ରାମାନନ୍ଦ ସାଗରଙ୍କ ରାମାୟଣରେ ସୀତା ଚରିତ୍ରରେ ଅଭିନୟ କରି ସୁନାମ ଅର୍ଜନ କରିଥିବା ଟିଭି ଅଭିନେତ୍ରୀ ଦୀପିକା ଚିଖଲିୟା ଅଭିନୟ କରିବାକୁ ପ୍ରସ୍ତୁତ ହେଉଛନ୍ତି ସ୍ଵାଧୀନତା ସଂଗ୍ରାମୀ ସରୋଜିନୀ ନାଇଡୁଙ୍କ ବାୟୋପିକରେ । ଏହି ଚଳଚ୍ଚିତ୍ରଟି ନିର୍ଦ୍ଦେଶକ ଧୀରଜ ମିଶ୍ରଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ହେବାକୁ ଯାଉଛି । ସୂଚନା ଅନୁଯାୟୀ ଦିପିକାଙ୍କ ଆଗାମୀ ଦୁଇଟି ଚଳଚ୍ଚିତ୍ର – ‘ଗାଲିବ’ ଏବଂ ‘ଦୀନଦୟାଲ ଏକ ଯୁଗପୁରଷ’ ମଧ୍ୟ ସେହି ନିର୍ଦ୍ଦେଶକ ଧୀରଜ ମିଶ୍ରଙ୍କ ଦ୍ଵାରା ନିର୍ଦ୍ଦେଶିତ ହେବ ।
ଲକଡାଉନ ଯୋଗୁ ସରୋଜିନୀ ନାଇଡୁଙ୍କ ବାୟୋପିକର କାହାଣୀ ନିର୍ଦ୍ଦେଶକ ଧୀରଜ ମୋତେ ଶୁଣେଇ ନାହାନ୍ତି । ଯଦି ଲକଡାଉନ ପରେ ସବୁକିଛି ଠିକ୍ ହୋଇଯାଏ ତେବେ ମୁଁ ଏ ଚଳଚିତ୍ର କରିବାକୁ ଉତ୍ସୁକ ଅଛି ବୋଲି ଦୀପିକା କହିଛନ୍ତି । ନିର୍ଦ୍ଦେଶକ ଧୀରଜ ମିଶ୍ରଙ୍କୁ ଦିଆଯାଇଥିବା ବୟୋପିକ ଯଦି ଚୂଡାନ୍ତ ହୋଇଯାଏ ତେବେ ଏହା ହେବ ଭାରତର ନାଇଟିଙ୍ଗଲେଙ୍କ ପ୍ରଥମ ବାୟୋପିକ ।
ସରୋଜିନୀ ଭାରତର ସ୍ୱାଧୀନତା ସଂଗ୍ରାମରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବାବେଳେ ଦୀପିକା ଉଲ୍ଲେଖ କରିଛନ୍ତି ଯେ ସେ ତାଙ୍କ ବିଷୟରେ ଅଧିକ ତଥ୍ୟ ପାଇପାରୁ ନାହାନ୍ତି । ସରୋଜିନୀ ନାଇଡୁଙ୍କ ଉପରେ ଗବେଷଣା କଲି କିନ୍ତୁ ଅନଲାଇନରେ ଅଧିକ କିଛି ତଥ୍ୟ ଉପଲବ୍ଧ ନାହିଁ ବୋଲି ଦୀପିକା କହିଛନ୍ତି ।
ଦୀପିକାଙ୍କ ଶେଷ ଚଳଚ୍ଚିତ୍ର ଥିଲା ‘ବାଳ’ ଯେଉଁଥିରେ ସେ ୟାମି ଗୌତମଙ୍କ ମାଆ ଚରିତ୍ରରେ ଦେଖିବାକୁ ମିଳିଥିଲେ । ତାଙ୍କର ଆଗାମୀ ଚଳଚ୍ଚିତ୍ର ‘ଗାଲିବ’ରେ ସେ ଆଫଜଲ ଗୁରୁଙ୍କ ପତ୍ନୀ ଭୂମିକାରେ ଅଭିନୟ କରିବେ । ତାଙ୍କର ପରବର୍ତ୍ତୀ ଚଳଚ୍ଚିତ୍ର, ‘ଦୀନଦୟାଲ ଏକ ଯୁଗପୁରଷ’ ଚଳଚ୍ଚିତ୍ରରେ ସେ ଏକ ଖବରକାଗଜର ସମ୍ପାଦିକା ଚରିତ୍ରରେ ଚିତ୍ରଣ ହେବେ ଆଉ ଏହା ଏକ ନେଗେଟିଭ ରୋଲ ।
