ବଲିଉଡ୍ ଜଗତରେ ପୁଣି ଖେଳିଲା ଶୋକର ଛାୟା : ଏହି ଅଭିନେତାଙ୍କ ହେଲା ଦେହାନ୍ତ

ହିନ୍ଦୀ ଫିଲ୍ମ “PK” ଏବଂ “ROCK ON”ର ଅଭିନେତା ସାଇ ଗୁଣ୍ଡେୱରଙ୍କ ଆମେରିକାରେ ପରଲୋକ ହେଇଛି । ଗତ ବସେ ହେବ ସେ ବ୍ରେନ କ୍ୟାସରରେ ପୀଡ଼ିତ ଥିଲେ । ରବିବାର ମଇ ୧୦ ତାରିଖରେ ତାଙ୍କର ମୃତ୍ୟୁ ହୋଇଛି । ତାଙ୍କ ମୃତ୍ୟୁରେ ବଲିଉଡ କଳାକାରମାନେ ଦୁଃଖ ଜାହିର କରିଛନ୍ତି । ଏମିତିକି ମହାରାଷ୍ଟ୍ରର ଗୃହ ମନ୍ତ୍ରୀ ଅନିଲ ଦେଶମୁଖ ମଧ୍ୟ ସାଇଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।

ସାଇ ଗୁଣ୍ଡେୱରଙ୍କ ଜନ୍ମ ମହାରାଷ୍ଟ୍ରର ନାଗପୁର ସହରରେ ହୋଇଥିଲା । ସେ ହଲିଉଡର ଅନେକ ପ୍ରସିଦ୍ଧ ଟେଲିଭିଜନ ସିରିଜରେ କାମ କରିଛନ୍ତି ଓ ନିଜର ପରିଚୟ ସୃଷ୍ଟି କରିଛନ୍ତି । ୨୦୦୭ ରେ ସେ ଆମେରିକାରୁ ଭାରତକୁ ଫେରିବାକୁ ପଡ଼ିଥିଲା କାରଣ ଆମେରିକାରେ ରହିବା ପାଇଁ ତାଙ୍କୁ ଗ୍ରୀନ କାର୍ଡ଼ ମିଳିଲା ନାହିଁ ।

ସେ “PK”, “PAPPU Can’t DANCE Saala”, “DAVID”, “LOVE Breakups Zindagi”, “ROCK ON”, “BAZAR”, “I, me aur ମେ” ଆଦି ଫିଲ୍ମଗୁଡ଼ିକରେ ଭୂମିକା ପରିବେଷଣ କରିଥିଲେ । ଏହାଛଡ଼ା ୨୦୧୬ ମସିହାରେ ପ୍ରସ୍ତୁତ ହୋଇଥିବା ମରାଠୀ ଫିଲ୍ମ “A DOT.COM MOM”ରେ ସେ ମୁଖ୍ୟ ଭୂମିକାରେ ଦେଖାଦେଇଥିଲେ ।

ସାଇ କେବଳ ଅଭିନେତା ନଥିଲେ, ଅଭିନୟ ସହିତ ସେ ମୁମ୍ବାଇରେ food gymର ସଂସ୍ଥାପକ ବି ଥିଲେ । ଏଇଠି ଗୋଟିଏ ବିଶେଷ କଥା ପରିଲକ୍ଷିତ କରିହେବ ଯେ ବଲିଉଡର ପ୍ରାୟ ଅଭିନେତାଙ୍କ ମୃତ୍ୟୁ କ୍ୟାନସର ଯୋଗୁ ହେଉଛି । ଆଜିର ଏହି ଲକଡାଉନ ସ୍ଥିତିରେ ବି ବଲିଉଡର ୩ ଜଣ ତାରକା ଆମଠାରୁ ବିଦାୟ ନେଇ ସାରିଲେଣି । ଆଉ ପୁଣି ସାଇଙ୍କ ନିଧନ ସମ୍ବାଦ ବଲିଉଡ ମହଲରେ ଶୋକର ଛାୟା ଖେଳାଇ ଦେଇଛି ।