ଭୁବନେଶ୍ବର : ଓଡିଶା ସ୍କାଉଟ୍ ଗାଇଡ୍ ଫେଲୋସିପ୍ ତରଫରୁ ଜାତୀୟ ମହାତ୍ମା ଗାନ୍ଧୀ ସେବା ସମ୍ମାନ ୨୦୨୦ ପାଇଁ ସବ୍ୟସାଚୀଙ୍କୁ ମନୋନୀତ କରାଯାଇଛି । କୋଭିଡ୍ ସମୟରେ ବହୁ ପ୍ରବାସୀ ଶ୍ରମିକଙ୍କୁ ଘରକୁ ଫେରାଇ ଆଣିବାରେ ରିୟଲ ହିରୋ ସାଜିଥିଲେ ସେ ତନୁ ତାଙ୍କର ଏହି ମହତ୍ତ୍ବପୂର୍ଣ୍ଣ ଅବଦାନ ପାଇଁ ତାଙ୍କୁ ଏହି ସମ୍ମାନ ଦିଆଯିବ।
ଏହାସହ ଜାତୀୟ ସ୍କାଉଟ୍ ଗାଇଡ୍ ଫେଲୋସିପ୍ର ସଭାପତି ଏମ୍ଏକେ ମିକିଙ୍କୁ ଚଳିତବର୍ଷର ଲାଲବାହାଦୂର ଶାନ୍ତିଦୂତ ସମ୍ମାନ ପ୍ରଦାନ କରାଯିବ। ଓଡିଶା ସ୍କାଉଟ୍ ଗାଇଡ୍ ଫେଲୋସିପ୍ କାର୍ଯ୍ୟକାରିଣୀ ବୈଠକରେ ଏହି ନିଷ୍ପତ୍ତି ନିଆଯାଇଛି ।
ରାଜ୍ୟ ସଭାପତି ଡଃ କାଳି ପ୍ରସାଦ ମିଶ୍ର, ଉପସଭାପତି ପଦ୍ମଶ୍ରୀ ଦିଲ୍ଲୀପ ତିର୍କୀ, ଅଭିନେତ୍ରୀ ଅର୍ଚ୍ଚିତା ସାହୁ, ଡ. ପ୍ରଣବ ମହାପାତ୍ର, ବିଶ୍ବାଳ,ରାଜ୍ୟ ସମ୍ପାଦକ ଋଷି ପଟ୍ଟନାୟକଙ୍କ ଏବଂ ଗୁରୁ ପୀତାମ୍ବର ଉପସ୍ଥିତିରେ ଏହି ପୁରସ୍କାର ଘୋଷଣା ହୋଇଥିବା ସୂଚନା ମିଳିଛି ।
