷୟ ପାଲଟିଛି। ଏହି ଖବର ଏତେ ମାତ୍ରାରେ ସମ୍ବେଦନଶୀଳ ଯେ ଏହା ହଠାତ୍ ସମସ୍ତଙ୍କର ନଜରକୁ ଆସିଗଲା। ତେବେ ୨୭ ବର୍ଷୀୟ ବୃତ୍ତିଗତ ମଡେଲ ନିଜେ ପୋଲିସ ଷ୍ଟେସନକୁ ଆସି ଅଭିଯୋଗ କରିଛନ୍ତି ଯେ, ତାଙ୍କୁ ବଳାତ୍କାର କରାଯାଇଛି। ମଡେଲଙ୍କ ଅଭିଯୋଗ ଅନୁଯାୟୀ, କାକନାଡର ଏଡାଚିରାସ୍ଥିତ ଏକ ହୋଟେଲରେ ତାଙ୍କୁ ତିନିଜଣ ପୁରୁଷ ଗଣଦୁଷ୍କର୍ମ କରିଛନ୍ତି।
ଏହି ମଡେଲଟି ତାଙ୍କ ଏଫଆଇଆରରେ ଲେଖିଥିଲେ ଯେ ଅଭିଯୁକ୍ତ ତାଙ୍କ ପିଇବା ପାଣିରେ କିଛି ମିଶ୍ରଣ କରିଥିଲେ ଏବଂ ପରେ କୋଠରୀକୁ ନେଇ ତାଲା ପକାଇ ତାଙ୍କୁ ବଳାତ୍କାର କରିଥିଲେ। ଏହି ସମୟ ମଧ୍ୟରେ ଅଭିଯୁକ୍ତ ତାଙ୍କର ଅନେକ ଭିଡିଓ ପ୍ରସ୍ତୁତ କରିଥିଲେ ଏବଂ ଧମକ ଦେଇଥିଲେ ଯେ, ଯଦି ସେ ପୋଲିସ୍ ନିକଟରେ ଅଭିଯୋଗ କରନ୍ତି ତେବେ ଏହି ଭିଡ଼ିଓକୁ ସୋସିଆଲ୍ ମିଡ଼ିଆରେ ସେୟାର କରିଦେବେ।
ସୂଚନାଯୋଗ୍ୟ ଯେ, ଗ୍ୟାଙ୍ଗ ରେପର ଶିକାର ହୋଇଥିବା ମଡେଲ୍ ହେଉଛନ୍ତି କେରଳର ମାଲାପୁରାମର ବାସିନ୍ଦା। ନ୍ୟୁ ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ରିପୋର୍ଟ ଅନୁଯାୟୀ, ସେ ଅଭିଯୁକ୍ତଙ୍କ ନିର୍ଦ୍ଦେଶରେ କୋଚିରେ ପହଞ୍ଚିଥିଲେ। ତେବେ ସ୍ଥାନୀୟ ପୋଲିସ କହିଛି ଯେ ତିନିଜଣ ଅଭିଯୁକ୍ତ ମଡେଲଙ୍କୁ ଜାଣିଥିଲେ। ଆଉ ଏହି ମଡେଲଙ୍କୁ ଡିସେମ୍ବର ୨ ତାରିଖ ରାତିରେ ବଳାତ୍କାର କରାଯାଇଛି। ତେବେ ସାଲିନ ନାମକ ଅଭିଯୁକ୍ତଙ୍କ ଉଦ୍ୟମରେ ତାଙ୍କୁ ଏହି ହୋଟେଲକୁ ଡକାଯାଇଥିଲା। ଆଉ ଏହି ହୋଟେଲରେ ମଡେଲ୍ ଜଣଙ୍କୁ ବଳାତ୍କାର କରାଯାଇଛି।
