IPL 2021 : ଆଇପିଏଲ 2021 ର 24 ତମ ମ୍ୟାଚରେ ପାଞ୍ଚ ଥର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ (MI) ରାଜସ୍ଥାନ ରୟାଲ୍ସ (RR) କୁ 7 ୱିକେଟରେ ପରାସ୍ତ କରିଛି । ଏହି ମ୍ୟାଚରେ ରାଜସ୍ଥାନ ପ୍ରଥମେ ବ୍ୟାଟିଂ କରି 4 ୱିକେଟ୍ ହରାଇ 171 ରନ୍ ସଂଗ୍ରହ କରିଥିଲା। ଏହା ସହ ସେ କ୍ରମାଗତ ତୃତୀୟ ମ୍ୟାଚର ପ୍ରଥମ ଇନିଂସରେ ଏଭଳି ସମାନ ସ୍କୋର କରିଥିଲେ। ତେବେ ଆସନ୍ତୁ ଜାଣିବା ସେହି ଅଜବ ସଂଯୋଗ ବିଷୟରେ, ଯାହା ଏହି ମ୍ୟାଚ ପରେ ସୃଷ୍ଠି ହୋଇଥିଲା।
IPL ଇତିହାସରେ ପ୍ରଥମ ଥର ପାଇଁ ହୋଇଛି ଏଭଳି ଅଜବ ସଂଯୋଗ। (DC vs RCB)
ଆଇପିଏଲର ଏହି ସିଜିନର ତିନୋଟି ମ୍ୟାଚ୍ ରେ ଏକ ଅଦ୍ଭୁତ ସଂଯୋଗ ଦେଖିବାକୁ ମିଳିଛି। ବାସ୍ତବରେ, ଆଇପିଏଲ୍ ର ଶେଷ ତିନୋଟି ମ୍ୟାଚ୍ ର ପ୍ରଥମ ଇନିଂସରେ ଦଳ 171 ରନ୍ ହିଁ ସଂଗ୍ରହ କରିଛନ୍ତି । ଆପଣ ଜାଣିଥିବେ ଯେ ମଙ୍ଗଳବାର ଦିନ ଦିଲ୍ଲୀ ବିପକ୍ଷରେ ବେଙ୍ଗଲୋର ବ୍ୟାଟିଂ କରୁଥିବା ବେଳେ ବେଙ୍ଗଲୋର (ଆରସିବି) 171 ରନ୍ ସ୍କୋର କରିଥିଲା। ଏହାର ଜବାବରେ ଦିଲ୍ଲୀର ଇନିଂସ 170 ରନ୍ ସଂଗ୍ରହ କରିଥିଲା ଏବଂ ମ୍ୟାଚ ଏକ ରନ୍ ରେ ହାରିଯାଇଥିଲା।
ଚେନ୍ନାଇ ଏବଂ ସନରାଇଜର୍ସ ହାଇଦ୍ରାବାଦ (CSK vs SRH) ମଧ୍ୟରେ ଏଭଳି ଦ୍ୱିତୀୟ ଅଜବ ସଂଯୋଗ
ସେହିଭଳି ବୁଧବାର ଚେନ୍ନାଇ (CSK) ଏବଂ ସନରାଇଜର୍ସ ହାଇଦ୍ରାବାଦ (SRH) ମଧ୍ୟରେ ଖେଳାଯାଇଥିବା ଏହି ମ୍ୟାଚରେ ମଧ୍ୟ ସମାନ ଘଟଣା ଦେଖିବାକୁ ମିଳିଥିଲା। ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ହାଇଦ୍ରାବାଦ 3 ୱିକେଟ୍ ହରାଇବା ପରେ 171 ରନ୍ ହିଁ ସଂଗ୍ରହ କରିଥିଲା। ଏହାର ଜବାବରେ CSK ଆରାମରେ 3 ୱିକେଟ୍ ହରାଇ 172 ରନ୍ ସଂଗ୍ରହ କରି ମ୍ୟାଚ ଜିତି ନେଇଥିଲା ।
ମୁମ୍ବାଇ ଏବଂ ରାଜସ୍ଥାନ (MI vs RR) ମଧ୍ୟରେ ଏଭଳି ତୃତୀୟ ଅଜବ ସଂଯୋଗ
କେବଳ ଏତିକି ନୁହେଁ, ମୁମ୍ବାଇ ଏବଂ ରାଜସ୍ଥାନ (MI vs RR) ମଧ୍ୟରେ ଖେଳାଯାଇଥିବା ମ୍ୟାଚରେ ମଧ୍ୟ ରାଜସ୍ଥାନ ପ୍ରଥମେ ବ୍ୟାଟିଂ କରୁଥିବାବେଳେ 4 ୱିକେଟ୍ ହରାଇ 171 ରନ୍ ସ୍କୋର କରିଥିଲା। ମୁମ୍ବାଇ ମଧ୍ୟ 3 ୱିକେଟ୍ ହରାଇ ଆରାମରେ ଏହି ଲକ୍ଷ୍ୟ ହାସଲ କରି ନେଇଥିଲା। ଏହି ସମକକ୍ଷତା ବା ଅଜବ ସଂଯୋଗ ଆଇପିଏଲ ଇତିହାସରେ ପ୍ରଥମ ଥର ପାଇଁ ଏବଂ କୌଣସି ପ୍ରମୁଖ ଟୁର୍ନାମେଣ୍ଟରେ ମଧ୍ୟ ପ୍ରଥମ ଥର ପାଇଁ ଦେଖିବାକୁ ମିଳିଛି, ଯେଉଁଠାରେ କ୍ରମାଗତ ତିନିଟି ମ୍ୟାଚରେ ସମାନ ସ୍କୋର କରାଯାଇଛି ।
