ସଂସ୍କାର : ଅନ୍ତର୍ଜାତୀୟ କ୍ରିକେଟରୁ ଅବସର ନେଇସାରି ଥିବା ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ବର୍ତ୍ତମାନ ଫିଲ୍ମ ଜଗତରେ ପ୍ରାଧାନ୍ୟ ବିସ୍ତାର କରିବାକୁ ପ୍ରସ୍ତୁତି ଚଳାଇଛନ୍ତି। ଯଦିଓ ତାଙ୍କର ହିରୋ ହେବାର କୌଣସି ଯୋଜନା ନାହିଁ, କିନ୍ତୁ ସେ ନିଜର ପ୍ରଡକ୍ସନ୍ ହାଉସ୍ ଲଞ୍ଚ କରିଛନ୍ତି।
ମାହି ତାଙ୍କ ପ୍ରଡକ୍ସନ୍ ହାଉସର ନାମ ‘ଧୋନି ଏଣ୍ଟରଟେନମେଣ୍ଟ’ (Dhoni Entertainment) ରଖିଛନ୍ତି। ଏଣ୍ଟରଟେନମେଣ୍ଟ ନ୍ୟୁଜ୍ ଏଜେନ୍ସି ଲେଟସ୍ ସିନେମା ରବିବାର ଟ୍ୱିଟ୍ କରି ଏହି ସୂଚନା ଦେଇଛି। ସେ ଏକ ଫଟୋ ମଧ୍ୟ ସେୟାର କରିଛନ୍ତି ଯେଉଁଥିରେ ଧୋନି ଦେଖାଯାଉଛନ୍ତି ଏବଂ ତାଙ୍କ ପ୍ରଡକ୍ସନ୍ ହାଉସର ନାମ ମଧ୍ୟ ଅଛି।
ତେବେ ଏହି ଖବର ଦୀର୍ଘ ଦିନ ଧରି ଚାଲିଥିଲା ଯେ ଧୋନି ବର୍ତ୍ତମାନ ଫିଲ୍ମ ଦୁନିଆରେ ପ୍ରବେଶ କରିବାକୁ ପ୍ରସ୍ତୁତ ଅଛନ୍ତି। ଧୋନି ସାଉଥ୍ ସୁପରଷ୍ଟାର ଥାଲାପାଥି ବିଜୟଙ୍କ ସହ ଏକ ଫିଲ୍ମ କରିବାକୁ ଯାଉଛନ୍ତି ବୋଲି ରିପୋର୍ଟରେ ମଧ୍ୟ ଦାବି କରାଯାଇଛି। କେବଳ ଏତିକି ନୁହେଁ ଧୋନି ଏହି ଫିଲ୍ମରେ ଏକ କ୍ୟାମୋ ମଧ୍ୟ କରିପାରିବେ ବୋଲି ଆଶା କରାଯାଉଛି। ଧୋନି ନିଜେ ସାଉଥ ସୁପରଷ୍ଟାର ବିଜୟଙ୍କୁ ଡାକି ଏହି ଫିଲ୍ମ କରିବାକୁ କହିଛନ୍ତି।
ଏହି ସବୁ ଖବର ମଧ୍ୟରେ ଧୋନି ମଧ୍ୟ ତାଙ୍କ ପ୍ରଡକ୍ସନ୍ ହାଉସ୍ ଦୀପାବଳି ଦିନ ଲଞ୍ଚ କରିଛନ୍ତି। ଧୋନିଙ୍କ ପ୍ରଡକ୍ସନ୍ ହାଉସର ପୋଷ୍ଟରରେ ଏହା ଜଣା ପଡିଛି ଯେ ମାହି ତାଙ୍କ ଚଳଚ୍ଚିତ୍ରକୁ ତିନୋଟି ଭାଷାରେ କରିବେ। ଏହି ଭାଷାଗୁଡ଼ିକ ହେଉଛି ତାମିଲ, ତେଲୁଗୁ ଏବଂ ମାଲାୟାଲମ୍।
ଉଲ୍ଲେଖଥାଉ କି, ଧୋନି 2008 ମସିହାରୁ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସ (CSK) ଦଳର ଅଧିନାୟକତ୍ୱ ପରିଚାଳନା କରୁଛନ୍ତି। ଏହି କାରଣରୁ ଧୋନି ସାଉଥରେ ମଧ୍ୟ ବହୁତ ପ୍ରସିଦ୍ଧ। ମାହିଙ୍କୁ ଥାଲା ନାମରେ ମଧ୍ୟ ବହୁତ ପ୍ରସିଦ୍ଧ।
ମାହି 15 ଅଗଷ୍ଟ 2020 ମସିହାରୁ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ, କିନ୍ତୁ ତାଙ୍କୁ ଆଇପିଏଲରେ ଖେଳୁଥିବା ଦେଖିବାକୁ ମିଳିଛି। ସେ ଏବେ ମଧ୍ୟ ଚେନ୍ନାଇ ଦଳର ଅଧିନାୟକତ୍ୱ ପରିଚାଳନା କରୁଛନ୍ତି। ରିପୋର୍ଟରେ ଦର୍ଶାଯାଇଛି ଯେ ଧୋନି ଆଇପିଏଲ 2023 ପରେ ଏହି ଲିଗରୁ ଅବସର ନେଇପାରନ୍ତି।
