ଏକ ଚିନ୍ତାଜନକ ପରିସ୍ଥିତିରେ ପହଞ୍ଚିଲାଣି ମହାରାଷ୍ଟ୍ର ସରକାରୀ ଡାକ୍ତରଖାନାରେ ରୋଗୀ ମୃତ୍ୟୁ ଘଟଣା। ଦୁଇ ଦିନ ତଳେ ନାନ୍ଦେଡର ଏକ ସରକାରୀ ହସ୍ପିଟାଲରେ 31 ଜଣଙ୍କର ମୃତ୍ୟୁ ଘଟିଥିବା ବେଳ ନାଗପୁରର ସରକାରୀ ପରିଚାଳିତ ମାୟୋ ହସ୍ପିଟାଲରେ 25 ଜଣଙ୍କ ମୃତ୍ୟୁ ଘଟିଛି।
ମାତ୍ର 24 ଘଣ୍ଟା ମଧ୍ୟରେ ଏଠାରେ 25 ରୋଗୀ ଆଖିବୁଜିବା ଚିନ୍ତାର କାରଣ ପାଲଟିଛି। ବିଭିନ୍ନ କାରଣରୁ ଏମାନଙ୍କର ମୃତ୍ୟୁ ଘଟିଥିବା ଡାକ୍ତରଖାନା ପକ୍ଷରୁ କୁହାଯାଉଛି।
ଶଙ୍କରରାଓ ଚୌହ୍ୱାନ ହସ୍ପିଟାଲରେ ରୋଗୀ ମୃତ୍ୟୁ ସଂଖ୍ୟା 35କୁ ବୃଦ୍ଧି ପାଇଥିବା ବେଳେ ଘାଟି ହସ୍ପିଟାଲ(ଛତ୍ରପତି ସମ୍ୱଜିନଗର)ରେ 10-18 ଜଣଙ୍କ ମୃତ୍ୟୁ ଘଟିଛି।
ଥାନେ, ନନ୍ଦେଡ ଏବଂ ଛତ୍ରପତି ସମ୍ୱଜିନଗର ପରେ ଏବେ ନାଗପୁର ହସ୍ପିଟାଲରେ 25 ଜଣ ରୋଗୀଙ୍କ ମୃତ୍ୟୁ ଘଟିଛି।
ସେପଟେ ରୋଗୀ ମୃତ୍ୟୁକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ଏନସିପି ସାଂସଦ ସୁପ୍ରିୟା ସୁଲେ। ସେ କହିଛନ୍ତି, “ଏଠାରେ ସ୍ୱାସ୍ଥ୍ୟ ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡି ପଡିଛନ୍ତି କିନ୍ତୁ ସରକାର ଶୋଇଛନ୍ତି।
