ଲକଡାଉନ ଏବଂ କରୋନା ମହାମାରୀ ମଧ୍ୟରେ ବିମୁଦ୍ରୀକରଣ ହେବାର ଆଶଙ୍କା ରହିଛି । ଅନେକ ଲୋକ ଏହି ସଙ୍କଟ ଘଡ଼ିରେ ଋଣର EMI ଦେବାରେ ଅସୁବିଧାର ସମ୍ମୁଖୀନ ହେଉଛନ୍ତି । କିନ୍ତୁ ବର୍ତ୍ତମାନ ଆଉ ଚିନ୍ତା କରିବାକୁ ପଡ଼ିବ ନାହିଁ । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନେଇ ଆସିଛି ଏକ ନୂଆ ଯୋଜନା ଯାହାର ନାମ ଋଣ ପୁନର୍ଗଠନ ଯୋଜନା । ଏହାସହିତ ଆପଣ ଋଣର EMI ଉପରେ ୨ ବର୍ଷ ପର୍ଯ୍ୟନ୍ତ ରିହାତି ପାଇପାରିବେ । ଏହି ଋଣ ପୁନର୍ଗଠନ ଯୋଜନା ବିଷୟରେ ଆସନ୍ତୁ ଜାଣିବା …
ଋଣ ପୁନର୍ଗଠନ ଯୋଜନା କ’ଣ :
ଋଣ ପୁନର୍ଗଠନ ଯୋଜନା ଅଧୀନରେ ବ୍ୟାଙ୍କଗୁଡ଼ିକ ଗ୍ରାହକଙ୍କ ଋଣ ପରିଶୋଧ କାର୍ଯ୍ୟସୂଚୀ ପରିବର୍ତ୍ତନ କରିପାରିବେ । ଏହି ଯୋଜନା ଅନୁଯାୟୀ ବର୍ତ୍ତମାନ ଅବସ୍ଥାରେ EMI ହ୍ରାସ କରିବାକୁ ଗ୍ରାହକଙ୍କୁ ଋଣ ଅବଧି ବୃଦ୍ଧି କରିବାର ସୁବିଧା ଯୋଗାଇ ଦିଆଯାଇପାରିବ । ଏହାବ୍ୟତୀତ ଆପଣଙ୍କ ପାଖରେ ପେମେଣ୍ଟ ହୋଲିଡ଼େ’ର ବି ସୁବିଧା ଅଛି । ସମସ୍ତ ପ୍ରକାର ଋଣ ଏହାର ପର୍ଯ୍ୟାୟର୍ଭୁକ୍ତ । ଋଣର ପୁନର୍ଗଠନ କିଛି ମାସ ପାଇଁ ଗ୍ରାହକଙ୍କ EMI ହ୍ରାସ କରିବ । ତେଣୁ କେତେଟା ମାସ ପାଇଁ EMI କୁ ମଧ୍ୟ ଏଡ଼ାଇ ଦିଆଯାଇ ପାରିବ ।
ଋଣ ପୁନର୍ଗଠନରେ ଉପଲବ୍ଧ ବିକଳ୍ପଗୁଡ଼ିକ ହେଲା :
ଆପଣ କରିଥିବା ଋଣର ଦେୟ ପୁନଃନିର୍ଦ୍ଧାରଣ କରିପାରିବେ । ଏହାବ୍ୟତୀତ, ମୋରାଟୋରିୟମର ଲାଭ ଉଠାଇବା ପାଇଁ ବର୍ଦ୍ଧିତ ସୁଧ ପାଇଁ ଆପଣ ଏକ ପୃଥକ ଋଣ ନେଇପାରିବେ । ଗ୍ରାହକମାନେ ସେମାନଙ୍କର ସାମ୍ପ୍ରତିକ ଋଣର ଅବଧି ବଢାଇପାରିବେ ଯାହା ଦ୍ଵାରା ସେମାନେ ଚୁକ୍ତିନାମାର ଏହି ମୁହୂର୍ତ୍ତରେ କିଛି ରିହାତି ପାଇବେ । ଆପଣଙ୍କ ଋଣ ଉପରେ ସର୍ବାଧିକ ୨ ବର୍ଷ ପାଇଁ ରିହାତି ବୃଦ୍ଧି କରିବାର ସୁବିଧା ମିଳିବ । ମନେରଖନ୍ତୁ ଋଣର ସୁଧ ହାର କେତେ ହେବ ତାହା ବ୍ୟାଙ୍କ ସ୍ଥିର କରିବ । କାରଣ ଗ୍ରାହକଙ୍କ ସ୍ଥିତିକୁ ଦେଖି ବ୍ୟାଙ୍କଗୁଡିକ ନିଷ୍ପତ୍ତି ନେବାକୁ କ୍ଷମତା ପାଇଛନ୍ତି ।
