ସଂସ୍କାର : ସୋନି ଟିଭିରେ ପ୍ରସାରିତ ହେଉଥିବା “ଦି କପିଲ ଶର୍ମା ସୋ’ ବିଷୟରେ ଆପଣମାନେ ଜାଣିଥିବେ ନିଶ୍ଚିତ। କାରଣ ଏହି କମେଡି ସୋ’ ଘରେ ଘରେ ଦେଖାଯାଏ। ସମଗ୍ର ଦେଶ ଆଉ ବିଦେଶରେ ବି ଏହି ସୋ’ କୁ ପରିବାରବର୍ଗ ଏକାଠି ବସି ଦେଖନ୍ତି। ଏହି ସୋକୁ ଦେଖି ଲୋକମାନେ ବହୁତ ଆନନ୍ଦ ନିଅନ୍ତି । ଏହି ସୋକୁ ହାସ୍ୟ କଳାକାର କପିଲ ଶର୍ମା ଏଙ୍କରିଙ୍ଗ କରନ୍ତି । ଏହି ସୋ’ ରେ ଅନେକ ବଲିଉଡ କଳାକାର ଆଉ ପ୍ରତିଷ୍ଠିତ ବ୍ୟକ୍ତି ମାନେ ମଧ୍ୟ ଯୋଗ ଦେଇଛନ୍ତି।
ବଲିଉଡର କଳାକାରମାନେ ନିଜ ଫିଲ୍ମ ପ୍ରମୋଶନ ପାଇଁ ଏହି ସୋ’ କୁ ଆସିଥାନ୍ତି । ହେଲେ ବର୍ତ୍ତମାନ ଏହି ସୋ ସହ ଜଡିତ ଏକ ବଡ ଖବର ସାମ୍ନାକୁ ଆସିଛି । କପିଲ ଶର୍ମାଙ୍କ ସୋ’ ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନଜର ଆସିଛନ୍ତି। ହିନ୍ଦୀ ଟିଭି ରିଆଲିଟି ସୋ କପିଲ ଶର୍ମା ସୋରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେଖିବାକୁ ମିଳିଛି। ଏହି ସୋରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ଆମ ଦେଶ ପାଇଁ ଗୌରବ ଆଣିଥିବା ହକି ଖେଳାଳିଙ୍କୁ ଉତ୍ସାହିତ କରିଛନ୍ତି ।
ସୂଚନା ଯେ, କପିଲ ଶର୍ମା ସୋରେ ଜତୀୟ କ୍ରୀଡା ଦିବସ ଉପଲକ୍ଷେ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ଟୋକିଓ ଅଲିମ୍ପିକ୍ସରେ ଦେଶ ପାଇଁ ଗୌରବ ଓ ସୁନାମ ଆଣିଥିବା ଉଭୟ ପୁରୁଷ ଓ ମହିଳା ହକି ଟିମର ଖେଳାଳିଙ୍କୁ ଅତିଥି ଭାବେ ନିମନ୍ତ୍ରଣ କରାଯାଇଥିଲା । ସୋ ଚାଲିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମୋଡ୍ରେ ଯୋଗଦେଇଥିଲେ । ସେ ହକି ଖେଳାଳିଙ୍କୁ ଅଭିନନ୍ଦନ ଜଣାଇ ଉତ୍ସାହିତ କରିଥିଲେ ।
ସୋ’ରେ ମୁଖ୍ୟମନ୍ତ୍ରୀ କହିଥିଲେ ଯେ, ପୁରୁଷ ଓ ମହିଳା ହକି ଟିମ୍ ଟୋକିଓ ଅଲିମ୍ପିକ୍ସରେ ଦମଦାର ପ୍ରଦର୍ଶନ କରିଛନ୍ତି । ଖେଳାଳି ମାନେ ଦେଶ ପାଇଁ ସୁନାମ ଆଣିଛନ୍ତି । ଖ୍ୟାତି ବଢ଼ାଇଛନ୍ତି। ଏଥିପାଇଁ ସମସ୍ତ ଖେଳାଳିଙ୍କୁ ଅଭିନ୍ଦନନ ଜଣାଇଥିଲେ ନବୀନ । ଖେଳାଳିଙ୍କ ଠାରୁ ଠାରୁ ମିଳିଥିବା ପ୍ରେରଣା ଆଗାମୀ ପିଢ଼ିକୁ ରାସ୍ତା ଦେଖାଇବ। ଏହା କେବଳ ଆରମ୍ଭ।
ଆଗକୁ ଅଧିକ ସଫଳତା ମିଳିବ ବୋଲି ମୁଖ୍ୟମନ୍ତ୍ରୀ କହିଥିଲେ। ଏହାସହ ସେ ହକିକୁ ସମର୍ଥନ ପାଇଁ କପିଲ ଶର୍ମାଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ । ନବୀନଙ୍କୁ କପିଲ ଶର୍ମା ସୋରେ ଦେଖି ଅଧିକାଂଶ ଲୋକ ଆଶ୍ଚର୍ଯ୍ୟ ହୋଇଯାଇଥିଲେ । ହେଲେ ବନ୍ଧୁଗଣ ନବୀନଙ୍କର ଏହି କାମକୁ ଦେଖି ବହୁତ ଲୋକ ଖୁସି ହୋଇଥିଲେ ।