ବ୍ୟକ୍ତିଗତ ଋଣଧାରୀମାନେ ବି ଋଣ ପୁନର୍ଗଠନ ଯୋଜନାର ଲାଭ ପାଇବେ । ଏହି ଯୋଜନା ଯୋଗୁଁ RBI କରୋନା ସମୟର ସଙ୍କଟରୁ ଉଭୟ ବ୍ୟାଙ୍କ ଏବଂ ଗ୍ରାହକଙ୍କୁ ରିହାତି ଦେବାକୁ ଚେଷ୍ଟା କରିଛି । ଏହାଦ୍ଵାରା NPA ମଧ୍ୟ ହ୍ରାସ କରିବାକୁ ସାହାଯ୍ୟ ମିଳିବ ।
ଋଣ ପୁନର୍ଗଠନର ଲାଭ କେବେ ଉଠାଇବା ଉଚିତ୍ :
ଋଣ ପୁନର୍ଗଠନ ଆପଣଙ୍କୁ ତୁରନ୍ତ ରିହାତି ଦେବ କିନ୍ତୁ ସୁଧ ଖର୍ଚ୍ଚ ବଢିଯିବ । ଯଦି ଆପଣ ଋଣ ପରିଶୋଧ କରିବାରେ ଅସମର୍ଥ ତେବେ ଆପଣ ଏହି ଯୋଜନାର ଲାଭ ଉଠାଇପାରିବେ । ଯଦି କରୋନା ଅବଧିରେ ଆପଣଙ୍କ ଆୟ ପ୍ରଭାବିତ ହୋଇଛି ତେବେ ଏହି ଯୋଜନା ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ଅଟେ ।
ଋଣ ପୁନର୍ଗଠନ କିଏ ପାଇପାରିବ :
ଯଦି ଆପଣଙ୍କର ନଗଦ ଟଙ୍କା ଫ୍ଲୋ ପ୍ରଭାବିତ ହୋଇଛି ଏବଂ ଆପଣଙ୍କୁ ତୁରନ୍ତ ରିହାତି ଦରକାର ତେବେ ଆପଣ ଋଣକୁ ପୁନର୍ଗଠନ କରିପାରିବେ । ତେବେ ଋଣ ଖାତା ସ୍ଥିତି ନିଶ୍ଚିତ ଭାବରେ ମାନକ ହେବା ଜରୁରୀ । ମାର୍ଚ୍ଚ ୧, ୨୦୨୦ ସୁଦ୍ଧା, ଆପଣଙ୍କର ଋଣ ଖାତା ୩୦ ଦିନରୁ ଅଧିକ ସମୟ ପାଇଁ ଡିଫଲ୍ଟ ହେବା ଉଚିତ ନୁହେଁ ।
ଅଣ ବ୍ୟାଙ୍କ ଋଣ ମଧ୍ୟ ପୁନର୍ଗଠନ କରାଯାଇପାରିବ :
RBI ତରଫରୁ ଦିଆଯାଇଥିବା ସୁବିଧା ଅନୁସାରେ କମର୍ଷିଆଲ ବ୍ୟାଙ୍କ, କ୍ଷୁଦ୍ର ଫାଇନାନ୍ସ ବ୍ୟାଙ୍କ ଏବଂ ସ୍ଥାନୀୟ ବ୍ୟାଙ୍କଗୁଡ଼ିକ ଏହି ଯୋଜନାରେ ଅନ୍ତର୍ଭୁକ୍ତ । NBFCs, HFCs, ସମବାୟ ବ୍ୟାଙ୍କ ଋଣକୁ ମଧ୍ୟ ପୁନର୍ଗଠନ ସୁବିଧା ମିଳିବ ।
